2 Samuel 7:18 - Marahay na Bareta Biblia

¹⁸ Dangan naglaog si Hadeng David sa Tabernakulo, nagtukaw, asin namibi sa Kagurangnan, “Siisay man ako, O Kagurangnan Dios, saka ano an sakong pamilya, ta ginibo mo an mga bagay na ini sako?

2 Samuel 7:18 ပူးပေါင်းရင်းမြစ်များ

Genesis 32:10

Bako akong maninigo kan danay mong pagkamoot asin kan pagkamaimbod na ipinahiling mo sako, na saimong oripon. Binalyo ko an Jordan na sugkod sana an dara alagad ngunyan nagbalik ako na may kaiba nang duwang grupo.

Genesis 32:11

Nakikimaherak ako na iligtas mo ako sa tugang kong si Esau, huli ta natatakot ako saiya; tibaad salakayon asin gadanon niya kami gabos sagkod an kababaehan saka kaakian.

2 Samuel 23:5

Siring an gigibohon na pagbendisyon nin Dios sa sakong kapagarakian, huli ta guminibo siya sako nin mayong kataposan asin dai mapapatod na tipan, sarong panuga na dai nanggad maliliwat. Huli ta dai daw ako tatabangan nin Dios, asin papangyarihon an gabos kong kamawotan?

2 Samuel 7:17

Isinabi ni Natan ki David an gabos na ipinahayag saiya nin Dios.

1 Mga Cronica 17:16

Dangan naglaog si Hadeng David sa Tabernakulo, nagtukaw, asin namibi Kagurangnan, “Siisay man ako, O Kagurangnan Dios, saka ano an sakong pamilya, ta ginibo mo an mga bagay na ini sako?

1 Mga Cronica 29:14

“Alagad siisay man ako asin an sakong banwaan na makakakayang magtao nin boluntad na dolot saimo? Huli ta sa saimo gikan an gabos na bagay, asin samuya man sanang ibinabalik an sadiri mo.

Salmo 8:4

ano an tawo ta ginigiromdom mo siya; an aki nin tawo ta inaataman mo siya?

Exodo 3:11

Alagad nagsimbag si Moises sa Dios, “Siisay man ako na maduman sa hade nin Egipto tanganing iluwas sa saiyang nasyon an mga Israelita?”

Isaias 37:14

An surat inako ni Hadeng Ezekias sa mga sugo dangan binasa. Pakatapos naglaog siya sa Templo, biniklad idto sa atubangan nin Kagurangnan,

Efeso 3:8

Ako an pinakamenos sa gabos na mga banal. Alagad itinao sako an biyaya nin paghulit kan Marahay na Bareta sa mga pagano dapit sa daing sukol na kayamanan ni Cristo,

Hukom 6:15

Nagsimbag si Gideon, “Paano ko ikakaligtas an Israel? An sakong kamaganakan iyo an pinakamaluya sa tribu ni Manases asin ako an pinakamaluya sa sakong pamilya.”

Ruth 2:10

Duminuko si Ruth sa pagtao nin galang dangan hinapot si Boaz, “Tano ta may pagmalasakit ka sako? Tano ta pinapahilingan mo nin marahay na boot an sarong dayuhan?”

1 Samuel 15:17

Nagsabi si Samuel, “Maski hababa an paghiling mo sa saimo man sana, ika pa giraray an lider kan mga tribu nin Israel. Linahidan ka nin Kagurangnan bilang hade nin Israel;

1 Samuel 18:18

Nagsimbag si David, “Siisay ako asin siisay an sakong mga kadugo tanganing magin manugang ako kan hade?”

1 Samuel 9:21

Nagsimbag si Saul, “Tadaw ta siring an pinagsasabi mo sako? Gikan ako sa pinakasadit na tribu nin Israel, sa tribu ni Benjamin, asin an sakong pamilya iyo an pinakamenos sa gabos na tribu.”