Amos 3:9 - Marahay na Bareta Biblia

⁹ Ipahayag mo sa mga nag-eerok sa mga palasyo sa Egipto saka sa Asdod: “Magtiripon kamo sa kabubuldan sa palibot nin Samaria asin hilinga nindo an karibongan saka pang-aapi na ginigibo duman.”

Amos 3:9 ပူးပေါင်းရင်းမြစ်များ

2 Samuel 1:20

Dai nindo ini ipagbuyagyag sa Gat o sa mga dalan nin Askelon; tibaad mag-orogma an mga aking babae kan mga Filisteo, tibaad mag-orogma an mga aking babae kan mga pagano.

Mga Talinhaga 1:13

Hanapon ta an gabos na klase nin kayamanan, dangan panoon ta nin sinamsaman an satong mga harong!

Mga Talinhaga 11:16

Iginagalang an sarong babaeng mabini, alagad an sarong babae na mayong marahay na gawe ikinakasopog. An sarong hugakon na tawo dai nanggad magkakaigwa nin kwarta, alagad an pusoan na tawo magyayaman.

Parahulit 4:1

Dangan hiniling ko giraray an gabos na inhustisya na ginigibo sa kinaban. Nagtatangis an mga inaapi asin mayo nin minaranga sainda, huli ta an mga nag-api sainda iyo an igwa nin kapangyarihan.

Jeremias 31:5

Matanom giraray kamo nin mga ubas sa kabubuldan nin Samaria, asin an mga nagtanom kaiyan makakan kan mga bunga kaiyan.

Jeremias 46:14

“Ipahayag mo ini sa mga banwa nin Egipto, sa Migdol, Memfis, saka sa Tafanhes: ‘Mag-andam kamo sa pagdepensa sa saindong sadiri, huli ta raraoton kan gera an gabos na yaon saindo!

Jeremias 50:2

“Ipahayag mo an bareta sa mga nasyon! Ipaisi mo! Pumatindog ka nin bandera asin ibalangibog mo an bareta! Dai mo iyan pagtagoon! Nagbagsak na an Babilon! Ronot na an saiyang dios-dios na si Marduk! Pinasopog an mga dios-dios nin Babilon; nagkaparasa an makauuyam niyang mga ladawan!

Ezekiel 36:8

Alagad sa kabukidan nin Israel, an mga kahoy magdadahon asin mamumunga para sa saindo, sakuyang banwaan nin Israel. Madali na kamong magpuli.

Ezekiel 37:22

Sasaroon ko sinda bilang saro sanang nasyon sa daga, sa kabukidan nin Israel. Magkakaigwa sinda nin saro sanang hade na mamamayo sainda, asin dai na sinda mababanga sa duwang nasyon o sa duwang kahadean.

Oseas 7:1

“Sa mga panahon na boot ko nang bolongon an sakong banwaan na Israel asin pauswagon giraray sinda, mayo akong nahihiling kundi an saindang katampalasan na saindang ginigibo. Dinadaya ninda an saindang kapwa; sinasalakat ninda an mga harong; asin hinahabonan ninda an mga tawo sa mga tinampo.

Amos 1:8

Hahaleon ko an mga pamayo kan mga syudad nin Asdod saka Askelon. Papadusahan ko an syudad nin Ekron, asin magagadan an natadang mga Filisteo.”

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Amos 5:11

Inapi nindo an mga dukha saka hinabonan kan saindang kakanon, kaya dai kamo mag-eerok sa pinatindog nindong magayon na mga harong na gibo sa gapo, ni mag-iinom kan arak hale sa magagayon nindong ubasan.

Amos 6:1

Herak man saindo na namumuhay sa kaginhawahan sa Sion asin sa saindo na nakakamate nin katiwasayan sa Samaria—kamong bantog na kalalakihan kaining dakulang nasyon nin Israel, kamong dinudolok kan mga tawo tanganing magpatabang!

Amos 6:3

Habo nindong akoon na maabot an aldaw nin kasakitan, alagad hinihidali nindo an pag-abot kaiyan huli kan saindong mga ginigibo.

Amos 8:6

Ipapabakal mi sa halangkaw na presyo an mayo nang halagang trigo. Mahanap kami nin sarong dukha na dai kayang magbayad kan saiyang utang, maski kan halaga nin sarong pades nin sandalyas, dangan babakalon mi siya bilang sarong oripon.”

Mikas 6:10

Sa mga harong nin mga maraot na tawo makukua an kayamanan na napasainda huli sa pandadaya. Naggagamit sinda nin mga salang takadan, sarong gibo na ikinakaongis ko.

1 Samuel 5:1

Kan mabihag kan mga Filisteo an Kaban nin Tipan, dinara ninda ini sa syudad nin Asdod hale sa Ebenezer.