2 Samuel 4:8 - Marahay na Bareta Biblia

⁸ Dinara ninda an payo ki Hadeng David duman sa Hebron. Nagsabi sinda, “Uya an payo ni Isboset, an aki kan saimong kaiwal na si Saul na boot gumadan saimo. Itinugot nin Kagurangnan na makabalos ngunyan na aldaw an sakong hade ki Saul asin sa saiyang kapagarakian.”

2 Samuel 4:8 ပူးပေါင်းရင်းမြစ်များ

2 Samuel 18:19

Dangan nagsabi ki Joab si Ahimaaz, an aking lalaki ni Zadok, “Tugote akong magdalagan asin magdara kan marahay na bareta sa hade na ilinigtas siya nin Kagurangnan sa saiyang mga kaiwal.”

2 Samuel 18:31

Dangan nag-abot an oripon na taga Sudan asin nagsabi sa hade, “Dara ko an marahay na bareta para sa mahal na hade! Pinapanggana ka ngunyan na aldaw nin Kagurangnan laban sa gabos na nagrebelde saimo!”

2 Samuel 2:8

Si Abner na aking lalaki ni Ner asin pamayo kan hukbo ni Saul, nagdulag sa ibong kan Jordan pasiring sa Mahanaim, kaiba an aki ni Saul na si Isboset;

2 Samuel 22:48

Tinawan niya ako nin kapangganahan laban sa sakong mga kalaban; pinasakop niya sako an mga nasyon

Salmo 71:24

Bilog na aldaw an sakong dila magtataram kan saimong katanosan, huli ta nawaran nin dangog asin nasopog, an mga nagmamawot magtao sako nin kulog.

Mateo 2:20

asin nagsabi, “Magbangon ka, magbalik na kamo sa Israel, huli ta gadan na an mga naghomang gumadan sa aki.”

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 6:10

Nagkurahaw sinda, “Mapangyaring Kagurangnan, banal asin totoo! Nuarin mo huhukoman asin papadusahan an mga tawong guminadan samo?”

1 Samuel 18:11

nagsaboot siya, “Itatadok ko si David sa lanob,” dangan ginarod niya si David nin makaduwang beses, alagad nakalikay si David.

1 Samuel 19:1

Sinabihan ni Saul an aki niyang lalaki na si Jonatan asin an gabos niyang opisyal na gadanon si David. Alagad nawilihan ni Jonatan si David,

1 Samuel 19:15

Alagad pinabalik sinda ni Saul tanganing sinda mismo an humiling ki David. Pinagbotan sinda kan hade, “Daraha nindo siya sako sa saiyang nahihigdaan tanganing gadanon ko.”

1 Samuel 20:1

Dangan naghale si David sa Naiot sa Rama asin nagduman ki Jonatan. Hinapot niya si Jonatan, “Ano an ginibo ko? Ano an sakong kasalan? Anong karatan an ginibo ko sa saimong ama ta boot niya akong gadanon?”

1 Samuel 23:15

Natakot si David huli ta pinagmawot ni Saul na gadanon siya. Yaon duman si David sa Hores, sa kalangtadan nin Zif.

1 Samuel 24:4

Sinabihan si David kan saiyang mga tawohan, “Iyo na ini an oportunidad mo! Tinaraman ka baga nin Kagurangnan na itatao niya sa saimong kamot an saimong kaiwal asin magigibo mo saiya an boot mong gibohon.” Nagkamang si David pasiring ki Saul asin tuminabas nin sadit na pedaso sa gubing niya; dai nagmangno an hade.

1 Samuel 25:29

Kun igwang magsalakay saimo asin magmawot na gadanon ka, an Kagurangnan na saimong Dios an maataman saimo, arog kan pag-ataman nin sarong tawo sa sarong mahalagang bagay. Alagad saiyang itatapok an saimong mga kaiwal, siring sa mga gapo na ilinalagpitaw nin sarong tawo.