Amos 4:13 - Marahay na Bareta Biblia

¹³ An Dios iyo an naggibo kan kabukidan asin an naglalang kan mga doros. Ipinapahayag niya an saiyang kaisipan sa tawo; ginigibo niyang banggi an aldaw. Naglalakaw siya sa mga alitoktok kan kinaban. Iyo ini an saiyang ngaran: an Kagurangnan, an Dios nin mga hukbo!

Amos 4:13 ပူးပေါင်းရင်းမြစ်များ

An Libro ni Job 9:7

Inoontok niya an pagsirang kan aldaw, asin an pagliwanag kan mga bitoon kun banggi.

Salmo 135:7

Siya an nagpapaitaas kan mga panganoron hale sa mga poro kan daga; an naggigibo nin kikilat para sa uran, asin an nagpapaluwas kan mga doros hale sa saiyang mga sarayan.

Salmo 139:2

Aram mo kun ako minatukaw o minatindog; nababasa mo sa harayo an gabos kong iniisip.

Salmo 147:18

Dangan minatao siya nin pagboot asin an yelo natutunaw; ipinapadara niya an doros, asin an tubig minabulos.

Salmo 65:6

Huli kan saimong kosog, pinapasarig mo an kabukidan; ipinapahiling mo an saimong kapangyarihan.

Exodo 10:22

Kaya itinaas ni Moises an saiyang kamot, asin nagdiklom an Egipto sa laog nin tolong aldaw;

Exodo 14:20

sa pagultanan ninda asin kan mga Egipcio. An panganoron nagtao nin kadikloman sa mga Egipcio, alagad nagtao nin liwanag sa mga Israelita. Kaya nag-agi an bilog na banggi na dai nagkaharanihan an duwang hukbo.

Isaias 40:12

Siisay na tawo an nakasukol kan katubigan sa paagi nin pagsaldok kaiyan sa saiyang palad o nakasukol kan langit sa paagi nin pagdupa kan saiyang kamot? May nakabugtak na daw kan daga kan kinaban sa sarong takadan, o nakatimbang kan kabukidan saka kabubuldan sa mga timbangan?

Isaias 45:7

Linalalang ko an liwanag saka an kadikloman; nagpapadara ako nin bendisyon saka kapahamakan. Ako, an Kagurangnan, an naggigibo kan gabos na iyan.

Isaias 47:4

An banal na Dios nin Israel iyo an nagpapatalingkas samo— Kagurangnan nin mga hukbo an saiyang ngaran.

Isaias 48:2

Alagad nag-oorgulyo kamo sa pagsabi na mga namamanwaan kamo kan banal na syudad, asin nananarig kamo sa Dios nin Israel, na Kagurangnan nin mga hukbo an ngaran.

Isaias 5:30

Pag-abot kan aldaw na iyan, an ungal ninda sa Israel magigin makosog siring sa hagubohob kan dagat. Hilinga nindo an dagang ini! Pano nin kadikloman asin kahorasaan! An liwanag hinaloan kan kadikloman.

Jeremias 10:13

Sa pagboot niya minahagubohob an mga tubig sa kaitaasan; tinitipon niya an mga panganoron hale sa mga poro kan daga. Pinapasilyab niya an kikilat sa tahaw kan uran asin pinapaluwas niya an doros hale sa saiyang mga sarayan.

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 13:16

Omawon nindo an Kagurangnan na saindong Dios, bago niya darahon an kadikloman, asin madapa kamo sa kabubuldan; bago niya gibohon na mahibog na kadikloman an liwanag na saindong pinaglalaoman.

Jeremias 46:18

Ako, an Kagurangnan nin mga hukbo, iyo an hade. Ako, iyo an Dios na buhay. Arog sa Bukid nin Tabor sa tahaw kan mga bukid, asin arog kan Bukid nin Carmelo sa gilid kan dagat, an kosog kan sarong maabot na masalakay saindo.

Jeremias 51:16

Sa pagboot niya minahagubohob an mga tubig sa ibabaw kan langit; pinapaitaas niya an mga alopoop hale sa mga poro kan daga. Pinapasilyab niya an kikilat sa tahaw kan uran, asin pinapaluwas niya an doros hale sa saiyang sarayan.

Jeremias 51:19

An Dios ni Jacob bakong arog sainda; huli ta siya an naglalang kan gabos saka pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Daniel 2:28

Alagad igwa nin sarong Dios sa langit na nagpapahayag kan mga misteryo. Ipinaaram niya sa saimo an mangyayari sa maabot na panahon. Ngunyan sasabihon ko saimo an pangatorogan, an bisyon na nahiling mo mantang nagkakatorog ka.

Daniel 2:30

Ipinahayag man an misteryong ini sako bakong huli ta orog akong madonong ki sa kiisay man, kundi tanganing maaraman mo an kahulogan kan saimong pangatorogan asin masabotan mo an mga kaisipan na nag-abot saimo.

Oseas 12:6

Kaya ngunyan, kamong mga kapagarakian ni Jacob, magsarig kamo sa saindong Dios, asin magbalik kamo saiya. Magin maimbod kamo saka matanos, asin maghalat kamo na may pakatios sa saindong Dios.

Joel 2:2

Sarong aldaw iyan nin kadikloman asin kamondoan, sarong mapongaw na aldaw saka mahibog na kadikloman! Nagdadangadang an dakulang hukbo nin mga doron arog sa kadikloman na naglalakop sa ibabaw nin kabukidan. Dai pa nin nangyaring arog kaiyan, asin ngapit, dai na mangyayari iyan.

Amos 3:13

Paghinanyog asin pagsaksi laban sa mga kapagarakian ni Jacob,” an sabi kan Kagurangnan Dios, an Dios nin mga hukbo.

Amos 5:27

kun itapok ko na kamo sa dagang nasa ibong kan Damasco,” an sabi nin Kagurangnan, na an ngaran Dios nin mga hukbo.

Amos 5:8

An Kagurangnan an naggibo kan mga bitoon, kan Pleiades asin kan Orion. Pinapangagin niyang kaliwanagan an kadikloman, asin an aldaw pinapangagin niyang banggi. Inaapod niya an katubigan kan dagat dangan inuula niya iyan sa kinaban. Kagurangnan an saiyang ngaran.

Amos 6:8

Itinao na nin Kagurangnan, an Dios nin mga hukbo, an patanid na ini: “Ikinakaongis ko an kapalangkawan kan banwaan nin Israel; ikinakauyam ko an magagayon nindang mga harong. An saindang pangenot na syudad saka an gabos na yaon diyan itatao ko sa kaiwal.”

Amos 8:9

Maabot an panahon na pasusulnopon ko an aldaw sa kaodtohan asin papadiklomon ko an kinaban maski aldaw. Ako, an Kagurangnan Dios, an nagtaram.

Amos 9:6

Pinapatindog nin Kagurangnan an saiyang harong sa kalangitan, asin ibinubugtak niya an panganoron sa itaas kan kinaban. Inaapod niya an katubigan kan dagat dangan inuula iyan sa daga. Kagurangnan an saiyang ngaran!

Mikas 1:3

Madatong an Kagurangnan hale sa banal niyang lugar; mahilig siya dangan malakaw sa mga alitoktok kan kabukidan.

Habakkuk 3:19

An Kagurangnan Dios an nagtatao sako nin kosog. Pinapangagin niyang maingat an sakong mga bitis arog kan sa usa asin iniingatan na ligtas sa kabukidan.

Zacarias 12:1

Iyo ini an mensahe dapit sa Israel hale sa Kagurangnan, an Kagurangnan na nagbiklad kan kalangitan, naglalang kan kinaban, asin nagtao nin buhay sa tawo. Nagsasabi siya,

Mateo 9:4

Aram ni Jesus an nasa isip ninda kaya nagsabi siya, “Tadaw ta nag-iisip kamo nin maraot?

Juan 2:25

Dai na kaipuhan na sabihan pa siya dapit sa mga tawo, huli ta aram na niya kun ano an nasa puso ninda.

Juan 3:8

An doros minahuyop kun saen an boot kaiyan; nadadangog mo an sagiwsiw kaiyan, alagad dai mo aram kun saen iyan hale o saen maduman. Arog kaiyan an nangyayari sa gabos na namumundag sa Espiritu.”

Deuteronomio 32:13

“Pinapaghade niya sinda sa kabubuldan, kinakan ninda an mga bunga kan kaomahan. Nakakua sinda nin dugos sa kagapoan; sa magapong daga, saindang mga oliba nagkaburuhay.

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.