2 Timoteo 3:2 - Marahay na Bareta Biblia

² An mga tawo magigin makasadiri, makikwarta, mapaabaw-abaw, mapalangkaw; sinda magigin paramuda, masombikal sa mga magurang, dai tataong magromdom nin utang na boot, saka daing Dios na minimidbid;

2 Timoteo 3:2 ပူးပေါင်းရင်းမြစ်များ

Salmo 10:3

Huli ta ipinaghahambog kan maraot an mga kamawotan nin saiyang puso; minamaldisyon asin tinatalikdan an Kagurangnan kan tawong paslo.

Salmo 49:6

mga tawong nagsasarig sa saindang kayamanan, na naghahambog huli sa kadakulan kaiyan?

Salmo 52:1

O dakulang tawo, tadaw ta ipinaghahambog mo an saimong karatan, na ginibo mo tumang sa tawong banal?

Isaias 10:15

Alagad nagtataram an Kagurangnan, “Makasabi daw an patok na mas dakula siya ki sa tawong naggagamit kaiyan? Mas dakula daw an lagadi ki sa tawong naggagamit kaiyan? Dai man binubuhat kan pamakol an tawo; an tawo an minabuhat kan pamakol.”

Daniel 11:36

“Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Mateo 15:6

nahahale na saiya an katongdan na galangan an saiyang ama asin ina. Sa paaging iyan dai nindo tinatawan nin halaga an togon nin Dios tanganing masunod sana an sadiri nindong katukdoan.

Lukas 12:15

Dangan inatubang niya an kadaklan saka nagsabi, “Mag-ingat kamo asin maglikay sa gabos na klase nin kaimotan, huli ta an tunay na buhay nin tawo bakong nasa kayamanan, dawa pa gurano siya kayaman.”

Lukas 16:14

Nadangog ini gabos kan mga Fariseong makikwarta, kaya pinagngisihan ninda si Jesus.

Lukas 6:35

Bakong arog kaiyan! Kundi kamotan nindo an saindong mga kaiwal asin gibohan nindo sinda nin marahay. Magpasubli kamo na dai naghahalat nin balos. Kun iyan an gibohon nindo, magkakaigwa kamo nin dakulang balos, asin magigin mga aki kamo kan Kahorohalangkawe. Huli ta marahayon siya sa mga mayo nin utang na boot asin sa mga makasadiri.

Mga Gibo 5:36

Kaidto nag-abot si Teudas, na naghahambog na siya sarong bantog na tawo; nagsunod saiya an mga kwatro syentos na kalalakihan. Alagad nagadan siya asin an gabos niyang mga parasunod nagkawaragas saka nagkawarara.

Roma 11:18

Kaya dai kamo magpaabaw-abaw sa mga sanga. Romdomon nindo na bakong kamo an nagbubuhay sa gamot; an gamot an nagbubuhay saindo.

2 Corinto 5:15

Nagadan si Cristo tanganing an mga nabubuhay dai na mamuhay para sa sadiri ninda, kundi para ki Cristo na nagadan saka nabuhay liwat para sainda.

Filipos 2:21

An gabos nagmamangno sana kan saindang karahayan, bakong kan dapit ki Jesu-Cristo.

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).

2 Tesalonica 2:4

Sasalungaton niya an pinagsasabing dios-dios o an mga bagay na pinagsasamba, asin ilalangkaw niya an saiyang sadiri. Lalaogon niya an Templo nin Dios, matukaw duman dangan ipapahayag niya na siya an Dios.

1 Timoteo 1:20

Siring kaiyan an nangyari ki Himeneo asin ki Alejandro, na itinao ko logod ki Satanas, tanganing makanood sinda na dai maglanghad.

1 Timoteo 1:9

Dapat nindong giromdomon na an mga katogonan ginibo bakong para sa mga tawong matanos, kundi para sa mga paralapas asin mga kriminal, para sa mga daing Dios asin mga parakasala, para sa mga bakong banal asin mga habo sa kabanalan, para sa mga paragadan kan saindang mga magurang asin mga paragadan kan kapwa,

1 Timoteo 3:3

Bako siya paraburat o parapakiiwal, kundi mahuyo, matoninong saka bakong makikwarta.

1 Timoteo 6:10

Huli ta an pagkamoot sa kwarta iyo an gamot kan gabos na karatan. Dahel sa pagkamoot sa kwarta dakul an nagbaya sa pagtubod asin nagtao iyan nin makuring kasakitan sa saindang mga puso.

2 Timoteo 3:4

sinda magigin parapasaluib, daing ingat, orgulyoso saka papaorogon ninda an kaogmahan sa kinaban ki sa Dios;

Santiago 2:8

Tama an saindong gibo kun inootob nindo an katogonan nin Dios na nasa kasuratan, “Kamotan mo an saimong kapwa siring sa sadiri mo.”

Santiago 4:16

Alagad nagpapaabaw-abaw kamo ngunyan asin naghahambog; maraot iyan.

Santiago 4:6

Alagad mas dakul na biyaya an itinatao nin Dios, kaya an kasuratan nagsasabi, “Habo an Dios sa mga mapaabaw-abaw, alagad benebendisyonan niya an mga mapakumbaba.”

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”

2 Pedro 2:10

Papadusahan nin Dios orog na idtong mga nagsusunod kan saindang maating mga kamawotan nin laman, asin nagsisikwal kan kapangyarihan nin Dios. An mga bakong tunay na paratukdong ini mapangahas, hambogon asin mayong paggalang sa mga halangkaw na kapangyarihan sa kalangitan.

2 Pedro 2:12

alagad an mga tawong ini minahiro na garo mayong isip, arog kan lalaw na hayop na inogbon tanganing dakopon saka bunoon. Pinag-oolog-olog ninda an mga bagay na dai ninda nasasabotan. Kaya mapapahamak sinda arog kan lalaw na mga hayop;

2 Pedro 2:18

Halangkaw sindang manaramtaram alagad mayong laog; dinadagka ninda sa paagi kan mga karompotan nin laman an mga dai pa nahaloy na makasuhay sa kaibahan kan tawong sala an pamumuhay.

2 Pedro 2:3

Huli sa saindang kapasloan, dadayaon ninda kamo sa paagi nin putik na katukdoan; alagad haloy nang andam an hatol sa sainda asin an magadan sainda dai nagtotorog!

Judas 1:16

An mga tawong ini danay na naggugumod-gumod saka nagbabasol sa iba; sinusunod ninda an saindang maraot na mga kamawotan; mga mapalangkaw sinda, asin sagin-sagin na inoomaw an mga tawo huli sa pakinabang na makukua ninda.

Kapahayagan 13:1

Dangan nahiling ko an sarong hayop na nagbubutwa sa dagat. May sampolong sungay idto saka pitong payo. Igwa nin korona an lambang sungay; asin sa lambang payo may nakasurat na ngaran na naglalanghad sa Dios.

Kapahayagan 16:11

Minuda ninda an Dios sa kalangitan huli kan saindang tinios na kulog saka mga gatok; alagad dai sinda nagbaya sa maraot nindang mga gibo.

Kapahayagan 16:21

Nag-uran nin darakulang yelo na haros singkwenta kilo an gabat kan lambang saro, saka huminugpa iyan sa mga tawo. Minuda kan mga tawo an Dios huli kan nakakatakot na peste nin uran nin yelo. Nakakatakot an pesteng ini!

Kapahayagan 16:9

Alagad maski nasulo an mga tawo kan makuring init, minuda ninda an Dios na iyo an may kapangyarihan sa siring na mga peste; dai sinda nagsolsol kan saindang mga kasalan, dai sinda nag-omaw sa Dios.