2 Timoteo 2:2 - Marahay na Bareta Biblia

² An mga katukdoan na nadangog mong ipinahayag ko sa atubang nin dakul na saksi, itukdo mo man sa mga tawong masasarigan, na makakatukdo man sa iba.

2 Timoteo 2:2 ပူးပေါင်းရင်းမြစ်များ

Esdras 7:10

Idinusay ni Esdras an saiyang buhay sa pag-adal kan Katogonan nin Kagurangnan, sa pag-otob kaiyan, asin sa pagtukdo sa mga Israelita kan gabos na ipinagboboot kan Katogonan.

Esdras 7:25

“Ika, Esdras, sosog sa kadonongan na itinao saimo nin saimong Dios, an mabugtak nin mga administrador saka mga hukom na mamamahala kan gabos na tawo sa Solnopan kan Salog nin Eufrates. Sinda gabos kaipuhan na tukdoan mo kan Katogonan nin saimong Dios.

Nehemias 7:2

Bilang parapamahala kan Jerusalem, pinili ko si Hanani na sakong tugang asin si Hananias na pamayong opisyal kan bantayan. Si Hananias orog na maimbod saka diosnon ki sa gabos.

Salmo 101:6

Nawiwilihan ko an mga maimbod sa Dios; tutugotan ko sindang mag-erok sa sakuyang harong. An naglalakaw sa dalan nin kabanalan tutugotan kong maglingkod sako.

Mga Talinhaga 13:17

An maraot na sugo iyo an nagigin dahelan nin ribok, alagad an masasarigan na sugo minadara nin katoninongan.

Jeremias 23:28

Pabayae an propetang nangatorogan na magsabi kan saiyang pangatorogan, alagad tugote an propeta na nakadangog kan sakong mensahe na magin maimbod sa paghulit kaiyan. Ano an karahayan kan dagami kun ibaing sa trigo?

Levitico 14:42

Dangan riribayan ninda nin ibang gapo an mga gapong hinarale, asin papalitadahon giraray ninda an mga lanob na kinarosan.

Malakias 2:7

Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.

Mga Bilang 12:7

Alagad bakong siring an ginigibo ko ki Moises na sakong sorogoon; siya an pinaniwalaan ko kan sakong banwaan.

Mateo 13:52

Kaya tinaraman niya sinda, “An kahulogan kaini iyo na an lambang paratukdo kan Katogonan na nakanood dapit sa Kahadean nin langit nakakaagid sa sarong kagharong na nagluwas nin bago asin daan na mga bagay hale sa saiyang sarayan.”

Mateo 24:25

Magdangog kamo! Sinasabi ko ini saindo bago mangyari.

Lukas 12:42

Nagsimbag an Kagurangnan, “Siisay an maimbod saka madonong na sorogoon? Siya idtong ibubugtak kan saiyang kagurangnan na mamahala kan ibang mga sorogoon, asin marasyon sainda nin kakanon sa oras nin pagkakan.

1 Corinto 4:2

An tawong pinaniwalaan kaipuhan magin maimbod sa kagurangnan niya.

2 Corinto 2:14

Alagad salamat sa Dios, na danay na nangengenot samo sa kapangganahan ki Cristo, asin huli samo nagpapalakop kan pahamot nin pakaaram dapit ki Cristo sa gabos na lugar.

2 Corinto 3:5

Mayo kami nin anoman na kakayahan na masasabi nyamo na hale samuya, huli ta an samong kakayahan gikan sa Dios.

Colosas 1:7

Nanodan nindo ini ki Epafras, an namomotan ming kapwa trabahador asin maimbod na sorogoon ni Cristo na naglilingkod sa ngaran nyamo.

1 Timoteo 1:12

Nagpapasalamat ako ki Cristo Jesus na satong Kagurangnan, na nagtao sako nin kosog para sa sakong trabaho. Nagpapasalamat ako saiya huli ta ibinilang niya akong maninigo saka pinili niyang maglingkod saiya,

1 Timoteo 1:18

Timoteo, aki ko sa pagtubod, ipinapaniwala ko saimo an pagboot na ini sosog sa mga ipinagpropesiya kaidto dapit saimo. Gamiton mong armas an mga ipinagpropesiya dapit saimo tanganing makalaban ka nin marahay;

1 Timoteo 4:14

Dai mo pagpabayaan an balaog na yaon saimo, na itinao saimo kan magtaram an mga propeta asin kan idoon saimo kan mga kamagurangan an saindang mga kamot.

1 Timoteo 4:6

Kun itukdo mo an mga katukdoan na ini sa mga tugang, magigin marahay kang sorogoon ni Cristo Jesus, mantang ika man napapakosog sa mga tataramon kan pagtubod asin kan marahay na doktrina na saimong sinunod.

1 Timoteo 5:22

Dai ka magmadali sa pagdoon nin kamot sa pagkonsagra sa kiisay man sa trabaho nin Kagurangnan. Dai ka magpadamay sa kasalan kan iba, kundi magdanay kang malinig.

1 Timoteo 6:12

Makilaban ka sa marahay na laban nin pagtubod nganing makamtan mo an premyo nin buhay na mayong kataposan, huli ta diyan ka inapod nin Dios kan ipahayag mo an saimong pagtubod sa atubangan nin dakul na saksi.

2 Timoteo 3:10

Alagad nagsunod ka kan sakong katukdoan, gibo asin katuyohan sa buhay; aram mo an sakong pagtubod, pakatios, pagkamoot, pakatagal,

2 Timoteo 3:14

Alagad ika, magdanay ka sa mga katotoohan na saimong nanodan saka tinubod, huli ta aram mo kun siisay an nagtukdo kaiyan saimo.

Hebreyo 2:17

Nangangahulogan na dapat siyang magin arog kan saiyang mga tugang sa gabos na bagay, tanganing siya magin maheherakon saka maimbod na Halangkaw na Padi sa saiyang paglingkod sa Dios, tanganing mapatawad an mga kasalan kan mga tawo.

1 Samuel 2:35

Mapili ako nin sarong padi na magigin maimbod sako asin magibo kan gabos na ipagboboot ko. Tatawan ko siya nin dakul na aki asin makoapo, na danay na maglilingkod sa atubangan kan pinili kong hade.