2 Samuel 6:17 - Marahay na Bareta Biblia

¹⁷ An Kaban nin Tipan nin Kagurangnan dinara ninda asin ibinugtak sa sadiri kaining lugar sa laog kan tolda na pinatindog ni David. Pakatapos, nagdolot si David nin mga tinutong na atang asin dolot para sa katoninongan sa Kagurangnan.

2 Samuel 6:17 ပူးပေါင်းရင်းမြစ်များ

1 Mga Hade 8:5

Nagtiripon sa atubang kan Kaban nin Tipab si Solomon pati an bilog na banwaan nin Israel, dangan nagdolot nin karnero saka baka, na dai mabilang sa kadakulan.

1 Mga Cronica 15:1

Nagpatugdok si David nin mga harong para saiya duman sa Syudad ni David. Nag-andam man siya nin sarong lugar para sa Kaban nin Tipan nin Dios, asin nagpatugdok nin sarong tolda para digdi.

1 Mga Cronica 15:3

Kaya tinipon ni David sa Jerusalem an bilog na Israel tanganing darahon an Kaban nin Tipan sa lugar na inandam niya para digdi.

1 Mga Cronica 16:1

An Kaban nin Tipan nin Dios dinara ninda sa tolda na inandam ni David. Ibinugtak ninda duman an Kaban nin Tipan, dangan nagdolot sinda sa Dios nin mga tinutong na atang saka mga dolot para sa katoninongan.

1 Mga Cronica 6:31

Iyo ini an mga lalaki na pinapamahala ni Hadeng David kan musika duman sa lugar na pagsasambahan sa Jerusalem kan yaon na duman an Kaban nin Tipan.

2 Mga Cronica 1:4

Alagad nasa Jerusalem an Kaban nin Tipan, sa sarong tolda na itinugdok ni Hadeng David, kan darahon niya an Kaban nin Tipan hale sa Kiriat-jearim.)

2 Mga Cronica 5:6

Nagtiripon sa atubangan kan Kaban nin Tipan si Solomon pati an bilog na banwaan nin Israel, dangan nagdolot nin karnero saka baka, na dai mabilang sa kadakulan.

Salmo 132:8

Kagurangnan, lumaog ka sa lugar na saimong pinagpapahingaloan, kaiba an Kaban nin Tipan, na tanda kan saimong kapangyarihan.

Levitico 3:9

Idodolot ninda sa Kagurangnan bilang atang para sa katoninongan an taba, an bilog na matabang ikog na puputolon hale sa may odog, an gabos na taba na minatahob kan bituka,