2 Timoteo 4:1 - Marahay na Bareta Biblia

¹ Sa atubang nin Dios asin ni Cristo Jesus na iyo an mahukom kan mga nabubuhay pa sagkod kan mga nagadan na, asin huli ta maabot siya tanganing maghade, sinasadol taka

2 Timoteo 4:1 ပူးပေါင်းရင်းမြစ်များ

Salmo 50:6

Ibinabalangibog nin kalangitan an pagkamatanos nin Dios, huli ta siya iyo an hukom.

Salmo 96:13

sa atubang nin Kagurangnan, huli ta siya minadatong, huli ta siya minadatong tanganing hukoman an daga. Huhukoman niya an kinaban sa katanosan, asin an mga banwaan, sa saiyang katotoohan.

Salmo 98:9

huli ta madatong siya tanganing maghukom sa daga. Maghuhukom sa mga banwaan nin kinaban sa katanosan asin sa katotoohan.

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Lukas 19:12

Kaya sinabihan niya sinda, “May sarong tawong gikan sa ginagalangan na pamilya na naglakaw sa harayong lugar tanganing gibohon na hade, dangan mabalik man sana.

Lukas 19:15

“Alagad ginibo man giraray na hade an tawong idto dangan nagpuli. Pag-abot niya, ipinaapod niya an mga sorogoon na winalatan niya nin kwarta tanganing aramon kun pira an naganansya ninda.

Lukas 23:42

Dangan nagsabi siya, “Jesus, giromdoma man ako pag-abot mo sa saimong Kahadean.”

Mga Gibo 10:42

Pinagbotan niya kami na maghulit kan ebanghelyo sa mga tawo asin magpatotoo na siya an ginibo nin Dios na magin hukom kan mga buhay asin kan mga gadan.

Mga Gibo 17:31

Huli ta nagtalaan an Dios nin sarong aldaw na huhukoman niya an kinaban sa katanosan, sa paagi nin sarong tawo na pinili niya. Ini pinatotoohan niya sa gabos kan buhayon niya liwat an tawong iyan!”

Roma 2:16

Mangyayari ini sa Aldaw na hukoman nin Dios sa paagi ni Jesu-Cristo an mga hilom na iniisip kan tawo, sosog sa Marahay na Bareta na ipinaghuhulit ko.

Colosas 3:4

Kun magpahiling na si Cristo, an tunay nindong buhay, kamo man matunga kaiba niya sa kamurawayan!

2 Tesalonica 2:8

Dangan matunga an Maraot, alagad gagadanon siya kan hinangos kan Kagurangnan na Jesus asin tutunawon siya kan saiyang mamurawayon na pagpahiling sa oras nin saiyang pagdatong.

1 Timoteo 5:21

Sa atubang nin Dios asin ni Cristo Jesus, patin kan mga banal na anghel, pinagbobotan taka na otobon an mga pagsusundon na ini na mayong pinapalaen o pinapaorog.

2 Timoteo 1:10

alagad ipinahayag na ngunyan sato huli kan pag-abot kan satong Paraligtas na si Cristo Jesus. Dinaog niya an kapangyarihan nin kagadanan; sa paagi kan Marahay na Bareta, ipinahayag niya an buhay na daing kataposan.

2 Timoteo 2:14

Pagiromdomon mo kaini an mga paratubod asin patanidan mo sinda sa atubang nin Dios na dai magparadiriskutiran dapit sa mga tataramon, huli ta dai man iyan nagtatao nin karahayan, kundi minaraot sana kan mga nagdadangog.

2 Timoteo 4:18

Ililigtas ako nin Kagurangnan sa gabos na maraot, asin dadarahon niya ako sa saiyang kamurawayan sa langit. Mapasaiya an kamurawayan sagkod lamang! Amen.

2 Timoteo 4:8

Kaya ngunyan naghahalat na sako an korona nin katanosan na itatao sako sa Aldaw na idto nin Kagurangnan, an matanos na hukom, itatao bako sana sako, kundi sa gabos na dahel sa pagkamoot naghahalat kan saiyang pagdatong.

Tito 2:13

mantang naghahalat kita kan paladan na Aldaw na satong linalaom, an pag-abot kan kamurawayan kan satong dakulang Dios asin Paraligtas na si Jesu-Cristo.

1 Pedro 1:7

tanganing baloon kun tunay an saindong pagtubod. Maski an bulawan na pwedeng mawara, binabalo sa kalayo; siring man, an saindong pagtubod na mas mahalaga ki sa bulawan dapat baloon, tanganing mahiling na an saindong pagtubod tunay, asin magkamit kamo nin kaomawan, kamurawayan saka paggalang sa Aldaw na ihayag si Jesu-Cristo.

1 Pedro 4:5

Alagad matao sinda nin kwenta sa Dios na andam na maghukom sa mga buhay saka sa mga gadan.

1 Pedro 5:4

Pag-abot kan Poon na Pastor, maako kamo kan magayon na korona na dai naglulubad.

2 Pedro 1:11

Sa paaging ini papalaogon kamo sa daing kataposan na Kahadean kan satong Kagurangnan asin Paraligtas na si Jesu-Cristo.

2 Pedro 1:17

Nahiling mi siya kan inako niya sa Dios Ama an kaomawan asin kamurawayan, dangan nadangog mi an tingog kan Dakulang Kamurawayan kan magtaram siya, “Ini an namomotan kong Aki na ikinakaogma ko!”

1 Juan 2:28

Ngunyan, mga aki, magdanay kamo saiya, tanganing pagdatong niya, makosog an satong boot asin dai kita magtago sa sopog.

Kapahayagan 1:7

Hilinga! Nagdadatong si Cristo na nasa panganoron! Mahihiling siya kan gabos maski kaidtong mga guminarod saiya. Gabos na tawo sa kinaban maghahaya dahel saiya. Mangyayari nanggad ini!