2 Samuel 7:7 - Marahay na Bareta Biblia

⁷ Saen man ako magduman kaiba an banwaan nin Israel, dai pa lamang ako naghapot sa mga lider, na pinagbotan kong mangenot kan sakong banwaan, kun tadaw ta dai ninda ako ipinatugdok nin templong gibo sa sedro.’

2 Samuel 7:7 ပူးပေါင်းရင်းမြစ်များ

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

1 Mga Cronica 11:2

Kaidto, maski kan si Saul iyo pa an hade, ika an namayo kan banwaan nin Israel sa gera; nanuga saimo an Kagurangnan na saimong Dios na ika an mangengenot kan saiyang banwaan asin magigin pamayo ninda.”

1 Mga Cronica 17:6

Saen man ako magduman kaiba an banwaan nin Israel, dai lamang ako naghapot sa mga hukom na pinagbotan kong mangenot kan sakong banwaan, kun tadaw ta dai ninda ako ipinatugdok nin templong gibo sa sedro.’

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Jeremias 23:4

Mapili ako nin mga pamayo na mag-aataman sainda. An sakong banwaan dai na nanggad matatakot ni matitikbahan; mayo na nin mawawara sainda. Ako, an Kagurangnan, an nagtaram.”

Jeremias 3:15

Tatawan ko kamo nin mga pamayo na nagkukuyog sako, asin papamayohan ninda kamo na may kadonongan saka pakasabot.

Ezekiel 34:15

Ako mismo an magigin pastor kan sakong mga karnero, asin ihahanap ko sinda nin lugar na pahingaloan. Ako, an Kagurangnan Dios, an nagtaram.

Ezekiel 34:2

“Aki nin tawo, magpropesiya ka laban sa mga namamayo nin Israel. Sabihan mo sinda na ini an tataramon ko, an Kagurangnan Dios: Herak man saindo, mga pastor nin Israel! Binabasog nindo an saindong sadiri, alagad dai nindo inaataman an mga karnero.

Ezekiel 34:23

Tatawan ko sinda nin sarong hade na arog kan sorogoon kong si David, tanganing iyo sana an magpastor asin mag-ataman sainda.

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Mateo 2:6

‘Ika, Betlehem, sa daga nin Juda, bakong ika an pinakasadit sa mga nangengenot na syudad nin Juda; huli ta saimo magikan an sarong lider na iyo an masakop kan sakong banwaan na Israel.’”

Mga Gibo 20:28

Kaya ingati nindo an saindong sadiri asin an bilog na katiriponan na ipinapaataman saindo kan Espiritu Santo. Magin pastor kamo kan simbahan nin Dios, na nagin sadiri niya huli kan kagadanan nin saiyang Aki.

Mga Gibo 21:28

Nagkurahaw sinda, “Tabangi kami nindo, mga taga Israel! Iyo ini an tawong naglilibot saen man na lugar na nagtutukdo sa gabos tumang sa nasyon nin Israel, tumang sa Katogonan ni Moises asin tumang sa Templong ini. Laen pa kaini, ngunyan nag-iba pa siya nin nagkapirang mga Griyego sa laog kaining Templo kaya dinigtaan niya an banal na lugar na ini!” (

Deuteronomio 23:14

Linigan nindo an saindong kampo huli ta kaiba nindo diyan an Kagurangnan na saindong Dios sa pagligtas saindo asin sa pagtao saindo nin kapangganahan laban sa saindong mga kaiwal. Dai kamo maggibo nin ano man na kadustaan tanganing dai kamo bayaan nin Kagurangnan.

1 Pedro 5:1

Bilang saro man na kamagurangan, igwa akong ipapakiolay saindo, mga kamagurangan kan simbahan. Nasaksihan ko an mga kasakitan na inagihan ni Cristo, asin magigin kahiras man ako kan kamurawayan na madali nang ihayag.