2 Samuel 7:15 - Marahay na Bareta Biblia

¹⁵ Alagad dai ko hahaleon saiya an sakong tabang, bakong arog kan ginibo ko ki Saul, na sakong hinale tanganing ika an magin hade.

2 Samuel 7:15 ပူးပေါင်းရင်းမြစ်များ

2 Samuel 7:14

Ako an saiyang magigin ama; siya an magigin aki kong lalaki. Kun magkasala siya, papadusahan ko siya siring kan pagpadusa nin sarong ama sa saiyang aki.

2 Samuel 7:16

Danay kang magkakaigwa nin mga kapagarakian, asin an saimong trono magdadanay sagkod lamang. Mayo nin kataposan an saimong kahadean.’”

1 Mga Hade 11:13

Alagad dai ko man gabos hahaleon saiya an kahadean; itatada ko saiya an sarong tribu huli ki David na sakong sorogoon, asin huli sa Jerusalem na sakong pinili.”

Salmo 89:28

Danay kong ootobon an sakuyang panuga saiya, magdadanay an sakuyang tipan saiya.

Salmo 89:31

kun saindang lapason an sakong mga katukdoan, asin dai sinda mag-otob kan sakong mga katogonan,

Salmo 89:33

Alagad an danay kong pagkamoot ki David dai ko hahaleon; dai ko lilingawan an sakong panuga saiya.

Salmo 89:34

Dai ko lalapason an sakong tipan, o liliwaton an tataramon na nagluwas sa sakong ngoso.

Salmo 89:49

Kagurangnan, haen na an danay mong pagkamoot kaidto, na isinumpa mo ki David sa saimong pagkamaimbod?

Isaias 37:35

Susurogon ko an syudad na ini, huli na sana kan sakong onra asin huli kan mga ginibo ko ki David na sakong sorogoon.’”

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”

1 Samuel 15:26

“Dai ako maiba sa pagbalik mo,” an simbag ni Samuel. “Isinikwal mo an kabotan nin Kagurangnan, kaya isinikwal ka man niya bilang hade nin Israel.”

1 Samuel 15:28

Sinabihan siya ni Samuel, “Pinakit na saimo nin Kagurangnan an kahadean nin Israel ngunyan na aldaw asin itinao na sa sarong lalaking mas marahay ki sa saimo.

1 Samuel 16:14

Binayaan si Saul kan espiritu nin Kagurangnan asin pinasakitan siya nin sarong marompot na espiritu na ipinadara saiya nin Kagurangnan.

1 Samuel 19:24

Hinuba niya an saiyang gubing asin nagsayaw saka nagkurahaw sa atubangan ni Samuel, dangan naghigda na huba sa bilog na aldaw asin banggi. (Iyo ini an kapinonan kan kasabihan, “Ano si Saul, saro na man na propeta?”)