Amos 1:1 - Marahay na Bareta Biblia

¹ Iyo ini an mga tataramon ni Amos, an pastor hale sa banwa nin Tekoa. Duwang taon bago an paglinog, kan si Uzzias iyo pa an hade nin Juda asin si Jeroboam na aking lalaki ni Jehoas iyo man an hade nin Israel, ipinahayag nin Dios ki Amos an mga bagay na ini manongod sa Israel.

Amos 1:1 ပူးပေါင်းရင်းမြစ်များ

2 Samuel 14:2

kaya ipinaapod niya an sarong madonong na babae na nag-eerok sa Tekoa. Pag-abot kan babae, sinabihan siya ni Joab, “Magsagin-sagin kang nagmomondo; magsulot ka kan saimong gubing na pangmondo, asin dai mo pagsukrayon an saimong buhok. Magsagin-sagin kang sarong babaeng halawig na panahon nang nagmomondo para sa gadan;

1 Mga Hade 19:19

Naghale si Elias asin nakua niya si Eliseo na nag-aarado; igwa nin onseng pades na torong baka sa enotan niya, asin yaon siya sa ikadoseng pades. Hinuba ni Elias an saiyang alikboy asin inalikboy ki Eliseo.

2 Mga Hade 14:21

Pakatapos, pinili kan bilog na banwaan nin Juda an aking lalaki ni Amazias na si Uzzias, na an edad dyes y seis na taon, na magin kasalihid kan saiyang ama bilang hade.

2 Mga Hade 14:23

Kan ikakinseng taon kan paghahade ni Amazias na aking lalaki ni Joas, nagin hade nin Israel si Jeroboam na aking lalaki ni Jehoas; kwarenta y unong taon siyang naghade sa Samaria.

2 Mga Cronica 11:6

an Betlehem, Etam, Tekoa,

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

Exodo 3:1

Kan panahon na iyan si Moises iyo an nag-aataman kan mga karnero asin mga kanding kan panugangan niyang si Jetro, na padi kan Midian. Sarong aldaw, inalaw niya an mga hayop pasiring sa solnopan kan kalangtadan sagkod na nakaabot siya sa Sinai, an bukid nin Dios.

Isaias 1:1

Nasa librong ini an bisyon na nahiling ni Isaias, na aking lalaki ni Amoz, dapit sa Juda asin sa Jerusalem kan panahon kan paghahade sa Juda ni Uzzias, ni Jotam, ni Ahaz asin ni Ezekias.

Jeremias 1:1

An librong ini iyo an kasuratan kan mga itinaram ni Jeremias, na aking lalaki ni Hilkias, na saro sa mga padi kan banwa nin Anatot, sa daga nin Benjamin.

Jeremias 28:8

An mga propetang naenot sato nagpropesiya na magkakaigwa nin gera, gutom, saka peste sa dakul na nasyon asin sa darakulang kahadean.

Jeremias 6:1

Mga taga Benjamin, ligtasan nindo an saindong buhay! Maghale kamo sa Jerusalem! Patanoga an trompeta sa Tekoa asin pagmakot nin kalayo bilang tanda sa Bet-hakerem. Huli ta an kasakitan saka dakulang pagraot nagdadangadang hale sa amihan.

Jeremias 7:27

“Kaya, Jeremias, sasabihon mo an gabos na tataramon na ini sa sakong banwaan, alagad dai sinda mahinanyog saimo. Aapodon mo sinda alagad dai sinda masimbag.

Oseas 1:1

Ini an mensahe na itinao nin Kagurangnan ki Oseas na aking lalaki ni Beeri kan panahon na si Uzzias, Jotam, Ahaz, saka si Ezekias iyo an nagin mga hade nin Juda, asin kan si Jeroboam na aking lalaki ni Jehoas iyo an hade nin Israel.

Amos 7:14

Nagsimbag si Amos, “Bako ako an propeta na nagpopropesiya huli sa bayad. Saro akong pastor nin mga hayop, asin nag-aataman ako nin mga kahoy na higera.

Mikas 1:1

Kan panahon na si Jotam, Ahaz, asin Ezekias iyo an mga hade nin Juda, tinawan nin Kagurangnan si Mikas, na taga Moreset, kan mensaheng ini. Ipinahayag nin Kagurangnan ki Mikas an gabos na bagay na ini dapit sa Samaria saka sa Jerusalem.

Zacarias 14:5

An kapantayan na ini na minabanga kan bukid iyo an saindong aagihan sa pagdulag. Madulag kamo arog kan mga ginikanan nindo kan maglinog sa panahon ni Hadeng Uzzias nin Juda. Dangan madatong an Kagurangnan na sakong Dios, kaiba an gabos niyang mga anghel.

Mateo 4:18

Kan naglalakaw si Jesus sa baybayon kan Danaw nin Galilea, nahiling niya an magtugang na parasira, si Simon na inaapod Pedro asin si Andres. Nag-iitsa sinda kan hikot sa tubig.

1 Corinto 1:27

Alagad tuyong pinili nin Dios an mga tawong mangmang sa kinaban tanganing mapasopog an mga madonong. Pinili niya an mga tawong maluya sa kinaban tanganing mapasopog an mga makosog.