Amos 3:12 - Marahay na Bareta Biblia

¹² Nagtataram an Kagurangnan, “Siring na duwang bitis o sarong talinga na sana an nakukua kan pastor sa sarong karnero na tinabag nin sarong leon, dikit man na taga Samaria na naghihigda sa magagayon na higdaan an matatada.

Amos 3:12 ပူးပေါင်းရင်းမြစ်များ

1 Mga Hade 20:30

Nagdurulag an mga natadang soldados asin nagralaog sa syudad nin Afek, alagad narumpagan kan kudal kan syudad an beynte y syete mil sainda. Nakadulag man si Ben-hadad pasiring sa syudad asin nagpaili sa pinakatagong kwarto nin sarong harong.

1 Mga Hade 20:34

Nagsabi saiya si Ben-hadad, “Ibabalik ko saimo an mga syudad na kinua kan sakong ama sa saimong ama. Pwede kang magpatindog nin mga tindahan sa Damasco, arog kan ginibo kan sakong ama sa Samaria.” Nagsimbag si Ahab, “Sa siring na mga kondisyon, tatalingkasan taka.” Nakipagtipan si Ahab ki Ben-hadad dangan pinahale na niya.

1 Mga Hade 22:25

“Maaaraman mo iyan pag-abot kan aldaw na magtatago ka sa sarong kwarto,” an simbag ni Micaias.

2 Mga Hade 16:9

Dinangog kan emperador an saiyang pakimaherak. Sinalakay ni Tiglat-pileser an Damasco asin nasakop niya ini. Ginadan niya si Hadeng Rezin asin an mga tawo dinara niyang bihag pasiring sa Kir.

Esther 1:6

An patyo may kurtinang kolor puti saka asul. An lubid kaini, na gibo sa pinong lino na kolor purpura, iginakod sa mga platang siningsing, sa itaas nin mga marmol na harigi. Bulawan saka plata an mga tukawan na ibinugtak sa patyo, asin ini sinalogan nin mosaik na gibo sa porfido, marmol, nakar saka mahalagang mga bato.

Esther 7:8

Minadapa pa sana si Haman sa tukawan ni Esther kan magbalik an hade hale sa tatamnan. Pakahiling kaini, nagkurahaw an hade, “Lulupigan pa kan lalaking ini an reyna digdi mismo sa atubangan ko, sa sadiri kong palasyo?” Pakataram kaini kan hade, tinahoban tolos kan mga eunuko an payo ni Haman.

Salmo 132:3

“Dai ako mapuli sa sakong harong ni mapahingalo sa sakong higdaan;

Isaias 17:7

Pag-abot kan aldaw na iyan, an mga tawo mabalik sa saindang Kaglalang, an banal na Dios nin Israel, sa paghagad nin tabang.

Isaias 31:4

Sinabihan ako nin Kagurangnan, “Maski gurano kakosog an kurahaw kan mga pastor, dai ninda mapapatakot an sarong leon tanganing bayaan an hayop na ginadan kaiyan; siring man, mayo nin makakapahale sako, an Kagurangnan nin mga hukbo, sa pagsurog sa Bukid nin Sion.

Isaias 8:4

huli ta bago siya makanood na magtaram nin ‘Ama ko’ o ‘Ina ko’, an gabos na kayamanan nin Damasco asin an gabos na sinamsaman nin Samaria dadarahon kan hade nin Asiria.”

Amos 6:4

Herak man saindo na naghihigda sa magagayon na higdaan, mantang nagpapakabasog sa pagkakan kan karne nin mga kordero saka mga ogbon na baka!

Amos 9:8

Ako, an Kagurangnan Dios, nagmamasid sa makasalan na kahadean na ini nin Israel, asin paparaon ko iyan sa ibabaw kan daga. Alagad dai ko pupuhoon an kapagarakian ni Jacob.