2 Samuel 7:19 - Marahay na Bareta Biblia

¹⁹ Alagad dakul pa an ginigibo mo para sako, O Kagurangnan Dios; nagtaram ka man manongod sa sakuyang kapagarakian sa maabot na panahon. Ipinahiling mo ini sa sarong tawo, O Kagurangnan Dios!

2 Samuel 7:19 ပူးပေါင်းရင်းမြစ်များ

2 Samuel 12:8

Itinao ko saimo an saiyang kahadean saka mga agom; ginibo takang hade nin Israel sagkod Juda, asin kun kulang pa an bagay na ini, tatawan taka pa nin doble kan inako mo na.

2 Mga Hade 3:18

Nagpadagos si Eliseo, “Madali sana ining gibohon nin Kagurangnan; tatawan pa niya kamo nin kapangganahan laban sa mga Moabita.

1 Mga Cronica 17:17

Alagad dakul pa an ginibo mo para sako, O Dios; nagtaram ka man manongod sa sakuyang kapagarakian sa maabot na panahon, O Kagurangnan Dios!

Salmo 36:7

Mahalaga, O Dios, an danay mong pagkamoot! An mga aki nin tawo minapaili sa lindong kan saimong mga pakpak.

Ezekiel 34:18

An iba saindo bako sanang nagkakakan kan marahay na sabsabon kundi tinitimaktimakan pa nindo an ibang mga sabsabon. Iniinom nindo an malinig na tubig, asin pinapalabog nindo an tubig na dai nindo iniinom!

Mga Bilang 16:13

Kulang pa nanggad saimo an paghale mo samo sa matubang na daga nin Egipto tanganing gadanon digdi sa kalangtadan? Tano ta boot mo pang magin samong kagurangnan?

Mga Bilang 16:9

Sadit pa daw na bagay para saindo na linaen kamo sa komunidad nin Israel kan Dios nin Israel tanganing makadolok kamo saiya, makagibo kan saindong katongdan sa Tabernakulo nin Kagurangnan asin makapaglingkod sa komunidad?

Efeso 2:7

Ginibo niya ini tanganing ipahiling sa maabot pang mga panahon an nagsusupay na biyaya sa pagkamoot na ipinahiling niya sato huli ki Cristo Jesus.

Josue 5:14

“Bako ako maski arin sa sinabi mo,” an simbag kan lalaki. “Nagdigdi ako bilang pamayo kan hukbo nin Kagurangnan.” Nagdapa si Josue sa pagsamba asin nagsabi, “Sorogoon mo ako, kagurangnan. Ano an boot mong gibohon ko?”