2 Timoteo 4:3 - Marahay na Bareta Biblia

³ Maabot an panahon na dai na magdadangog an mga tawo kan totoong katukdoan, kundi magsusunod kan sadiri nindang kamawotan. Matipon sinda nin dakul na tawong magtutukdo sainda kan boot sana nindang madangog.

2 Timoteo 4:3 ပူးပေါင်းရင်းမြစ်များ

1 Mga Hade 18:22

Nagpadagos sa pagtaram si Elias, “Ako na sana an natatadang propeta kan Kagurangnan, alagad igwa nin kwatro syentos singkwentang propeta si Baal.

1 Mga Hade 22:18

Sinabihan ni Ahab si Jehosafat, “Bakong sinabi ko na saimo na dai pa lamang siya nagpropesiya nin marahay manongod sako? An saiyang propesiya danay na maraot!”

1 Mga Hade 22:8

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinakaongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

Exodo 32:33

Nagsimbag an Kagurangnan, “An ngaran kan nagkasala sako iyo an paparaon ko sa sakong libro.

Isaias 28:12

Kapahingaloan saka karangahan an inalok niya sa saindo, alagad habo kamong magdangog saiya.

Isaias 30:10

An mga propeta sinasabihan ninda na mag-alo. An sabi ninda, “Dai nindo pagsambiton samo an tama. An boot mi sanang madangog an itaram nindo. Pabayae kami nindo sa samong mga kaisipan.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 27:9

Dai kamo maghinanyog sa saindong mga propeta o sa kiisay man na nagsasabi na pwede niyang hulaan an maabot na panahon sa paagi nin mga pangatorogan o sa pag-apod kan mga kalag kan mga gadan o sa salamangka. Gabos sinda nagsasabi saindo na dai kamo magpairarom sa hade nin Babilonia.

Jeremias 29:8

Ako, an Kagurangnan, an Dios nin Israel, nagpapatanid saindo na dai kamo magpadaya sa mga propeta na nag-eerok sa tahaw nindo o sa iba pa na nagsasabi na mahuhulaan ninda an maabot na panahon. Dai nindo pagpahalagahan an saindang mga pangatorogan.

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Mikas 2:11

“Mawot kan mga tawong ini an propetang naglilibot, na mahambog saka madaya asin nagsasabing, ‘Hinuhulaan kong mabulos an arak saka makosog na inomon para sa saindo.’

Lukas 20:19

Nasabotan kan mga paratukdo kan Katogonan asin kan mga poon na padi na sinda an pinapanongdan ni Jesus kan parabolang idto. Naghingowa sindang dakopon si Jesus kan oras na iyan, alagad natakot sinda sa mga tawo.

Lukas 6:26

“Herak man saindo kun inoomaw kamo kan gabos na tawo, huli ta siring man an ginibo sa mga bakong totoong propeta kan saindang mga ginikanan.

Juan 8:45

Alagad huli ta katotoohan an sinasabi ko, dai kamo minatubod sako.

Mga Gibo 17:21

An gabos na namamanwaan sa Atenas saka an mga dayuhan na nag-eerok duman mayong ibang gibo kundi an mag-orolay-olay saka magdangog nin anoman na bagay na bago.)

1 Corinto 2:1

Mga tugang, kan magdiyan ako saindo sa paghulit kan hilom na katotoohan nin Dios, dai ako naggamit nin halangkaw na mga tataramon o pilosopia.

1 Corinto 2:4

Sa pagtaram saka sa paghulit kan Marahay na Bareta, dai ako naggamit nin mga mahamis na tataramon nin pilosopia, kundi ipinamidbid ko saindo an Espiritu asin an kapangyarihan nin Dios.

Galacia 4:16

Kaiwal na daw nindo ako ngunyan huli ta tinaraman ko kamo kan katotoohan?

1 Timoteo 1:10

para sa mga marigsok asin mga nakikidorog sa kapareho nindang lalaki o babae, para sa mga parakidnap, mga putikon, mga nagsasaksi nin putik, saka sa mga naggigibo nin anoman na tumang sa tamang katukdoan.

2 Timoteo 1:13

Gibohon mong arogan an mga itinukdo ko saimo, asin magdanay ka sa pagtubod saka sa pagkamoot na inako ta diyan ki Cristo Jesus.

Judas 1:18

Sinabihan ninda kamo, “Sa huring mga aldaw, matunga an mga tawong mag-oolog-olog saindo; mga tawong nagsusunod kan saindang maraot na mga kamawotan.”