2 Samuel 7:24 - Marahay na Bareta Biblia

²⁴ An Israel ginibo mong saimong sadiring banwaan sagkod pa man, asin ika, Kagurangnan, iyo an nagin saindang Dios.

2 Samuel 7:24 ပူးပေါင်းရင်းမြစ်များ

Genesis 17:7

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

Genesis 17:8

Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”

2 Samuel 7:23

Mayo nin ibang nasyon sa kinaban arog kan Israel, na saimong ilinigtas sa kaoripnan tanganing gibohon na sadiri mong banwaan. An darakula asin makangangalas na mga bagay na ginibo mo para sainda nakapabantog saimo sa bilog na kinaban. Pinalayas mo an ibang nasyon asin an saindang mga dios-dios mantang nagdadangadang an saimong banwaan, an banwaan na saimong pinatalingkas sa Egipto tanganing saimong masadirihan.

2 Samuel 7:25

“Kaya ngunyan, O Kagurangnan Dios, otoba sa gabos na panahon an panuga na ginibo mo manongod sako asin sa sakong kapagarakian; giboha siring sa saimong itinaram.

1 Mga Cronica 17:22

An Israel ginibo mong saimong sadiring banwaan sagkod pa man, asin ika, Kagurangnan, iyo an nagin saindang Dios.

Salmo 48:14

“An Dios na ini iyo an satuyang Dios sagkod pa man; mangengenot siya sato sa gabos na panahon.”

Exodo 15:2

An Kagurangnan an sakong kosog asin awit, siya an sakong kaligtasan; siya an sakong Dios, kaya sakong oomawon; Dios nin sakong ama, kaya sakong papalangkawon.

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Jeremias 31:1

Nagtataram an Kagurangnan, “Maabot an panahon na ako an magigin Dios kan gabos na tribu sa Israel, asin sinda an magigin banwaan ko.

Jeremias 31:33

Siring kaini an gigibohon kong tipan sa mga taga Israel: Ibubugtak ko an sakong togon sa saindang isip saka isusurat ko iyan sa saindang puso. Ako an magigin Dios ninda, asin sinda an magigin banwaan ko.

Jeremias 32:38

Dangan sinda an magigin banwaan ko, asin ako an magigin Dios ninda.

Oseas 1:10

An mga taga Israel magigin siring kadakul sa baybay kan dagat, na dai pwedeng takadon o bilangon. Ngunyan sinasabihan sinda nin Dios, “Bako ko na kamong banwaan,” alagad maabot an aldaw na sasabihan niya sinda, “Kamo an mga aki kan Dios na buhay!”

Zacarias 13:9

Babaloon ko an ikatolong kabtang na matatada dangan lilinigan ko sinda arog kan paglinig kan plata sa paagi nin kalayo. Babaloon ko sinda siring sa pagbalo sa bulawan. Mamimibi sinda sa sako, asin sisimbagon ko sinda. Sasabihan ko sinda na sinda an sakong banwaan, asin ipapahayag ninda na ako an saindang Dios.”

Juan 1:12

Alagad an mga nag-ako saka nagtubod saiya, tinawan niya nin deretso na magin mga aki nin Dios.

Deuteronomio 26:18

Ngunyan na aldaw inako kamo nin Kagurangnan bilang saiyang sadiring banwaan siring sa saiyang ipinanuga saindo. Ipinagboboot niya na kuyogon nindo an gabos niyang togon,

Deuteronomio 27:9

Dangan kaiba an mga pading Levita, nagsabi sa mga tawo si Moises, “Banwaan nin Israel, mag-alo kamo asin magdangog sako. Ngunyan na aldaw, kamo nagin banwaan nin Kagurangnan na saindong Dios;

Deuteronomio 32:6

Arog kaini an pagbalos nindo sa Kagurangnan, kamo na sarong lolong asin mayong isip na banwaan? Siya an saindong ama, saindong Kaglalang, an nagpatindog saindo bilang sarong banwaan.

1 Pedro 2:10

Kaidto bako kamong banwaan nin Dios, alagad ngunyan banwaan na niya kamo. Kaidto dai nindo nakamtan an pagkaherak nin Dios, alagad ngunyan nakamtan na nindo an saiyang pagkaherak.