2 Samuel 6:21 - Marahay na Bareta Biblia

²¹ Nagsimbag si David, “Nagsayaw ako tanganing sambahon an Kagurangnan, na nagpili sako embes kan saimong ama asin kan saiyang pamilya bilang hade kan bilog na Israel. Masayaw pa ako tanganing sambahon an Kagurangnan,

2 Samuel 6:21 ပူးပေါင်းရင်းမြစ်များ

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

2 Samuel 6:14

Nagsayaw si David sa atubangan nin Kagurangnan sa bilog niyang kosog; nakasulot siya nin efod na lino.

2 Samuel 6:16

Mantang dinadara palaog sa syudad an Kaban nin Tipan, nagdungaw sa bintana si Mical na aking babae ni Saul asin nahiling niya si Hadeng David na nagsasayaw saka naglulukso sa atubangan nin Kagurangnan; nauyam si Mical ki Hadeng David.

2 Samuel 6:22

asin orog kong ibababa an sakong pagkatawo. Pwede mong isipon na mayo akong halaga, alagad oomawon ako kan mga daragang idto!”

2 Samuel 6:5

Si David asin an gabos na Israelita nagsasayaw saka nag-aawit sa bilog nindang kosog tanganing omawon an Kagurangnan. Nagtugtog sinda nin mga arpa, tamborin, lira, bombo, saka gimbal.

2 Samuel 7:8

“Kaya sabihan mo si David na sakong sorogoon na ako, an Kagurangnan nin mga hukbo, an nagtataram saiya, ‘Kinua taka hale sa pagpastor nin mga karnero sa kaomahan asin ginibo takang hade kan sakong banwaan nin Israel.

1 Mga Cronica 15:29

Mantang dinadara palaog sa syudad an Kaban nin Tipan, nagdungaw sa bintana si Mical na aking babae ni Saul, asin nahiling niya si Hadeng David na nagsasayaw saka naglulukso sa kaogmahan; nauyam si Mical ki Hadeng David.

Mga Gibo 13:22

Pakahalea ki Saulo, ginibo nin Dios si David na magin hade ninda. Ini an sinabi nin Dios dapit saiya, ‘Nahiling ko ki David na aki ni Jesse an lalaking oyon sa puso ko. Siya an tawong maotob kan gabos kong kabotan.’

1 Corinto 10:31

Kaya, anoman an gibohon nindo, magkakan man o mag-inom kamo, giboha nindo iyan gabos sa pag-omaw sa Dios.

1 Samuel 13:14

Alagad dai na madanay an saimong kahadean; sinuhay mo an Kagurangnan, kaya mahanap siya nin lalaking naooyonan niya na gigibohon niyang hade kan saiyang banwaan.”

1 Samuel 15:28

Sinabihan siya ni Samuel, “Pinakit na saimo nin Kagurangnan an kahadean nin Israel ngunyan na aldaw asin itinao na sa sarong lalaking mas marahay ki sa saimo.

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 16:12

Kaya ipinaapod siya ni Jesse. Gwapo siyang lalaki, hoben, mabaskog asin magayon an mga mata. Tinaraman nin Kagurangnan si Samuel, “Tindog, lahidan mo siya, huli ta iyo na siya.”