Amos 3:5 - Marahay na Bareta Biblia

⁵ Nadadakop daw an sarong gamgam sa sarong litag kun ini dai pinaonan? Minagubtik daw an litag kun mayo nin nakapagubtik kaiyan?

Amos 3:5 ပူးပေါင်းရင်းမြစ်များ

Salmo 140:5

Mga mapaabaw-abaw nagbugtak nin litag para sako; nagbugtak sinda nin mga siod sa dalan na sakong aagihan.

Parahulit 9:12

Dai aram kan tawo an saiyang panahon. Siring na an sira nadadakop sa hikot, siring na an gamgam nadadakop sa litag, siring man an tawo nadadakop sa mga maraot na panahon, kun kasuarin dai ninda pinaglalaoman.

Jeremias 31:28

Kun paano ako nagin maingat kan sinda sakong gaboton, gabaon, pabagsakon, raoton saka pahaleon, maingat ko man sindang itatanom saka papatindogon.

Daniel 9:14

Andam ka sa pagpadusa samo, O Kagurangnan na samong Dios, asin pinadusahan mo mananggad kami huli ta danay na tama an saimong ginigibo, asin dai kami nagdangog saimo.

Amos 3:4

Minaungal daw an leon sa kadlagan kun dai iyan nakakua nin sarong biktima? Minaungal daw an ogbon na leon kun dai iyan nin nadakop na anoman?

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?