2 Samuel 3:39 - Marahay na Bareta Biblia

³⁹ Maski ako an hade na pinili nin Dios, ako nanluluya ngunyan na aldaw. Sobra para sako an dahas kan mga aking lalaking ini ni Zeruias. Padusahan logod nin Kagurangnan an mga kriminal na ini sosog sa saindang karatan.”

2 Samuel 3:39 ပူးပေါင်းရင်းမြစ်များ

2 Samuel 16:10

Sinabihan kan hade si Abisai asin an tugang niyang si Joab, “Dai kamo makilabot digdi. Kun maldisyonon niya ako huli ta sinabihan siya nin Kagurangnan, siisay an may deretsong maghapot kun tadaw ta ginigibo niya iyan?”

2 Samuel 19:13

Tinugon man ni David an mga padi na sabihan si Amasa, “Kadugo taka. Poon ngunyan, ika an ibubugtak kong pamayo kan hukbo embes na si Joab. Gadanon logod ako nin Dios kun dai ko iyan gibohon!”

2 Samuel 19:22

Alagad nagsabi si David ki Abisai asin sa tugang kaining si Joab, “Siisay an naghagad saindo nin hatol? Kamo an matao sako nin problema? Ako na an hade sa Israel ngunyan, asin mayong magagadan na Israelita ngunyan na aldaw.”

2 Samuel 3:38

Sinabihan kan hade an saiyang mga opisyal, “Dai nindo naaaraman na nagadan ngunyan sa Israel an sarong prinsipe asin dakulang tawo?

1 Mga Hade 2:32

Papadusahan siya nin Kagurangnan huli ta ginadan niya an duwang lalaking orog na matanos ki sa saiya, si Abner na pamayo kan hukbo nin Israel, asin si Amasa na pamayo kan hukbo nin Juda. Ginadan niya an duwang ini na dai nakakaaram an sakong ama na si David.

1 Mga Hade 2:9

Alagad dai mo siya pabayaan na dai mapadusahan. Aram mo na kun ano an dapat gibohon; dai ka magtugot na magadan siya sa natural na paagi.”

1 Mga Cronica 22:5

Nagsaboot si David, “An Templo na ipapatugdok para sa Kagurangnan kaipuhan magayon, bantog asin igagalang sa bilog na kinaban. Alagad hoben pa si Solomon na sakuyang aking lalaki, saka mayo pa nin naaaraman; kaya aandamon ko na an mga kaipuhan para sa Templo.” Kaya bago nagadan si David, inandam na niya an dakul na mga kagamitan para sa Templo.

1 Mga Cronica 29:1

Sinabihan ni David an bilog na katiriponan, “Hoben pa saka kulang pa nin pakaaram an sakuyang aki na si Solomon, na pinili nin Dios. Dakula an trabaho, huli ta an papatindogon bakong palasyo para sa tawo kundi sarong Templo para sa Kagurangnan Dios.

2 Mga Cronica 13:7

dangan nagtipon siya nin sarong grupo nin mayo nin halagang mga tawo asin kinalaban ninda si Rehoboam, na aking lalaki ni Solomon. Dai nin naginibo sainda si Rehoboam huli ta ini aki pa saka mayo nin pakaaram.

Salmo 101:8

Aroaldaw gagadanon ko an gabos na tampalasan sa daga, papahaleon ko sa syudad nin Kagurangnan an gabos na paragibo nin karatan.

Salmo 28:4

Padusahan mo sinda kan saindang karatan, sosog sa kasalan na naginibohan. Padusahan mo sinda sosog sa saindang ginibo, balosan mo sinda siring sa maninigo.

Salmo 62:12

asin an danay na pagkamoot. Ika, Kagurangnan, an mabalos sa kiisay man sosog sa saiyang mga gibo.

Salmo 7:16

Kaya siya an nagdudusa sa ginibo niyang karatan; nakukulgan kan gibo niyang kadahasan.

Salmo 75:10

Roronoton niya an kapangyarihan kan mga maraot, alagad dudugangan niya an kapangyarihan kan mga matanos.

Exodo 21:12

“An siisay man na magkulog nin iba dangan nagadan siya, dapat na gadanon man.

Mga Talinhaga 20:8

Kun an hade magtukaw sa paghukom, mayo nin karatan na makakalampas sa saiyang panhiling.

Mga Talinhaga 25:5

Halea sa hade an maraot na mga parahatol, asin magdadanay sa kahadean an hustisya.

Isaias 3:11

Herak man sa mga maraot! Madatong sainda an kapahamakan, huli ta kun ano an saindang ginibo iyo man an gigibohon sainda.

Isaias 7:4

Sabihan mo siyang magin andam, na dai mahandal o matakot o manluya an boot, huli ta an kaanggotan ni Hadeng Rezin kaiba an mga Siro asin ni Hadeng Peka garo sana duwang nag-aasong pungo.

Jeremias 38:5

Nagsimbag si Hadeng Zedekias, “Giboha nindo an gusto nindo saiya; dai ko kamo pwedeng pugolan.”

Daniel 6:16

Kaya nagboot an hade na dakopon si Daniel asin ihulog sa kalot na pano nin leon. Sinabihan kan hade si Daniel, “Iligtas ka logod kan saimong Dios, na maimbod mong pinaglilingkodan.”

Mga Bilang 32:23

Alagad kun dai nindo gibohon an saindong panuga, pinapatanidan ko kamo na magkakasala kamo sa Kagurangnan. Tandaan nanggad nindo; papadusahan kamo huli kan saindong kasalan.

Roma 13:4

Huli ta siya sorogoon nin Dios na naglilingkod para sa ikakarahay mo. Alagad kun maraot an gibo mo, dapat kang matakot saiya huli ta may kapangyarihan siya sa pagpadusa saimo. Sorogoon siya nin Dios asin dara niya an padusa nin Dios sa mga tawong maraot an gibo.

2 Timoteo 4:14

Dakulang karatan an ginibo sako ni Alejandro na panday nin mga metal; babalosan siya nin Kagurangnan sosog sa saiyang ginibo.

Hukom 9:57

Ginibo man nin Dios na magtios an mga taga Shekem huli kan saindang karatan, siring sa maldisyon ni Jotam, na aking lalaki ni Gideon.