2 Samuel 8:4 - Marahay na Bareta Biblia

⁴ Binihag ni David an mil syete syentos sa mga nakakabayong soldados ni Hadadezer asin beynte mil kan saiyang mga soldados. Pinirilayan niya an mga kabayo, alagad nagtada siya para sa sanggatos na karwahe.

2 Samuel 8:4 ပူးပေါင်းရင်းမြစ်များ

Genesis 49:6

Dai ako masabay sa saindang mga sekretong orolay, Dai man ako maiba sa saindang pagtiripon, Huli ta sa kaanggotan, nanggadan sinda nin tawo Asin sa kakalwagan, pinilayan ninda an mga toro.

1 Mga Hade 10:26

Nagtipon si Solomon nin dakul na karwahe asin kabayo: mil kwatro syentos an saiyang mga karwahe asin dose mil an nakakabayong mga soldados. An iba sainda ibinugtak niya sa Jerusalem asin an natada ibinugtak niya sa manlaen-laen na syudad.

1 Mga Cronica 18:4

Binihag ni David an sangribong karwahe ni Hadadezer, syete mil na mga nakakabayong soldados asin beynte mil kan saiyang mga soldados. Pinirilayan niya an mga kabayo, alagad nagtada siya para sa sanggatos na karwahe.

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Deuteronomio 17:16

An hade dai dapat magkaigwa nin dakul na kabayo para sa saiyang hukbo; dai siya dapat magpadara nin mga tawo tanganing magbakal nin mga kabayo sa Egipto, huli ta ipinangalad nin Kagurangnan an pagbalik duman kan saiyang banwaan.

Josue 11:6

Tinaraman nin Kagurangnan si Josue, “Dai ka matakot sainda. Sa siring na oras sa aga, garadan nang itatao ko sinda sa Israel; pipilayan nindo an saindang mga kabayo asin susuloon an saindang mga karwahe.”

Josue 11:9

Ginibo sainda ni Josue an ipinagboot nin Kagurangnan: pinilayan niya an saindang mga kabayo asin sinulo an saindang mga karwahe.