2 Timoteo 3:3 - Marahay na Bareta Biblia

³ sinda magigin makuri, mayo nin pagkaherak, parapakaraot, maisog, saka maringis; ikakaongis ninda an marahay;

2 Timoteo 3:3 ပူးပေါင်းရင်းမြစ်များ

Genesis 49:7

Sumpaon logod an saindang kaanggotan, huli ta grabe nin marahay, Asin an saindang labi-labing kaanggotan, huli ta sobra an kakurihan. Iwawarak ko sinda sa bilog na daga nin Israel, Sa kaibahan kan mga tawo na nag-eerok diyan.

Salmo 15:4

Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Salmo 22:6

Alagad ako sarong ulod asin bako nang tawo; hinaboan, nginisihan kan mga tawo!

Isaias 53:3

Pinag-olog-olog asin isinikwal ta siya; tinios niya an sakit saka kulog. Mayo man lamang nin boot na maghiling saiya— pinag-olog-olog ta siya asin dai ginalangan.

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Daniel 8:23

“Kun madali na an kataposan kan mga kahadean na idto, asin nagin maraot sinda kaya kaipuhan nang padusahan, magkakaigwa nin sarong hade, na matagas an payo, maraot asin madaya.

Mateo 10:21

“An tugang ipapagadan kan saiyang tugang. An aki ipapagadan kan saiyang ama; tutumangan kan mga aki an mga magurang ninda asin ipapagadan.

Mateo 4:1

Pakatapos, dinara si Jesus kan Espiritu Santo duman sa kalangtadan tanganing pagsugotan kan Demonyo.

Lukas 10:16

Dangan nagsabi si Jesus sa saiyang mga disipulo, “An naghihinanyog saindo, naghihinanyog sako; an minasikwal saindo, minasikwal sako; an minasikwal sako, minasikwal sa nagsugo sako.”

Lukas 16:14

Nadangog ini gabos kan mga Fariseong makikwarta, kaya pinagngisihan ninda si Jesus.

Juan 6:70

Nagsimbag si Jesus, “Bakong ako an nagpili saindong dose? Alagad diablo an saro saindo!”

Roma 1:29

Pano sinda nin gabos na katampalasan, karatan, kapasloan asin bisyo. Mga maori sinda, mga paragadan, parapakiiwal, madaya saka maati an isip. Tsismoso sinda,

Roma 1:31

mga lolong, mga bakong maimbod, mga mayong puso asin pagkaherak sa kapwa.

1 Corinto 7:5

Dai nindo ipagsayuma an saindong hawak sa saindong agom, pwera sana kun nagkaoyon kamong duwa na dai ngona magdorog sa halipot na panahon, tanganing gamiton nindo an panahon na iyan sa pagpamibi. Pakatapos, ibalik nindo giraray an normal na relasyon bilang mag-agom, ta tibaad sogotan kamo ni Satanas huli sa dai nindo pakapugol sa sadiri.

1 Corinto 7:9

Alagad kun dai nindo mapupugolan an saindong mga kamawotan, mag-agom logod kamo, huli ta mas marahay pang mag-agom ki sa magkalayo sa kamawotan.

1 Tesalonica 4:8

Kaya an siisay man na minasikwal kan katukdoan na ini, minasikwal bakong sa tawo kundi sa Dios na iyo an nagtao saindo kan saiyang Espiritu Santo.

1 Timoteo 3:11

An saindang mga agom dapat marahay man an ugale, bakong paralibak, dai nagbuburat asin maimbod sa gabos na bagay.

Tito 1:8

Kundi dapat bukas an harong niya sa pagpadagos sa kapwa, mamomoton sa anoman na marahay, mahuyo, matanos, banal saka tataong magpugol sa sadiri.

Tito 2:3

Siring man sadolon mo an gurang na mga babae na mamuhay na banal. Dai sinda dapat magin mga parapakaraot, o mga paraburat. Magtukdo sinda kan marahay,

Santiago 2:6

Alagad dai nindo ginagalangan an mga dukha! Siisay an nag-aapi saindo saka minaguyod saindo sa atubangan nin mga hukom? Bakong an mga mayaman?

2 Pedro 2:14

An saindang mga mata pano nin pagsambay; mga tawong daing sukol an pagkawili sa kasalan. Dinadagka nindang magkasala an mga maluyang tawo. An saindang mga puso tood na sa kapasloan. Minaldisyon na sinda nin Dios!

2 Pedro 2:19

Nanunuga sindang tatawan an mga ini nin katalingkasan; alagad sinda mismo mga oripon nin pamumuhay na maati—huli ta an sarong tawo oripon kan anoman na nakadaog saiya.

2 Pedro 3:3

Enot sa gabos, dapat nindong masabotan na sa mga huring aldaw, may mga paraolog-olog na madatong, mga tawo na nabubuhay sosog sa mga kamawotan kan saindang laman.

Judas 1:16

An mga tawong ini danay na naggugumod-gumod saka nagbabasol sa iba; sinusunod ninda an saindang maraot na mga kamawotan; mga mapalangkaw sinda, asin sagin-sagin na inoomaw an mga tawo huli sa pakinabang na makukua ninda.

Judas 1:18

Sinabihan ninda kamo, “Sa huring mga aldaw, matunga an mga tawong mag-oolog-olog saindo; mga tawong nagsusunod kan saindang maraot na mga kamawotan.”

Kapahayagan 13:15

Tinugotan an ikaduwang hayop na tawan nin hinangos an ladawan kan enot na hayop tanganing makapagtaram iyan asin gadanon kaiyan an gabos na dai minasamba diyan.

Kapahayagan 13:17

Mayo nin siisay man na makakabakal o makakapabakal kun mayo siya kan markang ini na iyo an ngaran kan hayop o an numero kan ngaran kan hayop.

Kapahayagan 16:6

Pinabulos ninda an dugo kan mga banal asin kan mga propeta, kaya tinawan mo man sinda nin dugo na inomon. Minaako sinda ngunyan kan maninigo sainda!”

Kapahayagan 17:6

Nahiling ko na an babae naburat kan dugo kan mga banal asin kan dugo kan mga ginadan huli ta nagdanay sindang maimbod ki Jesus. Kan mahiling ko siya, napangalas ako nin marahay.