Amos 1:4 - Marahay na Bareta Biblia

⁴ Kaya papadarahan ko nin kalayo an palasyo na pinatindog ni Hadeng Hazael asin susuloon ko an mga bantayan ni Hadeng Ben-hadad.

Amos 1:4 ပူးပေါင်းရင်းမြစ်များ

1 Mga Hade 19:15

Nagsabi an Kagurangnan, “Bumalik ka sa kalangtadan na harani sa Damasco, dangan lumaog ka sa syudad saka lahidan mo si Hazael bilang hade nin Siria;

2 Mga Hade 13:25

Dangan tolong beses na nadaog si Ben-hadad ni Hadeng Jehoas nin Israel. Nabawi ni Jehoas an mga syudad na nasakop ni Ben-hadad sa panahon kan paghahade ni Jehoahaz, na ama ni Jehoas.

2 Mga Hade 13:3

Huli kaini, naanggot an Kagurangnan sa Israel kaya paulit-ulit na ipinadaog niya an Israel ki Hadeng Hazael nin Siria asin sa aki kaining si Ben-hadad.

2 Mga Hade 6:24

Dai nahaloy, tinipon ni Hadeng Ben-hadad nin Siria an bilog niyang hukbo asin pinalibotan an Samaria.

2 Mga Cronica 16:2

Kaya nagkua si Asa nin plata saka bulawan hale sa kayamanan sa Templo saka sa palasyo dangan ipinadara ki Hadeng Benhadad nin Siria na idtoon duman sa Damasco, kaiba an mensaheng ini:

Jeremias 17:27

Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 49:27

Susuloon ko an mga kudal kan Damasco saka tututongon ko an palasyo ni Hadeng Ben-hadad. Ako, an Kagurangnan nin mga hukbo, an nagtaram.”

Ezekiel 30:8

Kun suloon ko na an Egipto asin magadan na an gabos na nagtabang kaiyan, dangan maaaraman ninda na ako an Kagurangnan.

Ezekiel 39:6

Mapadara ako nin kalayo sa daga nin Magog asin sa mga baybayon nin dagat saen toninong na nag-eerok an mga tawo, dangan maaaraman nin gabos na ako an Kagurangnan.

Oseas 8:14

“Nagpatindog nin mga palasyo an banwaan nin Israel, alagad nalingawan ninda an Kaglalang sainda. An mga taga Juda nagpatindog nin pinapusog na mga syudad, alagad mapadara ako nin kalayo na masulo kan saindang mga palasyo saka mga syudad.”

Amos 1:10

Kaya papadarahan ko nin kalayo an mga kudal kan syudad nin Tiro asin susuloon ko an mga bantayan kaiyan.”

Amos 1:12

Kaya papadarahan ko nin kalayo an syudad nin Teman asin susuloon ko an mga bantayan nin Bozra.”

Amos 1:14

kaya papadarahan ko nin kalayo an mga kudal kan syudad nin Rabba asin susuloon ko an mga bantayan kaiyan. Dangan magkakaigwa nin kinurahaw sa aldaw nin gera, asin an ralaban magigin mangirhat siring sa sarong bagyo.

Amos 1:7

Kaya papadarahan ko nin kalayo an mga kudal kan syudad nin Gaza asin susuloon ko an mga bantayan kaiyan.

Amos 2:2

Papadarahan ko nin kalayo an daga nin Moab asin susuloon ko an mga bantayan nin Keriot. An mga taga Moab magagadan sa tahaw nin karibokan nin gera mantang nagkukurahaw an mga soldados asin nagtatanog an mga trompeta.

Amos 2:5

Kaya papadarahan ko nin kalayo an Juda asin susuloon ko an mga bantayan kan Jerusalem.”

Hukom 9:57

Ginibo man nin Dios na magtios an mga taga Shekem huli kan saindang karatan, siring sa maldisyon ni Jotam, na aking lalaki ni Gideon.