Amos 4:5 - Marahay na Bareta Biblia

⁵ Lakaw kamo asin dolotan an saindong tinapay sa pagpasalamat sa Dios, dangan ipaghambog nindo an saindong mga boluntad na dolot! Iyo ini an gawe na boot nanggad nindong gibohon.

Amos 4:5 ပူးပေါင်းရင်းမြစ်များ

Salmo 81:12

Kaya pinabayaan ko sinda sa katagasan kan saindang mga payo tanganing masunod ninda an sadiri nindang mga mawot.

Isaias 1:1

Nasa librong ini an bisyon na nahiling ni Isaias, na aking lalaki ni Amoz, dapit sa Juda asin sa Jerusalem kan panahon kan paghahade sa Juda ni Uzzias, ni Jotam, ni Ahaz asin ni Ezekias.

Isaias 1:11

“Anong halaga sako kan saimong mga sakripisyo?” an sabi nin Kagurangnan. “Uyam na ako sa mga tinutong na atang na mga karnero asin sa taba kan mga hayop; dai ako naoogma sa dugo nin mga baka o nin mga kordero, o nin mga lalaking kanding.

Jeremias 7:10

Ginigibo nindo an mga bagay na ini na kinakaongisan ko, dangan minadigdi kamo saka minatindog sa atubangan ko, sa laog kan sakong Templo, dangan minasabi kamo, ‘Ligtas kami!’

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Oseas 9:1

Banwaan nin Israel, ontoka an sa paganong pagselebrar nindo kan saindong pyesta. Tinalikodan nindo an saindong Dios asin dai kamo nagin maimbod saiya. Nakalakop kamo sa daga sa pagpabakal kan saindong sadiri sa dios na si Baal; arog kamo sa mga maraot na babae asin namotan nindo an trigo na sa paghona nindo ibinayad niya saindo!

Oseas 9:10

Nagsasabi an Kagurangnan, “Kan manumpongan ko an Israel, nakakaagid iyan sa pakanumpong nin ubas sa desyerto. Kan mahiling ko an saindong mga ginikanan, nakakaagid iyan sa pakahiling kan enot na hinog na bunga nin higera. Alagad kan makaabot sinda sa Bukid nin Peor, nagpoon sinda sa pagsamba ki Baal asin dai nahaloy, nakaarog sinda sa mga makauuyam na mga dios-dios na saindang namotan.

Levitico 23:17

An lambang pamilya madara nin duwang tinapay na idodolot sa Kagurangnan bilang sarong espesyal na dolot. An lambang tinapay kaipuhan linuto hale sa duwang kilong arina na may lebadura. Idodolot iyan sa Kagurangnan bilang enot na bunga kan inani.

Amos 5:21

An Kagurangnan nagtataram, “Naoongisan ko an saindong mga pyesta; dai ko nawiwilihan an saindong mga banal na pagtiripon.

Amos 5:22

Maski pa dolotan nindo ako nin mga tinutong na atang saka dolot na pagkakan, dai ko iyan aakoon; dai ko man aakoon an mga pinatabang hayop na dinadara nindo sako bilang mga dolot para sa katoninongan.

Mateo 15:9

An pagsamba ninda sako mayo nin halaga, huli ta an itinutukdo ninda bilang doktrina, mga pagboot nin tawo sana!’”

Mateo 23:23

“Herak man saindo, mga paratukdo kan Katogonan asin mga Fariseo! Mga parasagin-sagin! Nagtatao kamo sa Dios nin himoloan maski kan tinanom na panrekado siring kan anis, pamyenta asin komino. Alagad dai nindo kinukuyog an mas mahalagang katukdoan sa Katogonan arog kan katanosan, pagkaherak asin pagtubod. Ini an dapat nindong gibohon, dangan dai man nindo pagpabayaan an iba.

Mateo 6:2

“Kaya kun naglilimos kamo, dai nindo iyan ipagpabantog, arog kan ginigibo kan mga parasagin-sagin sa mga sinagoga asin sa mga tinampo. Ginigibo ninda iyan tanganing omawon sinda kan mga tawo. Sa katotoohan sinasabihan ko kamo, inako na ninda an balos.

Roma 1:28

Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.