2 Samuel 5:21 - Marahay na Bareta Biblia

²¹ Kan magdurulag an mga Filisteo, nagkawaralat an saindang mga dios-dios; an mga ini kinurua ni David asin kan saiyang mga tawohan.

2 Samuel 5:21 ပူးပေါင်းရင်းမြစ်များ

Isaias 37:19

Sinurulo ninda an mga dios kan mga nasyon na iyan na bako man talagang mga dios, kundi mga kahoy saka gapo na ginibo nin tawo.

Jeremias 43:12

Susuloon ko an mga templo kan mga dios-dios nin Egipto, asin susuloon kan hade nin Babilonia o kaya sasamsamon an saindang mga dios-dios. Lilinigan niya an daga nin Egipto arog kan paglinig kan pastor sa saiyang gubing tanganing mahale an mga kuto. Pakatapos kaiyan, mapanggana siyang mahale sa Egipto.

Jeremias 48:7

“Moab, nanarig ka sa saimong kosog asin yaman, alagad ngunyan maski ika masasakop; mabibihag an saimong dios-dios na si Kemos, kaiba an saiyang mga prinsipe saka mga padi.

Daniel 11:8

Dadarahon niya sa Egipto an mga ladawan kan saindang mga dios-dios saka mga bagay na gibo sa bulawan asin plata na kinonsagra sa mga dios-dios na idto. Pakalihis nin nagkapirang taon nin katoninongan,

Deuteronomio 7:25

Suloon nindo an saindang mga dios-dios. Dai nindo pagmawoton asin pagsadirihon an mga plata o bulawan na yaon sa mga ladawan na iyan, huli ta iyan an makakasiod sa saindo; ikinakaanggot nin Kagurangnan an pagsamba sa mga dios-dios.

Deuteronomio 7:5

Kaya gabaon nindo an saindang mga altar, rumpagon an saindang mga hariging gapo, palodon an saindang mga simbolo kan saindang diosa na si Asera asin suloon nindo an gabos nindang ladawan.