Amos 1:2 - Marahay na Bareta Biblia

² Nagsabi si Amos, “Nagtataram sa makosog na tingog an Kagurangnan hale sa Bukid nin Sion; nagdadaguldol an saiyang tingog hale sa Jerusalem. Naaalang an mga pasabsaban, asin naluluyos an mga doot sa Bukid nin Carmelo.”

Amos 1:2 ပူးပေါင်းရင်းမြစ်များ

Salmo 29:4

Mapangyari an tingog nin Kagurangnan, an tingog nin Kagurangnan pano nin kamurawayan.

Salmo 46:6

Nagkakatarakot an mga nasyon, nagtatarakig an mga kahadean; nagdadaguldol an Dios asin natutunaw an daga.

Mga Talinhaga 20:2

An kaanggotan nin hade garo ungal kan leon; an minapaanggot saiya nawawaraan kan sadiring buhay.

Isaias 33:9

Mayo na nin tinanom an daga asin mayo na nin nag-eerok diyan. Naalang na an kadlagan nin Lebanon, asin nagin siring sa sarong desyerto an matubang na Kapantayan nin Sharon; nagtatakig an mga dahon kan mga kahoy sa Basan asin sa Bukid nin Carmelo.

Isaias 35:2

Maawit saka makurahaw sa kaogmahan an desyerto; magigin magayon iyan siring sa mga Bukid nin Lebanon asin magigin matubang siring sa kaomahan nin Carmelo saka Sharon. Mahihiling kan gabos an kamurawayan nin Kagurangnan, mahihiling ninda an saiyang kadakulaan asin kapangyarihan.

Isaias 42:13

An Kagurangnan minaluwas siring sa sarong paralaban; andam asin boot makigera. Minakurahaw siya bilang tanda nin pagsalakay; ipinapahiling niya an saiyang kapangyarihan laban sa saiyang mga kaiwal.

Jeremias 12:4

Sagkod nuarin magigin mamara an daga saka magigin alang an mga doot sa kabukidan? Naghihingagdan an mga hayop saka gamgam huli kan karatan kan samong banwaan, banwaan na nagsasabing, ‘Dai nahihiling nin Dios an satong mga ginigibo.’”

Jeremias 14:2

“Nagmomondo an Juda, naghihingagdan an saiyang mga syudad, naghihigda sa daga an mga tawo huli sa kamondoan, asin naghahagad nin tabang an Jerusalem.

Jeremias 25:30

“Jeremias, dapat na ipahayag mo an lambang sinabi ko. Taraman mo nanggad an mga tawong ini, ‘An Kagurangnan maghahagubohob hale sa langit asin magdadaguldol hale sa kaitaasan nin langit. Maghahagubohob siya laban sa saiyang banwaan; magkukurahaw siya arog kan sarong tawo na nagtitimaktimak kan mga ubas. An lambang saro sa daga makakadangog saiya,

Jeremias 28:8

An mga propetang naenot sato nagpropesiya na magkakaigwa nin gera, gutom, saka peste sa dakul na nasyon asin sa darakulang kahadean.

Jeremias 50:19

Ibabalik ko sa sadiri nindang daga an Israel. Kakakanon ninda an kakanon na nagtatalubo sa Bukid nin Carmelo saka sa rehiyon nin Basan. Kakakanon ninda an gabos na magustohan ninda sa mga tinanom na nagtatalubo sa mga teritoryo nin Efraim saka sa Gilead.

Oseas 11:10

“Masunod sako an sakong banwaan kun ngaroban ko arog sa sarong leon an saindang mga kaiwal. Maghihidali sinda sa pagdolok sako hale sa solnopan.

Oseas 13:8

Sasalakayon ko kamo siring sa sarong oso na nawaraan kan saiyang mga ogbon, saka roronoton ko an saindong mga daghan. Siring sa sarong leon, kakakanon ko kamo, asin pepedasohon arog sa pagpedaso kan sarong lalaw na hayop.

Joel 1:19

Ako minaagrangay sa saimo Kagurangnan, huli ta nagkakaaralang an mga kahoy saka mga pasabsaban, na garo man sana sinurulo.

Joel 2:11

Pakurahaw na pinagbotan nin Kagurangnan an saiyang hukbo. Dakul asin makosog an mga soldados na nagkukuyog sa saiya. Mangirhat nanggad an aldaw nin Kagurangnan! Siisay an makakatagal kaiyan?

Joel 3:16

Hale sa Bukid nin Sion nagdadaguldol an Kagurangnan; an saiyang tingog nagdadaguldol hale sa Jerusalem; an kinaban saka an langit tinatakigan. Alagad susurogon niya an saiyang banwaan.

Amos 9:3

Maski magtago sinda sa alitoktok kan Bukid nin Carmelo, hahanapon ko sinda asin dadakopon. Maski tagoan ninda ako sa irarom kan dagat, susugoon ko an impakto na yaon diyan tanganing kagaton sinda.

Nahum 1:4

Pinagbobotan niya an dagat, asin minamara iyan! Pinapamara niya an mga salog. Naluluyos an kaomahan nin Basan, an Bukid nin Carmelo siring man, asin nawawara an mga burak nin Lebanon.

1 Samuel 25:2

Igwa nin sarong lalaki na an ngaran Nabal; kaayon siya sa kamaganakan ni Caleb. Gikan siya sa banwa nin Maon asin igwa nin sadiring daga harani sa banwa nin Carmelo. Mayaman siyang marahay; tolong ribo an sadiri niyang mga karnero asin sangribo an saiyang kanding. Magayon asin madonong an agom niyang si Abigail, alagad maraot an ugale kan lalaking ini. Ginuguntingan ni Nabal an saiyang mga karnero sa Carmelo,