Amos 2:13 - Marahay na Bareta Biblia

¹³ Ngunyan, roronoton ko kamo sa daga, asin maagrangay kamo arog sa kariton na pano nin trigo.

Amos 2:13 ပူးပေါင်းရင်းမြစ်များ

Genesis 37:7

gabos daa kita nagbuburugkos kan mga inasyab na trigo sa oma, kan magbuhat asin magtindog nin tanos an sakong binugkos. Pinalibotan kan saindong binugkos an sakong binugkos asin dinukoan ninda ini sa paggalang.”

An Libro ni Job 39:12

Minatubod ka daw saiya na mabalik siya, asin na dadarahon niya hale sa saimong ginikan an saimong trigo?

Salmo 78:40

Pirang beses sindang nagrebelde tumang saiya sa desyerto; pirang beses ninda siyang pinamondo!

Isaias 1:14

Ikinakaongis ko an saimong mga pyesta kan Bagong Bulan saka itinalaan na mga pyesta; iyan sarong pagabat para sako; napapagal na ako sa pagpasan kaiyan.

Isaias 43:24

Dai mo ako ibinakal nin insenso o binasog kan mga taba kan saimong mga hayop. Alagad pinagabatan mo ako kan saimong mga kasalan; pinagal mo ako huli kan saimong kasombikalan.

Isaias 7:13

Nagsabi si Isaias, “Pagdangog kun siring, kapagarakian ni Hadeng David. Dikit pa daw sa saindo an pagbalo kan pagkamatinios nin mga tawo, ta binabalo pa nindo an pagkamatinios nin sakong Dios?

Ezekiel 16:43

Nalingawan mo kun pano taka inataman kan ika aki pa, asin pinaanggot mo ako huli kan gabos na ginibo mo. Kaya pinabayad taka kan gabos na iyan. Tadaw ta dinugangan mo nin karompotan an makauuyam na mga bagay na ginibo mo?” An Kagurangnan Dios an nagtaram.

Ezekiel 6:9

saen mamumuhay sinda sa pagkatapokan. Duman ninda ako magigiromdoman asin maaaraman ninda na pinadusahan saka hinahalean ko sinda nin onra, huli ta tinalikodan ako kan saindang bakong maimbod na mga puso asin pinaorog ninda an mga dios-dios ki sa sako. Ikakaongis ninda an saindang sadiri huli sa mga karatan saka makauuyam na mga bagay na saindang ginibo.

Malakias 2:17

Pinagal nindo an Kagurangnan huli kan saindong mga pagparataram. Alagad minahapot kamo, “Paano mi siya pinagal?” Huli sa pagsasabi nin, “Ibinibilang kan Kagurangnan nin mga hukbo na marahay an siisay man na naggigibo nin maraot, asin nawiwilihan niya sinda.” O huli sa paghapot nin, “Haen na an Dios nin hustisya?”

Mga Bilang 7:3

nagdara kan saindang mga dolot sa Kagurangnan: anom na kareta saka doseng torong baka, sarong kareta para sa lambang duwang lider asin sarong torong baka para sa lambang lider.