2 Timoteo 2:7 - Marahay na Bareta Biblia

⁷ Pag-isip-isipa an sakong mga sinasabi, huli ta tatabangan ka nin Kagurangnan na makasabot kan gabos na bagay.

2 Timoteo 2:7 ပူးပေါင်းရင်းမြစ်များ

1 Mga Cronica 22:12

Tawan ka logod nin Kagurangnan na saimong Dios nin kadonongan asin pakasabot, tanganing kun gibohon ka na niyang hade nin Israel, maotob mo an saiyang mga togon.

1 Mga Cronica 29:19

Itao mo ki Solomon na sakuyang aki an tudok sa puso na pagmawot na maotob an saimong mga togon saka mga pagboot, asin na ikapatugdok niya an Templo, na inandaman ko kan mga bagay na ini.”

Salmo 119:125

Sorogoon mo ako; tawe ako nin pakasabot, tanganing maaraman ko an saimong mga katukdoan.

Salmo 119:144

Danay na matanos an saimong mga katukdoan; tawe ako nin pakasabot tanganing ako mabuhay.

Salmo 119:73

Linalang mo ako asin iniingatan; tawe ako nin pakasabot, tanganing manodan ko an saimong mga kabotan.

Salmo 64:9

Magkakatarakot an gabos na tawo; maghohorophorop kan mga ginibo nin Dios, asin ipapamareta iyan gabos.

Mga Talinhaga 24:32

Minasdan ko asin pinaghorophorop an bagay na ini dangan may nakua akong magayon na adal:

Isaias 1:3

Midbid kan baka an kagurangnan niya, asin aram kan asno an lugar na pinagbabahogan saiya, alagad an Israel dai nakakaaram; dai nakakasabot an sakong banwaan.”

Isaias 28:26

Aram niya an saiyang trabaho, huli ta tinukdoan siya nin Dios.

Isaias 5:12

Igwa sindang lira saka arpa, tamborin, plawta, asin arak sa saindang mga pyesta; alagad dai ninda nasasabotan an mga ginigibo nin Kagurangnan.

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Lukas 24:45

Dangan pinaliwanagan niya sinda tanganing masabotan ninda an mga kasuratan.

Lukas 9:44

“Sabota nindo an mga tataramon na ini: itatao sa kamot nin mga tawo an Aki nin Tawo.”

Juan 14:26

Alagad an Parasurog, an Espiritu Santo na ipapadara kan Ama sa ngaran ko, iyo an matukdo saindo kan gabos na bagay, dangan maparomdom saindo kan gabos na sinabi ko saindo.

Juan 16:13

Pag-abot kan Espiritu nin katotoohan, tatabangan niya kamo nganing masabotan nindo an gabos na katotoohan. Dai siya magtataram sa sadiri niyang kabotan, kundi itataram niya saindo an saiyang nadadangog, saka ipapahayag saindo an mga bagay na maabot.

Mga Gibo 7:10

tinabangan siya sa gabos niyang kasakitan. Tinawan siya nin Dios nin kadonongan kan mag-atubang siya sa Faraon, an hade nin Egipto. Kaya ginibo siya kaini na gobernador sa Egipto asin sa gabos niyang pagsadiri.

1 Corinto 12:8

Sa saro itinatao nin Dios sa paagi kan Espiritu Santo an kakayahan na magpahayag nin mensaheng pano nin kadonongan; sa saro, an mensaheng pano nin pakaaram sa paagi kan parehong Espiritu.

Deuteronomio 32:29

Kun sinda madonong, masasabotan ninda kun tano ta sinda nadaog.

Deuteronomio 4:39

Kaya giromdoma nindo ngunyan asin dai nanggad nindo paglingawan na an Kagurangnan iyo an Dios sa langit asin sa daga; mayo na nin ibang dios.

Filipos 4:8

Sa kataposan, mga tugang, panoa nindo an saindong mga isip kan mga bagay na marahay saka maninigong omawon: mga bagay na totoo, noble, matanos, malinig, maninigong kamotan asin galangan.

Colosas 1:9

Poon kan maaraman mi iyan, danay mi kamong ipinapamibi. Hinahagad mi sa Dios na masabotan nindo nin marahay an saiyang kabotan, sa paagi kan bilog na kadonongan saka pakasabot na itinatao kan Espiritu.

1 Timoteo 4:15

Danay na gibohon mo an mga bagay na ini saka idusay mo an bilog mong buhay sa pag-otob kaiyan, tanganing mahiling kan gabos an saimong pag-uswag.

2 Timoteo 2:6

An paraomang nagtatrabaho nin maigot dapat iyo an enot na mag-ako kan kahirasan sa inani.

2 Timoteo 2:8

Giromdoma si Jesu-Cristo na binuhay liwat sa mga gadan, gikan ki David. Iyan an Marahay na Bareta na ipinaghuhulit ko.

Hebreyo 12:3

Horop-horopa kun paano niya natios an makuring kaanggotan kan mga tawong parakasala, tanganing dai kamo mapagal o magluya an saindong boot.

Hebreyo 13:7

Giromdoma an mga lider nindo kaidto na naghulit saindo kan tataramon nin Dios. Giromdoma nindo an saindang nagin buhay saka pagkagadan; arogon nindo an saindang pagtubod.

Hebreyo 3:1

Mga tugang kong Cristiano na inapod man nin Dios, giromdomon nindo si Jesus, na sinugo nin Dios na magin Halangkaw na Padi kan satong pagtubod.

Hebreyo 7:4

Hilinga kun gurano kadakula si Melkisedek! An ginikanan tang si Abraham nagtao saiya nin himoloan kan gabos na sinamsam ni Abraham sa ralaban.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

Santiago 3:15

An siring na kadonongan bakong hale sa langit kundi sa kinaban, sa laman asin sa demonyo.

Santiago 3:17

Alagad an kadonongan na hale sa itaas, enot sa gabos malinig, dangan matoninong, mahuyo, makikatood, maheherakon saka marahay an mga gibo; mayo iyan nin pagduwa-duwa o pagsagin-sagin.

1 Juan 5:20

Aram man nyato na an Aki nin Dios nagdigdi saka nagtao sato nin pakasabot, nganing mamidbidan ta an totoong Dios. Yaon kita sa totoong Dios, sa saiyang Aki na si Jesu-Cristo. Iyo ini an totoong Dios, asin an buhay na daing kataposan.