2 Samuel 5:18 - Marahay na Bareta Biblia

¹⁸ Nag-abot an mga Filisteo asin naglakop sinda sa Kapantayan nin Refaim.

2 Samuel 5:18 ပူးပေါင်းရင်းမြစ်များ

Genesis 14:5

Sa ikakatorseng taon, ginera asin dinaog ni Kedorlaomer patin kan saiyang kaapil na mga hade an mga Refaim kan Asterot-karnaim, an mga Zuzim duman sa Ham, an mga Emim sa kapatagan nin Kiriataim,

2 Samuel 23:13

Kan magpopoon na an tig-anihan, tolo sa treyntang namamayong soldados an nagduman ki David, sa may lungib nin Adullam, mantang nagkakampo an sarong grupo nin mga Filisteo sa Kapantayan nin Refaim.

2 Samuel 5:22

Dai nahaloy, nagbalik an mga Filisteo asin naglakop giraray sinda sa Kapantayan nin Refaim.

1 Mga Cronica 11:15

Sarong aldaw, tolo sa treyntang mga namamayong soldados an nagduman sa sarong gapo, saen nag-ontok si David sa may Lungib nin Adullam, mantang nagkakampo an sarong grupo nin mga Filisteo sa Kapantayan nin Refaim.

Isaias 17:5

An Israel makakaarog sa sarong oma na bago pa sanang anihon an mga trigo, siring sa sarong oma sa Kapantayan nin Refaim pakatapos na anihan iyan.

Josue 15:8

dangan minatukad sa may Kapantayan nin Hinnom, na nasa habagat kan bulod na pinatindogan kan Jerusalem, an Jebuseong syudad. Dangan minadagos an pagdolonan sa alitoktok kan bulod na nasa solnopan kan Kapantayan nin Hinnom, sa amihan na poro kan Kapantayan nin Refaim.

Josue 17:15

Nagsimbag si Josue, “Kun dakul na kamong marahay asin sadit na para saindo an mabulod na daga ni Efraim, magduman kamo sa kadlagan asin hawanan nindo para saindo an daga kan mga Perezeo saka kan mga Refaim.”

Josue 18:16

Minaibaba ini pasiring sa pamitisan kan bukid na nakadungaw sa Kapantayan nin Hinnom, sa amihan na poro kan Kapantayan nin Refaim, dangan minapasiring sa habagat, na minaagi sa Kapantayan nin Hinnom, sa habagat kan tukadon kan mga Jebuseo, pasiring sa En-rogel.