Amos 1:5 - Marahay na Bareta Biblia

⁵ Roronoton ko an mga trangkahan nin Damasco asin hahaleon ko an mga nag-eerok sa Kapantayan nin Aven, saka an pamayo nin Bet-eden. Dadarahon bilang mga bilanggo an mga taga Siria pasiring sa Kir.”

Amos 1:5 ပူးပေါင်းရင်းမြစ်များ

2 Mga Hade 14:28

An iba pang ginibo ni Jeroboam Ika Duwa, an saiyang kaisogan, an saiyang mga pakigera, asin an pagkabawi niya sa Damasco saka sa Hamat para sa Israel, gabos nasusurat sa An Kasaysayan kan mga Hade nin Israel.

2 Mga Hade 16:9

Dinangog kan emperador an saiyang pakimaherak. Sinalakay ni Tiglat-pileser an Damasco asin nasakop niya ini. Ginadan niya si Hadeng Rezin asin an mga tawo dinara niyang bihag pasiring sa Kir.

Isaias 22:6

An mga soldados hale sa daga nin Elam nag-abot na nakalunad sa mga kabayo, armado nin mga pana. Inandam na man kan mga soldados na hale sa Kir an saindang mga kalasag.

Isaias 43:14

An banal na Dios nin Israel, an Kagurangnan na nagliligtas saindo, nagsasabi, “Sa pagligtas saindo, mapadara ako nin hukbo laban sa Babilon; gagabaon ko an trangkahan kan syudad, asin an mga kinurahaw kan saiyang namamanwaan magigin pagtangis.

Isaias 8:4

huli ta bago siya makanood na magtaram nin ‘Ama ko’ o ‘Ina ko’, an gabos na kayamanan nin Damasco asin an gabos na sinamsaman nin Samaria dadarahon kan hade nin Asiria.”

Jeremias 50:36

Kagadanan para sa mga putikon na propeta niya— mga lolong nanggad sinda! Kagadanan para sa saiyang mga soldados— dai mahorophorop an takot ninda!

Jeremias 51:30

Nag-ontok na sa pakilaban an mga soldados nin Babilonia, asin dai na naghale sa saindang mga bantayan. Nawara na an kosog kan saindang boot asin nagin arog sinda sa mga babae. Garaba na an mga trangkahan kan syudad asin nagkakalayo na an mga harong.

Mga Panambitan 2:9

An mga trangkahan natahoban na kan mga gaba; bari asin ronot na an mga barat kan mga iyan. Nabihag na an hade asin an mga prinsipe; mayo na an Katogonan. An mga propeta dai na nagkakaigwa nin mga bisyon hale sa Kagurangnan.

Ezekiel 27:23

Nakipagnegosyo saimo an mga syudad nin Haran, Canne, saka Eden, an mga negosyante nin Sheba, asin an mga syudad nin Assur saka Kilmad.

Ezekiel 30:17

An mga hoben na lalaki sa mga syudad nin Heliopolis saka Bubastis magagadan sa paagi nin espada, asin mabibihag an mga babae.

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”

Amos 5:5

Dai kamo magduman sa Beer-sheba sa pagsamba. Dai nindo ako paghanapon sa Betel, huli ta an Betel mawawaraan nin halaga. Dai kamo magduman sa Gilgal huli ta itatapok an saiyang mga namamanwaan.”

Amos 9:7

An Kagurangnan nagtataram, “Banwaan nin Israel, an pagromdom ko sa Etiopia siring kan pagromdom ko saimo. Kinua ko an mga Filisteo hale sa Creta asin an mga Siro hale sa Kir, siring na kinua ko kamo sa Egipto.

Nahum 3:13

An saimong mga soldados garo mga babae, asin an saimong daga mayo nin depensa laban sa saimong mga kaiwal. Tututongon nin kalayo an mga barat kan saimong mga trangkahan.