2 Samuel 7:10 - Marahay na Bareta Biblia

^10-11 Nagpili na ako nin sarong lugar para sa sakong banwaan nin Israel asin pinapag-erok ko na sinda duman, saen dai na sinda aapihon. Kaidto danay na sinasalakay sinda nin mga mariringis na tawo, alagad dai na iyan mangyayari ngunyan. Nanunuga ako na ililigtas taka sa gabos mong kaiwal asin tatawan taka nin mga kapagarakian.

2 Samuel 7:10 ပူးပေါင်းရင်းမြစ်များ

2 Mga Hade 21:8

Kun otobon nin Israel an gabos kong togon saka mga pagboot na itinao sainda ni Moises, dai ko tutugotan na mapahale pa sinda sa daga na itinao ko sa saindang mga ginikanan.”

1 Mga Cronica 17:9

Nagpili na ako nin sarong lugar para sa sakong banwaan nin Israel asin pinapag-erok ko sinda duman, saen dai na sinda aapihon. Kaidto danay na sinasalakay sinda nin mga mariringis na tawo, alagad dai na iyan mangyayari ngunyan. Nanunuga ako na dadaogon ko an saimong mga kaiwal, asin tatawan taka nin mga kapagarakian.

2 Mga Cronica 33:8

Kun otobon nin Israel an gabos kong togon saka mga pagboot na itinao sainda ni Moises, dai ko na tutugotan na mapahale pa sinda sa daga na itinao ko sa saindang mga ginikanan.”

Salmo 44:2

kun paano mo pinahale an mga nasyon, asin pinatindog sa daga ninda an saimong banwaan; an ibang mga nasyon saimong pinadusahan, alagad an sadiri mo tinawan nin katalingkasan.

Salmo 44:4

Ika an sakuyang hade asin sakuyang Dios; ika an nagtatao nin kapangganahan ki Jacob.

Salmo 80:8

Sarong ubasan kinua mo hale sa Egipto; pinahale mo an mga nasyon asin itinanom idto.

Salmo 80:9

Saimong hinawanan an lugar na tataluboan; kaya nakagamot asin nakalakop sa daga an ubasan.

Exodo 1:22

Kaya nagboot an hade sa mga Egipcio, “Itapok nindo sa Salog nin Nilo an lambang bagong mamundag na lalaki sa mga Hebreyo, alagad pabayaan nindong mabuhay an gabos na aking babae.”

Exodo 15:17

Dinara mo sinda asin itinanom sa sadiri mong bukid, an lugar, O Kagurangnan, na pinili mo bilang saimong erokan, an Templo na saimong hinaman.

Isaias 5:2

Kinalot niya an daga asin hinale an mga gapo, dangan tinanoman nin mga piling balagon. Nagpatindog siya nin sarong bantayan sa tahaw kaiyan, asin naggibo nin kalot na pagpupugaan kan mga ubas. Naghalat siyang maghinog an mga ubas alagad kan ini mahinog, maalsom an lambang saro.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Isaias 60:18

Dai na nanggad madadangog an kadahasan; an saimong daga dai na nanggad makakanamit nin pagkagaba. Ako an magigin kaligtasan asin depensa mo siring sa sarong kudal; oomawon mo ako huli ta ako an nagligtas saimo.

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Jeremias 18:9

Alagad kun magtaram ako na sakong itatanom o papatindogon an arin man na nasyon o kahadean,

Jeremias 24:6

Babantayan ko sinda asin ibabalik sa dagang ini. Papatindogon ko sinda asin dai ko rurumpagon; itatanom ko asin dai ko sinda gagaboton.

Ezekiel 28:24

Nagtaram an Kagurangnan, “Maski saro kan mga nasyon na nakapalibot sa Israel na nagtuyatuya saiya kaidto dai na nanggad magigin arog sa mga tonok asin mga binit na malugad sa Israel. Dangan maaaraman ninda na ako an Kagurangnan Dios.”

Oseas 2:18

Sa panahon na iyan makikipagtipan ako sa gabos na lalaw na hayop saka mga gamgam, tanganing dai na ninda pagkulogan an sakong banwaan. Hahaleon ko man an gabos na armas nin gera sa daga, an gabos na espada saka pana, asin tutugotan kong mamuhay an sakong banwaan na matoninong asin ligtas.

Amos 9:15

Itatanom ko an sakong banwaan sa daga na itinao ko sainda, asin dai na nanggad sinda gagaboton.” An Kagurangnan na saindong Dios an nagtaram.

Kapahayagan 21:4

Papahidon niya an gabos nindang luha. Mayo na nin kagadanan, kamondoan, pagtangis o kasakitan, huli ta napara na an mga daan na bagay.”

Hukom 4:3

Si Jabin igwa nin nuebe syentos na karwaheng gibo sa lansang, asin sa laog nin beynteng taon, pinasakitan niya saka inapi an mga Israelita, kaya nag-agrangay sinda sa Kagurangnan tanganing tabangan.

1 Samuel 13:17

Nagruluwas sa saindang kampo an mga Filisteo sa tolong grupo tanganing magsalakay: an sarong grupo nagpasiring sa Ofra sa teritoryo nin Sual;