Amos 1:6 - Marahay na Bareta Biblia

⁶ Nagtataram an Kagurangnan, “Paulit-ulit na nagkasala an mga taga Gaza, asin huli kaiyan, papadusahan ko sinda. Dinara ninda an sarong bilog na nasyon dangan ipinabakal bilang mga oripon sa mga taga Edom.

Amos 1:6 ပူးပေါင်းရင်းမြစ်များ

2 Mga Cronica 28:18

Kan panahon man na iyan, sinalakay kan mga Filisteo an mga syudad sa Sefela asin sa habagat na parte nin Juda. Nasakop ninda an mga syudad nin Bet-semes, Aijalon asin Gederot, siring man an mga syudad nin Soco, Timna, saka Gimzo kaiba an mga baryo kan mga ini, dangan duman na sinda nag-erok.

Jeremias 47:1

Bago sinalakay kan hade nin Egipto an Gaza, nagtaram sako an Kagurangnan manongod sa mga Filisteo.

Ezekiel 35:5

“Danay na kaiwal ka nin Israel asin pinabayaan mong magkagaradan an mga namamanwaan diyan sa panahon nin saindang kasakitan, an panahon nin huring pagpadusa sainda huli kan saindang mga kasalan.

Joel 3:4

“Ano an ginigibo mo sako, Tiro, Sidon, asin gabos na rehiyon nin Filistia? Boot nindo akong baloson? Kun nagbabalos kamo, babaloson ko tolos kamo!

Joel 3:6

Dinara man nindo an mga taga Juda saka mga taga Jerusalem harayo sa saindang daga dangan ipinabakal nindo sinda sa mga Griyego.

Amos 1:11

Nagtataram an Kagurangnan, “Paulit-ulit na nagkasala an mga taga Edom, asin huli kaiyan, papadusahan ko sinda. Linamag ninda an saindang mga tugang, an mga Israelita, asin dai ninda naherakan. Daing kasagkoran an saindang kaanggotan, asin pinadanay ninda iyan.

Amos 1:3

Nagtataram an Kagurangnan, “Paulit-ulit na nagkasala an mga taga Damasco, asin huli kaiyan, papadusahan ko sinda. An mga taga Gilead pinasakitan ninda nin makuri.

Amos 1:7

Kaya papadarahan ko nin kalayo an mga kudal kan syudad nin Gaza asin susuloon ko an mga bantayan kaiyan.

Amos 1:9

Nagtataram an Kagurangnan, “Paulit-ulit na nagkasala an mga taga Tiro, asin huli kaiyan, papadusahan ko sinda. Dinara nindang bihag an sarong bilog na nasyon sa daga nin Edom. Dai ninda inotob an tipan nin pakikipagkatood na saindang ginibo.

Obadias 1:11

Naghiling ka sana kan laogon nin mga dayuhan an saindang mga trangkahan. Maraot ka siring kan mga dayuhan na nagsamsam kan mga kayamanan nin Jerusalem, dangan nagparanga kaiyan.

Zacarias 9:5

Mahihiling ini kan syudad nin Askelon saka matatakot. Mahihiling man iyan kan syudad nin Gaza, asin mamimiripit iyan sa kulog. Arog man kaini an mangyayari sa Ekron, kaya mawawaraan siya nin paglaom. Magagadan an hade nin Gaza; an Askelon dai na pag-eerokan.

Mga Gibo 8:26

Nagtaram ki Felipe an sarong anghel nin Kagurangnan, “Mag-andam ka dangan magduman ka sa habagat, sa dalan na palugsot sa Jerusalem pasiring sa Gaza.” (An dalan na ini dai na pinag-aagihan.)

1 Samuel 6:17

Nagpadara sa Kagurangnan an mga Filisteo kan limang bulawan na pormang mga tumor bilang regalo tanganing bayadan an saindang kasalan; an limang ini para sa limang syudad kan Asdod, Gaza, Askelon, Gat, asin Ekron.