2 Timoteo 1:4 - Marahay na Bareta Biblia

⁴ Nagigiromdoman ko an mga pagluha mo, kaya aldaw-banggi akong nagmamawot na mahiling ka, tanganing mapano ako nin kaogmahan.

2 Timoteo 1:4 ပူးပေါင်းရင်းမြစ်များ

Salmo 126:5

An mga minasabwag na nagluluha, mag-ani logod na maogma.

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Jeremias 31:13

Dangan masayaw sa kaogmahan an mga daraga, asin an kalalakihan, hoben saka gurang, mag-oogma. Rarangahon ko sinda asin an saindang kamondoan magigin kaogmahan, an saindang kasakitan magigin kagayagayahan.

Juan 16:22

Arog kamo kaiyan: mamondo kamo ngunyan, alagad mahihiling ko kamo liwat, asin an saindong puso mapapano nin kaogmahan na dai maaagaw saindo nin siisay man.

Juan 16:24

Sagkod ngunyan mayo pa kamong hinagad saiya sa ngaran ko. Humagad kamo ta maako kamo, tanganing magsupay an saindong kaogmahan.

Mga Gibo 20:19

Naglingkod ako sa Kagurangnan na may kapakumbabaan, pagluha asin mga pagbalo dahel sa dakul na kasakitan na nag-abot sako huli sa homa kan mga Judio.

Mga Gibo 20:31

Kaya mag-ingat kamo. Giromdomon nindo na sa laog nin tolong taon, aldaw-banggi ko kamong tinukdoan kaiba an dakul na luha.

Roma 1:11

Boot ko nanggad kamong mahiling tanganing mahirasan kamo nin biyaya na espirituwal nganing pakosogon kamo.

Filipos 1:8

Saksi ko an Dios na an paghidaw ko saindo arog kadakula kan pagkamoot saindo ni Cristo Jesus.

Filipos 2:26

Kanigoan an saiyang pagmawot na mahiling kamo gabos. Napurisaw an saiyang isip huli ta naaraman nindo na naghelang siya.

1 Tesalonica 2:17

Mga tugang, kan magsuhay kami saindo sa halipot na panahon—suhay sa hawak alagad bakong sa isip—dakula an samong kapongawan asin an samong pagmawot na mahiling giraray kamo!

2 Timoteo 4:21

Hingowahon mong makadigdi bago magtiglipot. Nangongomusta saimo si Eubulo, si Pudente, si Lino, si Claudia asin an gabos na tugang.

2 Timoteo 4:9

Hingowahon mong magdigdi sako sa madaling panahon.

1 Juan 1:4

Isinusurat mi an mga bagay na ini tanganing an samong kaogmahan magkaigwa nin kapanoan.

Kapahayagan 21:4

Papahidon niya an gabos nindang luha. Mayo na nin kagadanan, kamondoan, pagtangis o kasakitan, huli ta napara na an mga daan na bagay.”

Kapahayagan 7:17

huli ta an Kordero na nasa tahaw kan trono iyo an saindang pastor. Dadarahon niya sinda sa mga burabod nin tubig na nagtatao nin buhay, asin papahidon nin Dios an gabos na luha sa saindang mga mata.”