Amos 3:11 - Marahay na Bareta Biblia

¹¹ Kaya papalibotan kan kaiwal an saindang mga kudal, raraoton an saindang mga depensa, asin sasamsaman an saindang mga harong.”

Amos 3:11 ပူးပေါင်းရင်းမြစ်များ

Genesis 34:27

Pakatapos, sinamsam kan iba pang aki ni Jacob an gabos na yaon sa syudad bilang pagbalos sa kasosopgan na inabot kan saindang tugang na babae.

2 Mga Hade 15:19

An Israel sinalakay ni Tiglat-pileser na emperador nin Asiria. Tinawan ni Menahem si Tiglat-pileser nin treynta y otso toneladang plata, tanganing makua sana an tabang niya sa pagpakosog kan saiyang kapangyarihan sa Israel.

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Cronica 36:19

Sinulo niya an Templo, rinumpag an mga kudal nin Jerusalem, sinulo an mga palasyo asin an gabos na kayamanan duman.

An Libro ni Job 20:21

Mayong natatada pakatapos niyang magkakan; kaya an saiyang kauswagan dai magdadanay.

Amos 2:5

Kaya papadarahan ko nin kalayo an Juda asin susuloon ko an mga bantayan kan Jerusalem.”

Amos 3:10

Nagtataram an Kagurangnan, “Pinapano kan mga tawong ini an saindang mga harong nin mga bagay na nakua ninda sa paagi nin panghahabon saka dahas. Dai ninda aram kun paano an paggibo nin tama.

Amos 3:15

Raraoton ko an mga harong na para sa tig-lipot saka an sa tig-init. Magkakagaraba an mga harong na marpil, siring man an mga darakulang harong.”

Amos 6:14

An Kagurangnan mismo, an Dios nin mga hukbo, nagtataram, “Banwaan nin Israel, sarong dayuhan na hukbo an ipapadara ko tanganing sakopon an saindong daga. Aapihon kamo kaiyan magpoon sa Agihan nin Hamat sa amihan sagkod sa Sapa nin Araba sa habagat.”

Amos 6:8

Itinao na nin Kagurangnan, an Dios nin mga hukbo, an patanid na ini: “Ikinakaongis ko an kapalangkawan kan banwaan nin Israel; ikinakauyam ko an magagayon nindang mga harong. An saindang pangenot na syudad saka an gabos na yaon diyan itatao ko sa kaiwal.”