2 Samuel 6:7 - Marahay na Bareta Biblia

⁷ Naanggot an Kagurangnan Dios ki Uzza kaya ginadan niya ini duman. Nagadan si Uzza sa kataed kan Kaban nin Tipan,

2 Samuel 6:7 ပူးပေါင်းရင်းမြစ်များ

2 Samuel 6:8

kaya sagkod ngunyan an lugar na idto inaapod Perez Uzza. Naanggot si David huli ta pinadusahan nin Kagurangnan si Uzza.

1 Mga Cronica 13:10

Naanggot an Kagurangnan ki Uzza kaya ginadan niya ini huli ta kinapotan kaini an Kaban. Nagadan duman si Uzza sa atubangan nin Dios.

1 Mga Cronica 15:13

Huli ta bako kamo an nagdara kaiyan kan enot, pinadusahan kita nin Kagurangnan na satong Dios dahelan ta dai nyato iyan inataman sa paagi na saiyang ipinagboot.”

1 Mga Cronica 15:2

Dangan nagsabi si David, “An mga Levita sana iyo an makakapagdara kan Kaban nin Tipan, huli ta sinda an pinili nin Kagurangnan na magdara kaiyan asin maglingkod saiya sagkod pa man.”

Mga Bilang 1:51

Kun maliwat kamo nin kampo, an mga Levita an matangkas kan Tabernakulo asin matugdok kaiyan sa bagong lugar. An magrani sa Tabernakulo pwera sainda, gagadanon.

Mga Bilang 4:15

Kun mahale na sinda sa saindang pinagkakampohan pakatapos na mapatos ni Aaron saka kan saiyang mga aki an mga kagamitan sa Tabernakulo, madolok an kamaganakan ni Kohat tanganing darahon an mga sagradong bagay. Alagad dai ninda dapat dutaan an mga iyan tanganing dai sinda magadan. Iyo iyan an magigin katongdan kan kamaganakan ni Kohat kun liniliwat an Tabernakulo.

1 Samuel 25:38

Pakalihis nin sampolong aldaw, hinampak nin Kagurangnan si Nabal asin nagadan siya.

1 Samuel 6:19

Ginadan nin Kagurangnan an setenta sa kalalakihan kan Bet-semes huli ta naghiling sinda sa laog kan Kaban nin Tipan. Nagmorondo an mga tawo duman huli ta dakul sainda an ginadan nin Kagurangnan.