2 Samuel 7:8 - Marahay na Bareta Biblia

⁸ “Kaya sabihan mo si David na sakong sorogoon na ako, an Kagurangnan nin mga hukbo, an nagtataram saiya, ‘Kinua taka hale sa pagpastor nin mga karnero sa kaomahan asin ginibo takang hade kan sakong banwaan nin Israel.

2 Samuel 7:8 ပူးပေါင်းရင်းမြစ်များ

2 Samuel 12:7

Nagsabi si Natan ki David, “Ika an lalaking idto. Ini an itinaram nin Kagurangnan na Dios nin Israel: ‘Linahidan taka bilang hade nin Israel asin ilinigtas sa kamot ni Saul.

2 Samuel 14:13

Nagsabi an babae, “Tadaw ta nagibo mo ining karatan laban sa banwaan nin Dios? Sa pagtao mo kaining hatol, ika mismo an naghatol sa sadiri mo huli ta dai mo pa itinutugot na makapuli an saimong aking lalaki.

2 Samuel 23:1

Pinangagin dakula nin Dios si David na aking lalaki ni Jesse. Siya an pinili kan Dios ni Jacob na magin hade asin siya an naggibo nin magayon na mga awit para sa Israel. Ini an mga huring tataramon ni David:

2 Samuel 24:17

Nahiling ni David an anghel na nanggagadan kan mga tawo, asin sinabihan niya an Kagurangnan, “Ako an nagkasala. Ako an nakaginibo nin maraot. Ano an naginibo kan mga tawong ini? Ako asin an sakong pamilya an padusahan mo.”

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

2 Samuel 6:21

Nagsimbag si David, “Nagsayaw ako tanganing sambahon an Kagurangnan, na nagpili sako embes kan saimong ama asin kan saiyang pamilya bilang hade kan bilog na Israel. Masayaw pa ako tanganing sambahon an Kagurangnan,

1 Mga Hade 3:6

Nagsimbag si Solomon, “Pinahilingan mo nin dakula asin danay na pagkamoot an sakong ama na si David na saimong sorogoon huli ta naglakaw siya na maimbod, matanos asin marahay sa atubangan mo. Ipinadagos mo an pagpahiling kan dakula asin danay na pagkamoot saiya kan tawan mo siya nin sarong aking lalaki tanganing magtukaw ngunyan sa saiyang trono.

1 Mga Hade 8:16

‘Magpoon kan aldaw na iluwas ko sa Egipto an sakong banwaan, dai ako nagpili nin syudad sa gabos na tribu nin Israel tanganing tugdokan nin Templo na pagsasambahan sako. Alagad pinili taka David, na mamayo sa sakong banwaan.’”

1 Mga Cronica 17:7

“Kaya sabihan mo si David na sakong sorogoon na ako, an Kagurangnan nin mga hukbo, an nagtataram saiya, ‘Kinua taka hale sa pagpastor nin mga karnero sa kaomahan asin ginibo takang hade kan sakong banwaan nin Israel.

1 Mga Cronica 21:17

Dangan namibi sa Dios si David, “Bakong ako man sana an nagkasala, huli ta ako an nagboot na sensohon an mga tawo? Ano an naginibo kan mga tawong ini? Nakikimaherak ako, O Kagurangnan, sakuyang Dios, na ako sana saka an sakuyang pamilya an saimong padusahan; alagad iligtas mo an saimong banwaan.”

Amos 7:15

Alagad hinale ako nin Kagurangnan sa trabahong iyan dangan pinagbotan niya ako na magdigdi dangan magpropesiya sa saiyang banwaan nin Israel.

Mga Gibo 7:46

na nawilihan nin Dios asin naghagad na tugotan siyang magtugdok nin harong para sa Dios ni Jacob.

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 2:8

Binubuhat niya an mga dukha hale sa alpog asin an mga nangangaipo hale sa tambak nin abo. Pinapatukaw niya sinda sa kaibahan nin mga prinsipe, asin ibinubugtak sa mga lugar na iginagalang. Huli ta an mga harigi kan kinaban sadiri nin Kagurangnan; asin sa ibabaw kaiyan itinugdok niya an kinaban.

1 Samuel 9:16

“Sa aga, sa siring kaining oras, ipapadara ko saimo an sarong lalaki na gikan sa tribu ni Benjamin; lahidan mo siya bilang hade kan sakong banwaan na Israel. Siya an maligtas sainda sa mga Filisteo, huli ta nahiling ko an pagtios kan sakong banwaan asin nadangog ko an saindang inagrangay.”