Amos 2:15 - Marahay na Bareta Biblia

¹⁵ An mga parapana dai makakatagal, an mga marikas dumalagan dai makakadulag, asin an mga nangangabayo dai makakaligtas.

Amos 2:15 ပူးပေါင်းရင်းမြစ်များ

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Isaias 31:3

Bakong mga dios an mga taga Egipto—mga tawo sana sinda. An saindang mga kabayo bakong mga espiritu, kundi laman. Kun unaton na nin Kagurangnan an saiyang kamot, magagaba an makosog na nasyon, asin mabagsak an maluyang nasyon na tinabangan kaini. Sabay sindang marurumpag.

Jeremias 51:56

Nag-abot sinda tanganing raoton an Babilon; binihag an mga soldados kaini, saka binari an saindang mga pana. Ako an Dios na nagpapadusa kan karatan, asin papabayadon ko an Babilonia sosog sa maninigo saiya.

Ezekiel 39:3

Dangan aagawon ko an pana saka bosog sa saiyang mga kamot.

Amos 9:1

Nahiling ko an Kagurangnan na nagtitindog sa kataed kan altar. Nagboot siya, “Badoli nin makosog an poro kan mga harigi kan templo sagkod na mayugyog an pundasyon. Pasaa an mga iyan dangan pabayae na mahulog sa mga payo kan mga tawo. An mga matadang buhay, gagadanon ko sa gera. Mayo nin makakadulag; mayo nin makakaligtas.

Hageo 2:22

rurumpagon ko na an mga kahadean dangan tataposon an saindang kapangyarihan. Papabalintokon ko an mga karwahe asin an mga lunad kaiyan; magagadan an mga kabayo asin maggagaradanan an mga lunad diyan.

Zacarias 10:5

Magigin mapanggana an banwaan nin Juda arog sa mga soldados na nagtitimaktimak kan saindang mga kaiwal sa laboy kan mga tinampo. Makikilaban sinda huli ta kaiba ninda an Kagurangnan, asin dadaogon ninda maski an mga kaiwal nindang parakabayo.