Amos 4:11 - Marahay na Bareta Biblia

¹¹ “Tinunaw ko an iba sa saindo arog kan ginibo kong pagtunaw sa Sodoma saka sa Gomorra. An mga natada sa saindo nakaarog sa naglalaad na sanga na kinua sa kalayo, alagad dai man giraray kamo nagbalik sa sako,” an sabi nin Kagurangnan.

Amos 4:11 ပူးပေါင်းရင်းမြစ်များ

Isaias 13:19

An Babilonia iyo an pinakamagayon sa gabos na kahadean; iyan an orgulyo kan saiyang mga namamanwaan. Alagad ako, an Kagurangnan, an marumpag sa Babilonia siring kan ginibo ko sa Sodoma asin sa Gomorra.

Isaias 7:4

Sabihan mo siyang magin andam, na dai mahandal o matakot o manluya an boot, huli ta an kaanggotan ni Hadeng Rezin kaiba an mga Siro asin ni Hadeng Peka garo sana duwang nag-aasong pungo.

Isaias 9:12

An Siria sa sirangan asin an Filistia sa solnopan nagbuka kan saindang mga ngoso tanganing halonon an Israel. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 23:14

Alagad orog pa an karatan na ginigibo kan mga propeta sa Jerusalem: nakikidorog sinda sa bako nindang agom saka nagtataram nin mga kaputikan; tinatabangan ninda an mga tawo sa paggibo nin maraot, kaya mayo nin minaontok sa paggibo nin karatan. Para sako, gabos sinda maraot arog kan mga taga Sodoma saka mga taga Gomorra.

Jeremias 49:18

Mangyayari sa Edom an siring kan nangyari sa Sodoma saka sa Gomorra kan rumpagon an mga ini saka an kataraed na mga banwa. Mayo na nanggad nin mag-eerok duman. Ako, an Kagurangnan, an nagtaram.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Jeremias 50:40

An nangyari sa Sodoma saka sa Gomorra kan raoton ko an mga syudad na iyan asin an mga kataraed na mga banwa, mangyayari man sa Babilon. Mayo na nin tawong mag-eerok duman sagkod lamang. Ako, an Kagurangnan, an nagtaram.

Ezekiel 24:13

Jerusalem, an takla mo iyo an saimong marompot na gibo. Maski hiningowa kong malinigan ka, nagdanay kang maati. Dai ka na nanggad malilinigan sagkod na mamatean mo an bilog kong kaanggotan.

Oseas 11:5

“Habo nindang magbalik sako, kaya kaipuhan magbalik sinda sa Egipto, asin paghahadean sinda kan Asiria.

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Amos 4:6

“Ako an nagdara nin makuring gutom sa gabos nindong syudad alagad dai kamo nagbalik sa sako.

Hageo 2:17

Nagpadara ako nin mainit na doros asin uran nin yelo tanganing raoton an bunga kan saindong kapagalan, alagad dai kamo nagsolsol.

Zacarias 3:2

Sinabihan kan anghel nin Kagurangnan si Satanas, “Kondenaron ka logod nin Kagurangnan, Satanas! Kondenaron ka logod nin Kagurangnan na namomoot sa Jerusalem. An lalaking ini nakakaarog sa sarong sanga na inagaw sa kalayo.”

Roma 9:29

Siring kaini an sinabi ni Isaias kaidto, “Kun an Kagurangnan nin mga hukbo dai nagwalat sato nin nagkapirang kapagarakian, kutana nagin arog kita sa mga syudad nin Sodoma saka Gomorra.”

1 Corinto 3:15

Kun masulo, mayo siya nin premyo; alagad makakaligtas siya siring sa sarong tawong nakadulag sa kalayo.

Deuteronomio 28:24

Embes na uran, papadarahan kamo kan Kagurangnan nin dakul na alpog saka abo sagkod na kamo magadan.

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.

2 Pedro 2:6

Pinadusahan man nin Dios na magin abo an mga syudad nin Sodoma saka Gomorra nganing ipahiling an mangyayari ngapit sa mga tawong maraot.

Judas 1:23

iligtas nindo an iba sa paagi kan pag-agaw sainda sa kalayo. Siring man maherak kamo sa iba, alagad mag-ingat kamo; kaongisan nindo maski an gubing na nadigtaan kan saindang kadustaan.

Judas 1:7

Giromdoma nindo an Sodoma saka an Gomorra asin an mga kataed na syudad, na naggibo man nin karigsokan saka kadustaan, kaya pinadusahan sa paagi nin kalayong daing kataposan. Ini sarong patanid sa gabos.

Kapahayagan 9:20

Alagad an mga tawong dai nagadan kan mga pesteng ini dai nagbakle kan saindang mga gibo. Dai sinda nag-ontok magsamba sa mga demonyo saka sa mga ginibo nindang dios-dios na bulawan, plata, bronse, gapo o kahoy, na dai nakakahiling ni nakakadangog o nakakalakaw.