2 Tesalonica 2:8 - Marahay na Bareta Biblia

⁸ Dangan matunga an Maraot, alagad gagadanon siya kan hinangos kan Kagurangnan na Jesus asin tutunawon siya kan saiyang mamurawayon na pagpahiling sa oras nin saiyang pagdatong.

2 Tesalonica 2:8 ပူးပေါင်းရင်းမြစ်များ

2 Samuel 23:7

Sinda nadodotdot sana kan mga tawong may gamit na lansang asin tugod nin garod, asin natututong sinda sa kalayo.

An Libro ni Job 4:9

Huli sa hinangos nin Dios nagagadan sinda; sa kosog kan saiyang kaanggotan natutunaw sinda.

Salmo 18:15

Dangan nahiling an kairaroman nin kadagatan, asin nahayag an mga pundasyon kan kinaban, kan tuyawon mo an saimong mga kaiwal, Kagurangnan, asin kurahawan sinda sa kaanggotan.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Isaias 30:28

Sinusugo niya an doros sa saiyang enotan siring sa baha na minadara kan gabos na maaagihan kaiyan. Sinisighid kaiyan an mga nasyon sa saindang kapahamakan asin tinatapos an mga maraot nindang mga plano.

Daniel 11:36

“Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Daniel 7:26

Dangan matukaw an langitnon na korte sa paghukom, sa paghale kan saiyang kapangyarihan, asin sa pagraot saiya sagkod lamang.

Daniel 8:25

Huli sa saiyang katusohan, magigibo niya an anoman na pandadaya. Magigin mahambog siya asin dakul an gagadanon niya na mayo nin patanid. Tutumangan niya an Hade nin mga hade, alagad maroronot siya bakong huli sa kapangyarihan nin tawo.

Oseas 6:5

Iyan an dahelan kun tadaw ta sinugo ko an sakong mga propeta sa saindo dara an sakong mensahe nin paghukom saka pagrumpag. Maliwanag asin malinaw an mawot ko saindo:

Mateo 13:19

Idtong mga banhi na nahulog sa dalan garo idtong mga tawo na nakakadangog kan tataramon dapit sa Kahadean alagad dai nakakasabot. Minaabot an demonyo dangan inaagaw an isinabwag sa puso ninda.

Mateo 13:38

an oma iyo an kinaban. An marahay na banhi iyo an mga tawong kaayon sa Kahadean; an mga doot iyo an mga tawong kaayon kan Maraot.

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Mateo 16:28

Sa katotoohan sinasabihan ko kamo, igwa nin nagkapira digdi na dai magagadan sagkod na dai ninda mahiling na minadatong an Aki nin Tawo sa saiyang Kahadean.”

1 Corinto 1:28

Pinili nin Dios an mga tawo na pinagmamata-mata saka pinaghahamak asin mayo nin halaga, tanganing laglagon an mahalaga para sa kinaban.

2 Tesalonica 2:3

Dai kamo magpadaya sa kiisay man sa anoman na paagi. Huli ta bago umabot an Aldaw na iyan mangyayari ngona an huring pagrebelde tumang sa Dios asin matunga ngona an Maraot na itinalaga sa impyerno.

1 Timoteo 6:14

otobon mo an mga togon saimo saka magin maimbod ka sa pagsunod kaiyan sagkod sa Aldaw kan pagbalik ni Jesu-Cristo na satong Kagurangnan.

2 Timoteo 1:10

alagad ipinahayag na ngunyan sato huli kan pag-abot kan satong Paraligtas na si Cristo Jesus. Dinaog niya an kapangyarihan nin kagadanan; sa paagi kan Marahay na Bareta, ipinahayag niya an buhay na daing kataposan.

2 Timoteo 4:1

Sa atubang nin Dios asin ni Cristo Jesus na iyo an mahukom kan mga nabubuhay pa sagkod kan mga nagadan na, asin huli ta maabot siya tanganing maghade, sinasadol taka

2 Timoteo 4:8

Kaya ngunyan naghahalat na sako an korona nin katanosan na itatao sako sa Aldaw na idto nin Kagurangnan, an matanos na hukom, itatao bako sana sako, kundi sa gabos na dahel sa pagkamoot naghahalat kan saiyang pagdatong.

Tito 2:13

mantang naghahalat kita kan paladan na Aldaw na satong linalaom, an pag-abot kan kamurawayan kan satong dakulang Dios asin Paraligtas na si Jesu-Cristo.

Hebreyo 10:27

Kaya an dapat na sana nyatong gibohon iyo an maghalat sa takot kan paghukom saka kan naglalaad na kalayo na matunaw kan mga nagtutumang sa Dios!

1 Juan 2:13

Sinusuratan ko kamo, mga ama, huli ta midbid nindo siya na dati nang nagdadanay poon pa sa kapinonan. Sinusuratan ko kamo, mga hoben, huli ta dinaog nindo an Maraot.

1 Juan 3:12

Dai ta pag-arogon si Cain; sadiri siya kan Maraot, asin ginadan niya an saiyang tugang. Tadaw ta ginadan ni Cain an saiyang tugang na si Abel? Huli ta an mga gibo ni Cain maraot, alagad an mga gibo kan saiyang tugang matanos.

1 Juan 5:18

Aram ta na an siisay man na aki nin Dios dai nagpapadagos sa pagkakasala, huli ta inaataman siya kan Aki nin Dios; dai siya maaano kan Maraot.

Kapahayagan 1:16

May kapot siyang pitong bitoon sa too niyang kamot, dangan sa saiyang ngoso may nagluwas na sarong espadang doble an tarom. An saiyang lalawogon nagkikintab arog kan liwanag nin aldaw kun odto.

Kapahayagan 13:5

Tinugotan an hayop na mag-orgulyo saka maglanghad sa Dios, asin magkaigwa nin awtoridad sa laog nin kwarenta y dos na bulan.

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.

Kapahayagan 2:16

Kaya magbakle kamo! Ta kun dai, madiyan tolos ako dangan lalabanan ko an mga tawong iyan kan espada nin sakong ngoso.

Kapahayagan 20:10

Dangan an Diablo na nagdaya sainda itinapok sa danaw nin kalayo saka asupre, na tinapokan man kan hayop saka kan bakong tunay na propeta. Duman papasakitan sinda aldaw-banggi, sagkod pa man.