2 Samuel 8:6 - Marahay na Bareta Biblia

⁶ Dangan nagpatindog si David nin mga kampo nin mga soldados sa Damasco; nagin sorogoon niya an mga Siro asin nagbuhis sinda saiya. Pinapanggana nin Kagurangnan si David saen man siya magduman.

2 Samuel 8:6 ပူးပေါင်းရင်းမြစ်များ

2 Samuel 10:19

Kan nahiling kan mga hadeng sakop ni Hadadezer na nadaog sinda kan mga Israelita, nakipagtoninong sinda sa Israel; nasakop sinda kan mga Israelita. Poon kaidto natakot na an mga Siro na tabangan an mga Ammonita.

2 Samuel 23:14

Yaon kaidto si David sa sarong bantayan, asin sinakop na kaidto nin sarong grupo nin mga Filisteo an Betlehem.

2 Samuel 3:18

Uya na an saindong oportunidad. Giromdoma nindo na nagtaram an Kagurangnan, ‘Gagamiton ko an sorogoon kong si David tanganing iligtas an sakong banwaan na Israel sa mga Filisteo asin sa iba pa nindang mga kaiwal.’”

2 Samuel 5:10

Orog na nagkosog si David, huli ta kaiba niya an Kagurangnan, an Dios nin mga hukbo.

2 Samuel 7:9

Inibahan taka saen ka man nagduman, asin dinaog ko an gabos mong kaiwal mantang nagdadangadang ka. Gigibohon kong magin bantog an saimong ngaran, arog kan ngaran kan mga darakulang lider sa kinaban.

2 Samuel 8:14

Nagpatindog siya nin mga kampo nin mga soldados sa Edom, asin nagin sorogoon niya an mga tawo duman. Pinapanggana nin Kagurangnan si David saen man siya magduman.

2 Samuel 8:2

Dinaog man niya an mga Moabita; pinahigda niya an mga ini sa daga asin ginadan an duwa sa lambang tolo sa sainda. Kaya an mga Moabita nagin mga sorogoon ni David asin nagbayad sinda saiya nin buhis.

2 Samuel 8:7

Sinamsam ni David an bulawan na mga kalasag na dara kan mga opisyal ni Hadadezer, dangan dinara sa Jerusalem.

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

2 Mga Hade 1:1

Pagkagadan ni Hadeng Ahab nin Israel, nagrebelde an Moab laban sa Israel.

2 Mga Hade 14:28

An iba pang ginibo ni Jeroboam Ika Duwa, an saiyang kaisogan, an saiyang mga pakigera, asin an pagkabawi niya sa Damasco saka sa Hamat para sa Israel, gabos nasusurat sa An Kasaysayan kan mga Hade nin Israel.

2 Mga Hade 18:7

Kaya inibahan siya nin Kagurangnan asin nag-uswag siya sa gabos niyang gibo. Nagrebelde si Ezekias laban sa hade nin Asiria asin habo na siyang maglingkod saiya.

2 Mga Hade 3:4

Si Mesa na hade nin Moab sarong paraataman nin mga karnero, asin taon-taon nagbubuhis siya sa hade nin Israel nin syen mil na kordero asin balukag nin syen mil na karnero.

1 Mga Cronica 18:13

Nagpatindog siya nin mga kampo nin mga soldados sa Edom; nagin sorogoon ni David an mga tawo duman. Pinapanggana nin Kagurangnan si David saen man siya magduman.

2 Mga Cronica 17:2

Nagbugtak siya nin mga soldados sa pinapusog na mga syudad nin Juda. Nagtugdok siya nin mga bantayan sa bilog na daga nin Juda asin sa mga syudad nin Efraim na nasakop kan saiyang ama.

Salmo 140:7

Kagurangnan, sakong Kagurangnan, makosog na paraligtas! Sinurog mo ako sa aldaw nin pakilaban.

Salmo 60:10

Isinikwal mo na daw kami, O Dios? Dai ka na daw maiba sa samong mga hukbo?

Mga Talinhaga 21:31

Pwedeng iandam an mga kabayo para sa ralaban, alagad an Kagurangnan iyo an minatao nin kapangganahan.

1 Samuel 13:3

Ginadan ni Jonatan an pamayo kan mga Filisteo sa Geba, asin nabaretaan ini kan gabos na Filisteo. Dangan nagpadara si Saul nin mga sugo sa bilog na daga tanganing apodon an mga Hebreyo sa pakigera huli sa pagpatanog kan trompeta sa bilog na daga.

1 Samuel 14:1

Sarong aldaw, sinabihan ni Jonatan an hoben na lalaking paradara kan saiyang armas, “Madya, magduman kita sa kampo kan mga Filisteo.” Alagad dai pinaisi ni Jonatan an ama niyang si Saul,

1 Samuel 14:15

Nagkatarakot an gabos na Filisteo sa saindang namumugtakan; tinarakigan an mga parasalakay saka an mga soldados na nasa kampo huli sa takot; naglinog an daga, asin nagkaigwa nin dakulang kariribokan.

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”