Amos 3:14 - Marahay na Bareta Biblia

¹⁴ “Sa aldaw na padusahan ko an banwaan nin Israel huli kan saindang mga kasalan, raraoton ko an mga altar sa Betel. Mapapasa an mga kanto kan gabos na altar asin mahuhulog sa daga.

Amos 3:14 ပူးပေါင်းရင်းမြစ်များ

2 Mga Hade 23:15

Ipinagaba man niya an lugar na pagsasambahan sa Betel na ginibo ni Hadeng Jeroboam na aking lalaki ni Nebat, na nagpakasala sa Israel. Ipinarumpag niya an altar, ipinapedaso an mga gapo kaini saka ipinabayo nin pino; ipinasulo man niya an ladawan ni Asera.

2 Mga Cronica 31:1

Pakatapos kan pyesta, naglibot an mga Israelita sa mga syudad nin Juda asin pinaralod an mga harigi saka mga simbolo kan diosang si Asera saka rinaot an mga paganong altar asin mga lugar na pagsasambahan sa bilog na Juda, sa Benjamin, sa Efraim asin sa Manases. Pakatapos nagpuruli sinda gabos sa saindang harong.

Exodo 32:34

Alagad lakaw na asin pangenotan mo an mga tawo pasiring sa lugar na itinaram ko saimo. Giromdoma na papangenotan kamo kan sakong anghel, alagad maabot an panahon na papadusahan ko an mga tawong iyan huli kan saindang kasalan.”

Amos 2:8

Sa gabos na lugar na pagsasambahan, nagkakatorog an kalalakihan sa gubing na sangra kan dukhang may utang sainda. Sa templo nin saindang Dios, nag-iinom sinda kan arak na saindang kinua sa mga may utang sainda.

Amos 4:4

An Kagurangnan Dios nagtataram, “Mga taga Israel, dumuman kamo sa banal na lugar sa Betel asin magkasala kamo! Dumuman kamo sa Gilgal asin orog pa kamong magkasala! Daraha nindo an mga hayop na isasakripisyo aga-aga, asin an saindong himoloan sa lambang ikatolong aldaw.

Amos 7:10

Dangan nagpatogon si Amazias, an padi nin Betel, ki Hadeng Jeroboam: “Igwa nin pinaplano laban saimo si Amos sa tahaw kan banwaan. An mga pahayag niya iyo an maraot kan daga.

Amos 7:13

Dai ka na nanggad magpropesiya digdi sa Betel. Iyo ini an lugar na pinagsasambahan kan hade, an templo kan bilog na kahadean.”

Amos 7:9

Mararaot an mga lugar na pinagsasambahan kan kapagarakian ni Isaac. Magkakagaraba an mga banal na lugar nin Israel. Tataposon ko an paghahade kan lahi ni Hadeng Jeroboam.”

Amos 9:1

Nahiling ko an Kagurangnan na nagtitindog sa kataed kan altar. Nagboot siya, “Badoli nin makosog an poro kan mga harigi kan templo sagkod na mayugyog an pundasyon. Pasaa an mga iyan dangan pabayae na mahulog sa mga payo kan mga tawo. An mga matadang buhay, gagadanon ko sa gera. Mayo nin makakadulag; mayo nin makakaligtas.