2 Tesalonica 1:10 - Marahay na Bareta Biblia

¹⁰ Mangyayari iyan sa Aldaw na an Kagurangnan pamurawayon kan saiyang mga banal, asin omawon kan gabos na nagtutubod. Kamo man makakaiba ninda, huli ta nagtubod kamo kan mensaheng dinara mi saindo.

2 Tesalonica 1:10 ပူးပေါင်းရင်းမြစ်များ

Salmo 68:35

Kinatatakotan an Dios sa saiyang santwaryo, an Dios nin Israel; siya minatao nin kapangyarihan asin kosog sa saiyang banwaan. Pag-omawon an Dios!

Salmo 89:7

Siya sarong Dios na ginagalangan sa katiriponan nin mga banal; dakula asin kinatatakotan kan gabos na nasa palibot niya.

Isaias 2:11

Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 43:21

Sinda an banwaan na ginibo ko para sako, asin mag-aawit sinda sako nin mga pag-omaw!”

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 49:3

Sinabihan niya ako, “Israel, sorogoon taka; huli saimo, oomawon ako nin mga tawo.”

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Malakias 3:17

“Sinda an sakong magigin banwaan,” an sabi kan Kagurangnan nin mga hukbo. “Sa aldaw na humiro ako, masasadirihan ko sinda. Maheherak ako sainda siring na an sarong ama naheherak sa saiyang aking lalaki na naglilingkod saiya.

Mga Bilang 23:23

Huli ta mayong gayuma na makakadagka ki Jacob, Mayo nin pangkukulam na makakalaban sa Israel. Masabi ngunyan an mga tawo manongod sa Israel, “Hilinga nindo kun ano an ginibo nin Dios!”

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Mateo 16:28

Sa katotoohan sinasabihan ko kamo, igwa nin nagkapira digdi na dai magagadan sagkod na dai ninda mahiling na minadatong an Aki nin Tawo sa saiyang Kahadean.”

Mateo 24:36

“Alagad mayong nakakaaram kun nuarin maabot an aldaw asin oras; dawa an mga anghel sa langit ni an Aki, kundi an Ama sana.

Mateo 25:31

“Pag-abot kan Aki nin Tawo sa saiyang kamurawayan, kaiba an gabos na anghel, matukaw siya sa saiyang mamuraway na trono.

Mateo 7:22

Pag-abot kan Huring Aldaw, dakul an masabi sako, ‘Kagurangnan, Kagurangnan, nagpropesiya kami, nagpaluwas nin mga demonyo, asin naggibo nin mga ngangalasan sa ngaran mo!’

Lukas 10:12

Sinasabihan ko kamo na sa Aldaw nin Paghukom mas magian an padusang itatao nin Dios sa Sodoma ki sa banwaan na iyan!

Juan 11:4

Kan maaraman ini ni Jesus, nagsabi siya, “An helang na ini dai ikakagadan kundi para sa kamurawayan nin Dios, tanganing an Aki nin Dios magmuraway huli kaiyan.”

Juan 17:10

An gabos na sadiri ko saimo, an gabos na sadiri mo sakuya; napapamuraway ako huli sainda.

1 Corinto 1:6

An mensahe dapit ki Cristo nakagamot na saindo.

1 Corinto 3:13

Mahihiling an klase kan trabaho nin lambang saro kun ihayag na iyan sa Aldaw ni Cristo; huli ta sa Aldaw na iyan, ihahayag nin kalayo na iyo an mabalo kan trabaho na ginibo nin lambang saro.

Galacia 1:24

Kaya inomaw ninda an Dios dahel sako.

Efeso 1:12

Kaya kaming mga naenot na naglaom ki Cristo itinalagang mabuhay para sa kaomawan kan saiyang kamurawayan.

Efeso 1:14

An Espiritu Santo iyo an sangra kan satong pamana sagkod na makamtan nyato iyan, sa kaomawan nin saiyang kamurawayan!

Efeso 1:18

Hinahagad ko na maliwanagan an isip nindo tanganing manodan nindo kun ano an paglaom na inapodan niya saindo, kun ano an nagsusupay na biyaya na ipinanuga niya sa saiyang mga banal,

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Efeso 2:7

Ginibo niya ini tanganing ipahiling sa maabot pang mga panahon an nagsusupay na biyaya sa pagkamoot na ipinahiling niya sato huli ki Cristo Jesus.

Efeso 3:10

tanganing ikapahayag sa paagi kan simbahan, an daing kasagkoran na kadonongan nin Dios ngunyan sa manlaen-laen na paagi, sa mga prinsipado asin sa mga kapangyarihan sa kalangitan.

Efeso 3:16

Hinahagad ko sa Dios, sa paagi kan saiyang Espiritu, na tawan niya kamo nin kosog nin buhay na espiritwal, gikan sa kayamanan nin saiyang kamurawayan,

1 Tesalonica 1:5

Huli ta dinara mi saindo an Marahay na Bareta, bako sanang sa paagi kan mga tataramon, kundi man sa kapangyarihan asin sa Espiritu Santo, kaiba an pagsarig na iyan totoo. Aram nindo an samong pamumuhay kan kami kaiba pa nindo; ginibo mi iyan sa ikakarahay nindo.

1 Tesalonica 2:1

Kamo mismo nakakaaram, mga tugang, na dai nasayang an pagdalaw mi saindo.

1 Tesalonica 2:12

Pinakosog mi an boot nindo, rinanga mi kamo saka sinadol na mamuhay na maninigo sa Dios na nag-aapod saindo pasiring sa saiyang Kahadean asin kamurawayan.

1 Tesalonica 2:13

Igwa pang sarong dahelan kun tadaw ta danay ming pinapasalamatan an Dios; kan ipaghulit mi saindo an mensahe nin Dios, nagdangog kamo saka nagtubod, bakong dahel ta idto hale sa tawo kundi sa Dios, na iyo mananggad an totoo. An bunga kan mensahe nin Dios nahihiling saindo na mga paratubod.

2 Tesalonica 1:12

Sa siring na paagi, an ngaran kan satong Kagurangnan na Jesus papamurawayon sa saindo, asin kamo sa saiya, huli sa biyaya nin satuyang Dios asin ni Jesu-Cristo na satong Kagurangnan.

2 Tesalonica 2:13

Danay kaming magpasalamat sa Dios para saindo, mga tugang na namomotan kan Kagurangnan. Nagpapasalamat kami huli ta pinili kamo nin Dios bilang enot na ililigtas sa paagi kan kapangyarihan kan Espiritu, na nagpapabanal saindo huli kan saindong pagtubod sa katotoohan.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

2 Timoteo 1:12

iyan an dahelan kaya nagtitios ako kan mga bagay na ini. Alagad dai ako nasosopog huli ta midbid ko an sakong tinutubod, asin naniniwala ako na iingatan niya sagkod sa huring Aldaw an ipinaniwala niya sakuya.

2 Timoteo 1:18

Maherakan logod siya nin Kagurangnan sa huring Aldaw. Aram mo nin marahay an ginibo niya para sako duman sa Efeso.

2 Timoteo 4:8

Kaya ngunyan naghahalat na sako an korona nin katanosan na itatao sako sa Aldaw na idto nin Kagurangnan, an matanos na hukom, itatao bako sana sako, kundi sa gabos na dahel sa pagkamoot naghahalat kan saiyang pagdatong.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.