Amos 1:14 - Marahay na Bareta Biblia

¹⁴ kaya papadarahan ko nin kalayo an mga kudal kan syudad nin Rabba asin susuloon ko an mga bantayan kaiyan. Dangan magkakaigwa nin kinurahaw sa aldaw nin gera, asin an ralaban magigin mangirhat siring sa sarong bagyo.

Amos 1:14 ပူးပေါင်းရင်းမြစ်များ

2 Samuel 11:1

Pakatapos kan tig-lipot na iyo an panahon na ipinagduduman sa gera kan mga hade. Sa panahon na iyan, pinalakaw ni David si Joab kaiba an saiyang mga opisyal asin an hukbo nin Israel; dinaog ninda an mga Ammonita asin pinalibotan an syudad nin Rabba. Alagad nagpawalat si David sa Jerusalem.

2 Samuel 12:26

Pinadagos ni Joab an pakilaban sa Rabba, an pangenot na syudad nin Ammon, asin madali na niyang masakop ini.

2 Samuel 12:31

Pinatrabaho niya an mga tawong taga Rabba na gamit an mga lagadi, mga piko, saka mga patok, asin pinirit sindang maggibo nin mga ladrilyo; iyo man an ginibo ni David sa mga tawo kan ibang mga banwa nin Ammon. Dangan nagbalik sa Jerusalem si David saka an saiyang mga tawohan.

1 Mga Cronica 20:1

Pakatapos kan tiglipot na iyo an panahon na ipinagduduman sa gera kan mga hade, pinamayohan ni Joab an hukbo asin sinalakay an daga nin Ammon; alagad nagpawalat si David sa Jerusalem. Pinalibotan ninda an syudad nin Rabba, sinalakay asin rinaot.

An Libro ni Job 39:25

Minapugrot siya sa pagtanog kan trompeta. Harayo pa napaparong na niya an gera, saka nadadangog an ribok asin an mga pagboot kan mga opisyal.

Salmo 83:15

lamaga sinda kan saimong aripuros; takota sinda kan makosog mong doros.

Isaias 29:6

ililigtas ka kan Kagurangnan nin mga hukbo sa paagi nin daguldol, bagyo, asin linog. Mapadara siya nin mga aripuros, bagyo, asin nanghahalon na kalayo.

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 9:5

An mga sapatos kan minasalakay na hukbo asin an gabos nindang nadugoan na gubing susuloon siring sa igatong.

Jeremias 23:19

An saiyang kaanggotan sarong bagyo, sarong makosog na doros na mahampak sa payo kan mga tampalasan,

Jeremias 49:2

Alagad maabot an panahon na an tingog nin gera ipapadangog ko sa mga tawong nag-eerok sa pangenot na syudad nin Rabba. An syudad na iyan marurumpag asin susuloon an mga baryo kaiyan. Dangan makukua giraray kan Israel an dagang inagaw saiya.

Ezekiel 21:20

An saro matukdo sa hade kan dalan pasiring sa Rabba, an syudad kan mga Ammonita, asin an saro pasiring sa Juda, sa pinapusog na syudad nin Jerusalem.

Ezekiel 21:22

Sa too niyang kamot yaon an bosog na may ngaran ‘Jerusalem’! Sinasabihan siya kaini na magbugtak nin mga trosong panrumpag nin trangkahan, magtambak nin daga asin magkalot nin mga trinsera.

Ezekiel 21:25

“Ika, maraot na pamayo nin Israel, nagdadangadang na an saimong aldaw, an aldaw kan huring pagpadusa saimo.

Ezekiel 25:5

An Rabba gigibohon kong pasabsaban nin mga kamelyo asin an bilog na banwaan nin Ammon gigibohon kong sarong laoman nin mga karnero. Dangan maaaraman nindo na ako an Kagurangnan.

Ezekiel 25:7

Huli ta ginibo nindo iyan, itatao ko kamo sa ibang mga nasyon na mahabon saka masamsam kan pagsadiri nindo. Pupuhoon ko kamo kaya dai na kamo ibibilang na sarong nasyon. Dangan maaaraman nindo na ako an Kagurangnan.”

Daniel 11:40

“Kun matatapos na an panahon kan hade nin Siria, masalakay saiya an hade nin Egipto, alagad lalabanan niya ini sa bilog niyang kosog; magamit siya nin mga karwahe, mga kabayo asin dakul na barko. Arog sa tubig nin baha, sasalakayon niya an dakul na nasyon.

Amos 2:2

Papadarahan ko nin kalayo an daga nin Moab asin susuloon ko an mga bantayan nin Keriot. An mga taga Moab magagadan sa tahaw nin karibokan nin gera mantang nagkukurahaw an mga soldados asin nagtatanog an mga trompeta.

Zacarias 7:14

Arog sa sarong bagyo, ipinalid ko sinda sa harayo tanganing mag-erok sinda sa mga dayuhan na daga. Nagin sarong mamondong lugar an marahay na dagang ini, na mayo nin nag-eerok.”

Deuteronomio 3:11

An hadeng si Og iyo an natada sa mga Refaim. An saiyang kabaong, na gibo sa lansang, igwa nin sukol na haros duwang metro an lakbang asin apat na metro an laba sosog sa kinaugalean na sukol. Yaon pa ini sagkod ngunyan sa syudad nin Rabba sa daga kan mga Ammonita.)