2 Timoteo 1:3 - Marahay na Bareta Biblia

³ Nagpapasalamat ako sa Dios, na sakong pinaglilingkodan sa malinig na konsyensya, siring kan paglingkod kan sakong mga ginikanan, mantang ginigiromdom taka sa danay kong pagpamibi.

2 Timoteo 1:3 ပူးပေါင်းရင်းမြစ်များ

Lukas 2:37

kan mabalo siya, asin ngunyan otsenta y kwatrong taon na siya. Parati siyang nasa Templo; aldaw-banggi siyang nagsasamba sa Dios, nag-aayuno asin namimibi.

Mga Gibo 22:3

“Saro akong Judio; namundag ako sa Tarso kan Cilicia, alagad nagdakula digdi sa Jerusalem. Nag-adal ako ki Gamaliel asin maigot na tinukdoan sa pagsunod kan Katogonan nin satong mga ginikanan. Siring saindo, naglingkod ako sa Dios sa bilog kong puso.

Mga Gibo 23:1

Hiniling ni Pablo an mga kaayon kan Konseho dangan nagsabi, “Mga tugang! Malinig an sakuyang konsyensya dapit kan sakong pamumuhay sa atubangan nin Dios, sagkod sa aldaw na ini.”

Mga Gibo 24:14

Alagad ini an masasabi ko saimo: naglilingkod ako sa Dios nin samuyang mga ginikanan sosog sa Dalan na inaapod nindang bakong totoo; alagad tinutubod ko man an gabos na nasusurat sa Katogonan ni Moises saka sa mga libro kan mga propeta.

Mga Gibo 24:16

Kaya dayaday kong hinihingowa na magkaigwa ako nin malinig na konsyensya sa atubangan nin Dios saka nin mga tawo.

Mga Gibo 26:4

“Aram kan gabos na Judio an pamumuhay ko poon kan ako aki pa. Aram ninda an poon-poro kan sakong pamumuhay sa sadiri kong banwaan saka sa Jerusalem.

Mga Gibo 27:23

Huli ta kasubanggi may nagpahiling sakong sarong anghel na sinugo nin Dios na sinasamba ko asin pinaglilingkodan.

Roma 9:1

Katotoohan an sinasabi ko; dai ako nagpuputik huli ta sadiri ako ni Cristo. An sakong konsyensya, na sakop kan Espiritu Santo, nagpapatotoo na dai ako nagpuputik,

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

Galacia 1:14

Mas maimbod ako sa pagsunod kan Judaismo ki sa kapwa ko mga Judio na kaedad ko; mas estrikto ako sa pagsunod sa mga tradisyon kan samong mga ginikanan.

Efeso 1:16

dai ako nag-ontok nin pagpasalamat sa Dios para saindo. Ginigiromdom ko kamo sa sakong mga pamibi;

1 Tesalonica 3:10

Aldaw-banggi hinahagad mi sa Dios nin tudok sa puso na mahiling kamo saka mahipnoan an anoman na kakulangan kan saindong pagtubod.

1 Timoteo 1:19

padanayon mo an saimong pagtubod saka malinig na konsyensya. May mga tawong dai sinunod an konsyensya ninda, kaya rinaot ninda an saindang pagtubod.

1 Timoteo 1:5

An katuyohan kan pagsugong ini iyo na pukawon an pagkamoot na minagikan sa malinig na puso asin konsyensya saka sa tunay na pagtubod.

1 Timoteo 5:5

An tunay na babaeng balo na mayo na nin nag-aataman, bilog an pagsarig sa Dios; danay siyang namimibi aldaw-banggi sa paghagad nin tabang.

2 Timoteo 1:5

Nagigiromdoman ko an tunay mong pagtubod, siring kan pagtubod kan saimong lola na si Loida asin kan saimong ina na si Eunice. Naniniwala ako na igwa ka man kan siring na pagtubod.

2 Timoteo 3:15

Poon kan aki ka pa, tatao ka na kan mga Banal na Kasuratan, na magtutukdo saimo nin kadonongan para sa kaligtasan huli sa pagtubod ki Cristo Jesus.

Hebreyo 13:8

Si Jesu-Cristo iyo man giraray; kaidto, ngunyan asin sagkod pa man.

1 Samuel 12:23

Siring man dapit sako, irayo logod nin Kagurangnan na magkasala ako saiya huli sa pag-ontok sa pagpapamibi para saindo. Tutukdoan ko kamo kan marahay asin tamang paagi.