Amos 3:2 - Marahay na Bareta Biblia

² “Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Amos 3:2 ပူးပေါင်းရင်းမြစ်များ

Genesis 10:32

Iyo ini an mga pamilya kan mga aking lalaki ni Noe, sosog sa saindang mga kapagarakian. Sa sainda nagpoon an gabos na nasyon sa kinaban na nakalakop sa daga pakatapos kan baha.

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

Salmo 147:19

An saiyang tataramon ipinapahayag niya ki Jacob, ki Israel an saiyang mga togon asin pagboot.

Exodo 32:34

Alagad lakaw na asin pangenotan mo an mga tawo pasiring sa lugar na itinaram ko saimo. Giromdoma na papangenotan kamo kan sakong anghel, alagad maabot an panahon na papadusahan ko an mga tawong iyan huli kan saindang kasalan.”

Isaias 63:19

Ibinilang mo kami siring sa mga tawong dai mo pinaghadean, siring sa bako mong banwaan.

Jeremias 1:15

huli ta aapodon ko an gabos na kahadean sa amihan na magdigdi. An mga hade ninda mabugtak kan saindang mga trono sa mga trangkahan nin Jerusalem saka sa palibot kan mga kudal kaini. Siring man an gigibohon ninda sa palibot kan gabos na syudad nin Juda.

Jeremias 10:25

Iula mo an labi-labi mong kaanggotan sa mga nasyon na dai nagmimidbid saimo, asin sa mga tawo na dai nag-aapod kan saimong ngaran. Ginadan ninda an saimong banwaan; rinonot nanggad ninda kami asin binayaan nindang raot an samong daga.

Jeremias 11:22

Kaya nagtaram an Kagurangnan nin mga hukbo, “Papadusahan ko sinda! Magagadan sa gera an mga hoben na lalaki; magagadan sa gutom an saindang mga aki.

Jeremias 13:21

Ano an sasabihon mo kun sakopon ka saka pinaghadean kan mga tawong pinaghohona mong mga katood? Makukulogan ka arog sa sarong babaeng nangangaki.

Jeremias 14:10

Nagsasabi an Kagurangnan manongod sa mga tawong ini, “Mas boot nindang magharayo sako, asin dai ninda pinugol an saindang sadiri. Kaya dai ko sinda nawiwilihan. Gigiromdomon ko an mga maraot nindang gibo asin papadusahan ko sinda huli kan mga kasalan ninda.”

Jeremias 9:25

Nagtataram an Kagurangnan, “Maabot an panahon na papadusahan ko an mga taga Egipto, Juda, Edom, Ammon, Moab, asin an mga taga desyerto, na nagpuputol kan saindang buhok. An mga tawong ini sinerkomsisyon na alagad dai ninda inotob an tipan na hinahagad sa mga sinerkomsisyon. Maski saro sa mga tawong ini, asin maski saro sa banwaan kong Israel, dai nag-otob kan sakong tipan.”

Ezekiel 5:9

Huli kan makauuyam mong mga gawe, gigibohon ko saimo an dai ko pa lamang ginibo kaidto o gigibohon pa ngapit.

Ezekiel 9:6

Gadanon nindo an mga gurang na lalaki, an mga hoben na lalaki, an mga hoben na babae, mga ina asin mga aki. Alagad dai nindo pagdutaan an siisay man na may marka sa angog. Magpoon kamo digdi sa sakong Templo.” Kaya pinonan ninda an panggagadan huli sa paggadan kan mga lider na nagtitindog duman sa Templo.

Daniel 9:12

Pinatotoohan mo an sinabi mong gigibohon sa samo asin sa samong mga pamayo. Orog mong pinadusahan an Jerusalem ki sa ibang syudad sa daga.

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Oseas 5:3

Aram ko kun ano an kabaing nin Israel—dai niya ako pwedeng pagtagoan. Dai siya nagin maimbod, asin bakong maninigong magsamba sako an saiyang banwaan.”

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Oseas 9:9

Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Amos 2:4

Nagtataram an Kagurangnan, “Paulit-ulit na nagkasala an mga taga Juda, asin huli kaiyan, papadusahan ko sinda. Tinalikodan ninda an sakong mga katukdoan asin dai inotob an sakong mga pagboot. Linagalag sinda kan parehong mga dios-dios na pinaglingkodan kan saindang mga ginikanan.

Amos 3:3

Magkaibahan daw na minalakaw an duwang lalaki kun dai sinda nagkaolay?

Amos 6:1

Herak man saindo na namumuhay sa kaginhawahan sa Sion asin sa saindo na nakakamate nin katiwasayan sa Samaria—kamong bantog na kalalakihan kaining dakulang nasyon nin Israel, kamong dinudolok kan mga tawo tanganing magpatabang!

Mikas 2:3

Kaya nagsasabi an Kagurangnan, “Nagpaplano ako nin kapahamakan laban saindo, asin dai kamo makakaligtas diyan. Manunumpongan na sana nindo an saindong sadiri na nasa kahaditan. Dai na nanggad kamo makakapaabaw-abaw.

Nahum 3:4

Pinapadusahan an Nineve, an maraot na babae. Mapandagka asin pano nin nakakagadan na gayuma; linumay niya an mga nasyon asin ginibong mga oripon.

Mga Gibo 17:26

Linalang niya an gabos na rasa sa kinaban gikan sa saro sanang tawo. Lambang linalang tinawan niya nin talaan na panahon na mabuhay asin nin lugar na eerokan.

Roma 2:9

Sakit saka dusa an aakoon kan gabos na tawong maraot an gibo, enot an mga Judio, dangan an mga Griyego.

1 Corinto 8:3

Alagad an tawong namomoot sa Dios midbid nin Dios.

Deuteronomio 10:15

Alagad labi-labi an pagkamoot nin Kagurangnan sa saindong mga ginikanan, kaya pinili niya kamo embes na an ibang mga tawo, asin sagkod ngunyan, kamo an saiyang sadiring banwaan.

Deuteronomio 26:18

Ngunyan na aldaw inako kamo nin Kagurangnan bilang saiyang sadiring banwaan siring sa saiyang ipinanuga saindo. Ipinagboboot niya na kuyogon nindo an gabos niyang togon,

Deuteronomio 32:9

Huli ta an kapagarakian ni Jacob saiyang pinili na magin saiyang sadiring kahirasan.

Deuteronomio 4:32

“Siyasaton nindo an nakaaging panahon, bago kamo namundag, poon kan lalangon nin Dios an tawo sa ibabaw nin daga; siyasaton nindo an bilog na kinaban. Nangyari na daw o nadangog na daw an dakulang ngangalasan na arog kaini?

Deuteronomio 7:6

Gibohon nindo iyan huli ta sadiri kamo nin Kagurangnan na saindong Dios. Hale sa gabos na banwaan sa kinaban, pinili niya kamo na magin saiyang sadiring banwaan.

1 Pedro 4:17

Nagdatong na an panahon kan pagpoon kan Paghukom nin Dios; huhukoman niyang enot an mga tawong sadiri niya. Kun sato siya magpoon, ano daw an kataposan kan mga tawong dai nagtutubod sa Marahay na Bareta nin Dios?