2 Samuel 7:23 - Marahay na Bareta Biblia

²³ Mayo nin ibang nasyon sa kinaban arog kan Israel, na saimong ilinigtas sa kaoripnan tanganing gibohon na sadiri mong banwaan. An darakula asin makangangalas na mga bagay na ginibo mo para sainda nakapabantog saimo sa bilog na kinaban. Pinalayas mo an ibang nasyon asin an saindang mga dios-dios mantang nagdadangadang an saimong banwaan, an banwaan na saimong pinatalingkas sa Egipto tanganing saimong masadirihan.

2 Samuel 7:23 ပူးပေါင်းရင်းမြစ်များ

2 Samuel 7:24

An Israel ginibo mong saimong sadiring banwaan sagkod pa man, asin ika, Kagurangnan, iyo an nagin saindang Dios.

1 Mga Cronica 17:21

Mayo nin ibang nasyon sa kinaban arog kan Israel, na ilinigtas mo sa kaoripnan tanganing gibohon na sadiri mong banwaan. An mga darakula asin makangangalas na mga bagay na ginibo mo para sainda nakapabantog saimo sa bilog na kinaban. Ilinigtas mo sa Egipto an Israel, saka pinalayas mo an ibang mga nasyon mantang nagdadangadang an saimong banwaan.

Nehemias 1:10

“Kagurangnan, sinda an saimong mga sorogoon asin banwaan na tinubos kan saimong dakulang kapangyarihan saka kosog.

Salmo 106:22

mga ngangalasan na ginibo niya duman, mga mangirhat na bagay sa Dagat na Pula.

Salmo 111:9

Pinatalingkas niya an saiyang banwaan, dangan naggibo sainda nin tipan na dai nin kasagkoran. Banal asin ginagalangan an saiyang ngaran!

Salmo 145:6

Ibabareta kan mga tawo an mangirhat mong mga gibo; an saimong kadakulaan irurukyaw ko.

Salmo 147:20

Dai niya iyan ginigibo sa ibang nasyon; an mga ini mayo nin pakaisi kan saiyang kabotan. Omawon an Kagurangnan!

Salmo 40:5

Dakul na ngangalasan an ginibo mo para samo, O Kagurangnan, na samuyang Dios; mayo nin makakaarog saimo! Magayon an mga plano mo para samo. Kun ako mangahas na ipahayag iyan gabos, sa kadaklan dai ko mauubos!

Salmo 44:3

Bakong huli sa saindang espada napasainda an daga; bakong huli sa saindang kosog nakamtan an panggana; kundi huli sa too mong kamot asin takyag patin sa liwanag kan lalawogon mo; huli ta sinda nawilihan mo.

Salmo 65:5

Sinisimbag mo kami huli sa pagtao samo nin kapangganahan, O Dios nin samong kaligtasan. Minasarig saimo an gabos na tawo sa gabos na poro nin daga, sagkod sa pinakaharayong mga dagat.

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Exodo 12:12

“Sa bangging iyan, maagi ako sa daga nin Egipto asin gagadanon ko an gabos na matuang lalaki, tawo man o hayop. Papadusahan ko an gabos na dios-dios kan Egipto. Ako an Kagurangnan.

Exodo 33:16

Huli ta paanong maaaraman na nawiwilihan mo ako saka an mga tawo? Bako daw huli sa pag-iba mo samo tanganing mapalaen kami, ako saka an saimong banwaan, sa ibang mga tawo sa kinaban?”

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Exodo 9:15

Garadan na kuta kamo kun ika asin an saimong banwaan sakong pinahelang.

Exodo 9:16

Alagad binuhay taka tanganing ipahiling saimo an sakong kapangyarihan, asin tanganing makalakop sa bilog na kinaban an sakuyang ngaran.

Jeremias 32:20

Naggibo ka nin mga tanda saka ngangalasan sa daga nin Egipto, asin sagkod ngunyan padagos kang naggigibo kaiyan sa Israel saka sa ibang mga nasyon, kaya midbid ka na ngunyan maski saen.

Jeremias 32:21

Sa paagi nin mga tanda saka ngangalasan na natakotan kan samong mga kaiwal, ginamit mo an saimong kapangyarihan saka kosog tanganing iluwas sa Egipto an saimong banwaan.

Ezekiel 20:9

Alagad dai ko iyan ginibo, huli ta mapapasopog an sakong ngaran, huli ta sa atubang kan mga nasyon, saen nag-erok sinda, nagpahayag ako sa mga Israelita na iluluwas ko sinda sa Egipto.

Mga Bilang 6:27

Nagtaram an Kagurangnan, “Kun sambiton ninda an sakong ngaran bilang sarong bendisyon sa banwaan nin Israel, bebendisyonan ko sinda.”

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Deuteronomio 10:21

Pag-omawon nindo siya huli ta siya an saindong Dios; nahiling nindo an dakula asin makangangalas na mga bagay na ginibo niya para saindo.

Deuteronomio 15:15

Giromdoma nindo na mga oripon man kamo kaidto duman sa Egipto, asin tinalingkasan kamo nin Kagurangnan na saindong Dios; kaya ngunyan itinatao ko saindo ining pagboot.

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

Deuteronomio 9:26

Namibi ako, ‘O Kagurangnan Dios, hare pagtunawa an saimong sadiring banwaan na ilinigtas mo asin ilinuwas hale sa Egipto huli kan saimong dakulang kosog asin kapangyarihan.

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

Josue 7:9

Mababaretaan ini kan mga Cananeo asin kan iba pang nag-eerok sa daga. Papalibotan ninda kami asin gagadanon an lambang saro samo. Ano an gigibohon mo para sa saimong dakulang ngaran?”

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Kapahayagan 5:9

Dangan inawit ninda an bagong awit na ini: “Ika an maninigong magkua kan libro, asin magtangkas kan mga selyo kaiyan. Huli ta ika ginadan dangan tinubos mo para sa Dios an mga tawo sa paagi kan saimong dugo, mga tawong hale sa manlaen-laen na tribu, lengwahe, rasa saka nasyon.