2 Tesalonica 3:15 - Marahay na Bareta Biblia

¹⁵ Alagad dai nindo siya ibilang na sarong kaiwal, kundi patanidan nindo siya siring sa tugang.

2 Tesalonica 3:15 ပူးပေါင်းရင်းမြစ်များ

Salmo 141:5

Pwede akong padusahan o sagweon nin tawong matanos sa pagkaherak; alagad dai ako maako nin kaomawan sa kamot kan tampalasan, huli ta danay akong namimibi tumang sa saindang karatan.

Mga Talinhaga 25:12

An patanid nin madonong sa tataong magdangog orog na mahalaga ki sa bulawan na singsing o alahas na gibo sa pinakapinong bulawan.

Mga Talinhaga 9:9

tukdoe an tawong matanos, asin madakula an saiyang pakanood.

Mateo 18:15

“Kun an tugang mo nagkakasala saimo, kaolayon mo siya na kamo sanang duwa; itaram mo saiya an sala niya. Kun dangogon ka niya, marahay ta nagkaolian kamo.

1 Corinto 4:14

Sinusuratan ko kamo nin siring kaini, bakong sa pagsopog saindo kundi sa paghatol, bilang namomotan kong mga aki.

1 Corinto 5:5

itao nindo an tawong iyan ki Satanas nganing laglagon an hawak niya sa ikakaligtas kan saiyang espiritu sa Aldaw nin Paghukom.

2 Corinto 10:8

Dai ako masosopogan, maski nalabihan ko an pag-orgulyo manongod sa awtoridad na itinao sako nin Kagurangnan—awtoridad sa pagpakosog saindo asin bakong sa pagraot saindo.

2 Corinto 13:10

Sinusurat ko ini bago ako magdiyan saindo tanganing kun umabot na ako diyan, dai na kaipuhan na magin maisog pa ako saindo sa paggamit kan awtoridad na itinao nin Kagurangnan sako—awtoridad sa pagpakosog saindo, bakong sa paglaglag.

Galacia 6:1

Mga tugang, kun igwa kamong madakop na naggigibo nin anoman na sala, kamo na nag-ako kan Espiritu nin Dios an dapat na magtabang saiya na magin matanos giraray. Alagad gibohon nindo iyan sa mahuyong paagi. Kamo man dapat maglikay ta tibaad kamo man an masogotan.

1 Tesalonica 5:14

Sinasadol mi kamo, mga tugang, na patanidan nindo an mga hugakon, pakosogon an mga maluya an boot, tabangan an mga maluya, saka magin matinios kamo sa gabos.

2 Tesalonica 3:13

Mga tugang, dai kamo dapat mapagal sa paggibo nin karahayan.

2 Tesalonica 3:6

Mga tugang, sa ngaran ni Jesu-Cristo na satong Kagurangnan, pinagbobotan mi kamo na likayan an mga tugang na hugakon saka dai nagsusunod kan mga itinukdo mi sainda.

Tito 3:10

Kun igwang nagigin dahelan nin pagkabaranga, patanidan mo siya sagkod sa ikaduwang beses; kun dai ka niya dangogon, dai ka na makilabot saiya.