Amos 2:14 - Marahay na Bareta Biblia

¹⁴ Dai makakaligtas maski an pinakamarikas na paradalagan; mawawaraan nin kosog an makokosog na mga lalaki, asin dai ikakaligtas kan mga soldados maski an saindang buhay.

Amos 2:14 ပူးပေါင်းရင်းမြစ်များ

An Libro ni Job 11:20

Alagad mahaharap an mga mata kan mga maraot; dai ninda makukua na dalan pasiring sa kaligtasan, asin an saindang magigin paglaom iyo an pagdatong kan kagadanan.”

Salmo 33:16

An hade dai ikinakaligtas kan saiyang makosog na hukbo; an soldados, kan saiyang dakulang kosog.

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Jeremias 25:35

Mayo na nin paagi tanganing makadulag kamo.

Jeremias 39:4

Kan mahiling ni Hadeng Zedekias asin kan gabos niyang soldados an nangyayari, naghingowa sindang makahale sa syudad pagkabanggi. Nag-agi sinda sa tatamnan kan hade, sa trangkahan sa pagultanan kan duwang kudal, asin nagpasiring sa Kapantayan nin Jerico.

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Amos 5:9

Dinadarahan niya nin kapahamakan an mga makokosog asin an saindang mga bantayan.