2 Timoteo 2:20 - Marahay na Bareta Biblia

²⁰ Sa sarong dakulang harong igwa nin gabos na klaseng plato saka mangko. An iba gibo sa bulawan o plata, an iba gibo sa kahoy o laboy. An iba ginagamit para sa mga espesyal na okasyon, an iba para sa aroaldaw na gamit.

2 Timoteo 2:20 ပူးပေါင်းရင်းမြစ်များ

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

1 Timoteo 3:15

Alagad sinusuratan taka na kan mga bagay na ini tanganing kun maabala ako, aram mo na an maninigong gawe sa pamilya nin Dios, na iyo an simbahan kan buhay na Dios, an harigi saka balwarte kan katotoohan.

1 Corinto 3:9

Pareho kaming mga trabahador nin Dios; kamo iyo an saiyang oma. Kamo man an edipisyo nin Dios.

Mga Panambitan 4:2

Kaidto mahalaga samo siring sa bulawan an mga aking lalaki nin Sion, alagad ngunyan siring na sana sinda sa dalipay na mga koron.

Esdras 6:5

Siring man, an mga kagamitan na bulawan saka plata na dinara ni Hadeng Nebukadnezzar hale sa Templo nin Jerusalem pasiring sa Babilon kaipuhan ibalik sa dating lugar kaiyan duman sa Templo sa Jerusalem.”

Efeso 2:22

Huli man kan saindong pakisumaro ki Cristo, kaiba man kamo nindang nagin kabtang kan erokan nin Dios sa saiyang Espiritu.

2 Corinto 4:7

Alagad kaming mga tinawan kaining espiritwal na kayamanan garo mga dalipay na koron tanganing ipahiling na an pinakadakulang kapangyarihan hale sa Dios asin bakong samo.

Esdras 1:6

Tinabangan sinda kan mga kataraed ninda huli sa pagtao nin mga platang kagamitan, mga bulawan, mga kagamitan, mga hayop, asin iba pang mahalagang mga bagay, laen pa kan boluntad na atang para sa Templo.

Daniel 5:2

Mantang nag-iirinoman sinda, nagboot si Belsazzar na darahon saiya an mga bulawan saka platang kagamitan na sinamsam kan ama niyang si Nebukadnezzar sa Templo sa Jerusalem. Ipinakua kan hade an mga ini tanganing iyo idto an pag-inoman niya, kan mga iginagalang na lalaki sa palasyo, kan saiyang mga agom, asin mga kasaroan.

Exodo 27:3

Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse.

Juan 8:49

Nagsabi si Jesus, “Mayo ako nin demonyo. Inoomaw ko an sakuyang Ama, alagad pinagbabasang-basang nindo ako.

Roma 9:20

Alagad siisay ka man na makikisimbagan sa Dios? Nakakahapot daw an dalipay na koron sa tawong naggibo saiya, “Tadaw ta ginibo mo akong siring kaini?”