2 Samuel 5:7 - Marahay na Bareta Biblia

⁷ Alagad nasakop ni David an bantayan nin Sion, asin nabantog ini sa ngaran na “Syudad ni David.”)

2 Samuel 5:7 ပူးပေါင်းရင်းမြစ်များ

2 Samuel 5:8

Kan aldaw na idto, nagsabi si David sa saiyang mga tawohan, “An siisay man na boot gumadan kan mga Jebuseo, na ikinakaongis ko, kaipuhan mag-agi sa kanal kan tubig asin salakayon an mga pilay saka mga buta duman.” (Ini an dahelan kun tadaw ta sinabing, “Dai makakalaog sa harong nin Kagurangnan an mga buta asin an mga pilay.”)

2 Samuel 5:9

Duman na nag-erok si David sa bantayan asin nginaranan niya ining “Syudad ni David.” Pinadakula niya an syudad magpoon sa lugar na tinambakan nin daga sa sirangan na parte kan bulod.

2 Samuel 6:10

Kaya dai na dinara ni David sa Jerusalem an Kaban nin Tipan; iwinalat niya ini sa harong ni Obed Edom, na taga Gat.

2 Samuel 6:12

Naaraman ni Hadeng David na huli kan Kaban nin Tipan, benendisyonan nin Kagurangnan an pamilya ni Obed Edom asin an gabos na pagsadiri niya; kaya nagduman si David sa harong ni Obed Edom asin kinua an Kaban nin Tipan dangan dinara sa Jerusalem; nagkaigwa sinda nin dakulang selebrasyon.

2 Samuel 6:16

Mantang dinadara palaog sa syudad an Kaban nin Tipan, nagdungaw sa bintana si Mical na aking babae ni Saul asin nahiling niya si Hadeng David na nagsasayaw saka naglulukso sa atubangan nin Kagurangnan; nauyam si Mical ki Hadeng David.

1 Mga Hade 2:10

Nagadan si David asin ilinubong sa Syudad ni David.

1 Mga Hade 3:1

Nakipag-alyansa si Solomon sa hade nin Egipto kan agomon niya an aki kaini. Dinara niya an prinsesa sa syudad ni David tanganing duman mag-erok sagkod na matapos an pagpatugdok niya kan palasyo, kan Templo, asin kan kudal sa palibot nin Jerusalem.

1 Mga Hade 8:1

Dangan tinipon ni Solomon sa Jerusalem an kamagurangan nin Israel, an mga pamayo kan mga tribu asin mga lider kan mga kamaganakan kan banwaan nin Israel tanganing kuahon sa Sion, an syudad ni David, an Kaban nin Tipan nin Kagurangnan, dangan darahon sa Templo.

1 Mga Hade 9:24

Pinatambakan ni Solomon nin daga an sirangan na parte kan syudad, pakatapos na an saiyang agom, an aking babae kan Hade nin Egipto, maghale sa Syudad ni David tanganing mag-erok sa palasyo na ipinatugdok para saiya ni Solomon.

1 Mga Cronica 11:7

Duman na nag-erok si David sa bantayan, kaya inapod idtong “Syudad ni David.”

2 Mga Cronica 24:16

Ilinubong siya sa Syudad ni David, sa lulubngan kan mga hade, huli ta naggibo siya nin karahayan sa Israel, sa Dios asin sa Templo.

2 Mga Cronica 5:2

Dangan tinipon ni Solomon sa Jerusalem an kamagurangan nin Israel, an mga pamayo kan mga tribu asin an mga lider kan mga kamaganakan kan banwaan nin Israel, tanganing kuahon sa Sion, an syudad ni David, an Kaban nin Tipan nin Kagurangnan, dangan darahon sa Templo.

Nehemias 3:15

An Trangkahan nin Burabod hinirahay ni Sallum na aking lalaki ni Colhoze, na kagsakop kan Distrito nin Mizpa. Inatopan niya an Trangkahan dangan ibinugtak an mga pinto, an mga barat, saka mga bisagra. Itinugdok niya an kudal kan Tangke nin Tubig nin Shela sa kataed kan tatamnan kan hade, sagkod sa mga paibabang hagdan kan Syudad ni David.

Salmo 132:13

Huli ta an Sion pinili nin Kagurangnan; minawot niyang ini an magin saiyang erokan:

Salmo 2:6

Nagtaram siya, “Ibinugtak ko an sakong hade sa Sion, an banal kong bulod.”

Salmo 48:12

Banwaan nin Dios, lakaw sa palibot nin Sion asin bilanga an mga tore;

Salmo 48:3

An Dios nagpapahiling na sa laog kan mga bantayan siya an pailihan.

Salmo 51:18

Sa saimong pagkamarahayon, tabangan mo an Sion; an mga lanob nin Jerusalem saimong pakarahayon.

Salmo 87:2

namomotan nin Kagurangnan an syudad nin Jerusalem orog ki sa gabos na banwaan nin Israel.

Salmo 9:11

Mag-awit kamo nin pag-omaw sa Kagurangnan, na naghahade sa Sion! An mga ginibo niya ibareta nindo sa lambang nasyon!

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 59:20

An Kagurangnan nagsasabi sa saiyang banwaan, “Maabot ako sa Jerusalem sa pagsurog saindo asin sa pagligtas sa gabos na nagbabakle sa saindang kasalan.

Jeremias 21:13

Nagtutukaw ka, Jerusalem, sa itaas kan mga kapantayan, arog sa gapo na nasa tahaw nin kahiwasan. Alagad ako kalaban mo. Sinasabi mo na mayo nin makakasalakay saimo o maglaog sa saimong mga bantayan.

Mikas 4:2

asin masarabi an saindang namamanwaan, “Magturukad kita sa bulod nin Kagurangnan, sa Templo kan Dios nin Israel. Tanganing matukdoan niya kita kan dapat tang gibohon asin maglakaw kita sa saiyang mga dalan. An katukdoan nin Kagurangnan naghahale sa Jerusalem; nagtataram siya sa saiyang banwaan hale sa Sion.”

Roma 9:33

na nasasambit sa kasuratan, “Hilinga, nagbugtak ako sa Sion nin sarong gapo na masisingkogan nin mga tawo, sarong gapo na makakapatumba sainda. Alagad an siisay man na magtubod saiya, dai mapapasopog.”

Hebreyo 12:22

Kundi nagdolok kamo sa Bukid nin Sion asin sa syudad kan buhay na Dios, an langitnon na Jerusalem, na may dai mabilang na mga anghel na maogmang nagtitiripon.

Kapahayagan 14:1

Dangan nahiling ko an Kordero na nagtitindog sa ibabaw kan Bukid nin Sion, kaiba an syento kwarenta y kwatro mil katawo; sa mga angog ninda nasusurat an ngaran kan Kordero saka an ngaran kan saiyang Ama.