Amos 2:3 - Marahay na Bareta Biblia

³ Gagadanon ko an pamayo nin Moab asin an gabos na lider kan daga.”

Amos 2:3 ပူးပေါင်းရင်းမြစ်များ

An Libro ni Job 12:21

Sinosopog niya an mga may katongdan asin hinahale an mga kosog kan mga pamayo.

Salmo 141:6

Kun itao na sinda sa mga mapadusa sainda, dangan ninda masasabotan na totoo an tataramon nin Kagurangnan.

Salmo 2:10

Kaya, mga hade, hinanyoga nindo an patanid na ini; kamong mga pamayo nin kinaban, horophoropa an katukdoan na ini:

Isaias 40:23

Ibinababa niya an mapangyaring prinsipe asin hinahalean sinda nin halaga.

Jeremias 48:25

Rinonot na an kosog nin Moab, rinaot na an saiyang kapangyarihan. Ako, an Kagurangnan, an nagtaram.”

Jeremias 48:7

“Moab, nanarig ka sa saimong kosog asin yaman, alagad ngunyan maski ika masasakop; mabibihag an saimong dios-dios na si Kemos, kaiba an saiyang mga prinsipe saka mga padi.

Amos 5:12

Huli ta aram ko an kadakul nindong kasombikalan asin kun gurano kadakula an saindong mga kasalan. Pinapasakitan nindo an mga matanos, minaako kamo nin suhol, saka dai nindo itinatao an deretso kan mga dukha.

Amos 5:7

Herak man saindo, kamo na nagbibiko kan hustisya asin nagdadaya kan deretso nin mga tawo!

Amos 6:12

Pinapadalagan daw sa kagapoan an kabayo? Ipinag-aarado daw an baka sa dagat? Alagad an hustisya ginibo nindong hudong asin an tama ginibo nindong sala.

Mga Bilang 24:17

An maabot na aldaw sakong tinatanaw, Asin an nasyon nin Israel sakong nahihiling. Sarong bitoon an maluwas ki Jacob, sarong hade an magikan sa Israel. Siya an maronot kan payo ni Moab Asin mapatumba kan mga aki ni Set.