2 Samuel 9:1 - Marahay na Bareta Biblia

¹ Sarong aldaw, naghapot si David, “Igwa pa daw nin natatada sa pamilya ni Saul? Kun igwa, boot kong ipahiling saiya an sakong pagkaherak huli ki Jonatan.”

2 Samuel 9:1 ပူးပေါင်းရင်းမြစ်များ

2 Samuel 1:26

“Nagtatangis ako para saimo, tugang kong Jonatan; namotan taka nin marahay! Makangangalas an saimong pagkamoot sako, orog pa ki sa pagkamoot nin mga babae.

2 Samuel 21:7

Alagad huli kan banal na panuga na ginibo ninda ni Jonatan sa lambang saro, ilinigtas ni David an aki ni Jonatan na si Mefiboset, na makoapo ni Saul.

2 Samuel 9:7

Sinabihan siya ni David, “Dai ka matakot; huli ta maheherakan taka huli ki Jonatan na saimong ama. Ibabalik ko saimo an gabos na daga na dating sadiri kan saimong lolo na si Saul, asin digdi ka magkakakan sa sakong lamesa.”

1 Mga Hade 2:7

“Alagad pahilingan mo nin karahayan an mga aking lalaki ni Barsilai na taga Gilead. Tawan mo sinda nin tukawan na kaibahan kan mga nagkakarakan sa saimong lamesa huli ta nagin marahay sinda sako kan magdulag ako sa saimong tugang na si Absalom.

Mga Talinhaga 27:10

Dai mo paglingawan an saimong mga katood, ni an mga katood kan saimong ama. Kun igwa ka nin problema, dai ka magpatabang sa saimong tugang. Orog na matatabangan ka kan katood na nasa harani ki sa tugang na nasa harayo.

Mateo 10:42

An siisay man na magpainom nin maski sarong basong tubig sa saro kan pinakasadit na disipulo ko huli ta siya sakong disipulo, totoong maako nin balos.”

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Markos 9:41

Sa katotoohan sinasabihan ko kamo, an siisay man na magpainom saindo nin tubig huli ta kamo sadiri ko, dai mawawaraan nin balos.”

1 Pedro 3:8

Sa kataposan, dapat na magkasararo kamo gabos sa espiritu, magmakulog sa kapwa, magkaminorootan siring sa magturugang; magkaigwa kamo nin mahuyo na puso asin mapakumbabang boot.

1 Samuel 20:42

Dangan sinabihan ni Jonatan si David, “Lakaw sa katoninongan, nin huli ta nanuga an lambang saro sato sa ngaran nin Kagurangnan, na an satong mga panuga ootobon ta asin nin satong mga kapagarakian sagkod lamang.” Dangan naghale si David asin nagbalik si Jonatan sa banwa.